1 Laˬsaˬbaˬ 26:4 - Akha

⁴ AwˇbehˆEˬdoˬ-ahˇ kʼawꞈ Miˬyehˇ guiˬ lahˬ biꞈ nehˬ-awˇ, aˬ li yehꞈ li bi jawˇ le-euˬ meh. Aˬ yuiꞈ yuiꞈ saˬ gʼaˬ Sheˬmaˇyaˬ, aˬ gʼahˇ gʼaˬ Yeˬhawˇzaˬbaˆ, smˇ gʼaˬ tiˬ gʼaˬ Yoˇaˬ, oeˬ gʼaˬ tiˬ gʼaˬ Saˬkaˬlaˆ, ngaˬ gʼaˬ tiˬ gʼaˬ Naˬdaˬneˬlaˇ,

1 Laˬsaˬbaˬ 26:4 ပူးပေါင်းရင်းမြစ်များ

2 Saˬmeuˬlaˆ 6:10

Kʼoeˇ miˇ neh, Dawˬ ma saˇ jaˇ Bahˬ keuˆ-ahˇ Yeˬluˇsaˬlehˬ meuˬ-ahˇ maˬ paˇ baꞈ kʼoꞈ gʼeh ma lehˇ aˬ yawꞈ noeˬ tsehˆ-awˇ, Gaˬdaˇ meuˬ-ahˇ jawˇ-eu AwˇbehˆEˬdoˬ-euˬ nymˇ-ahˇ baꞈ taˬ-iˇ-euˬ meh.

2 Saˬmeuˬlaˆ 6:11

Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ ba la smˇ siˬ byah ni jaˆ-awˇ, AwˇbehˆEˬdoˬ hawˇ-eu aˬ yawꞈ-euˬ nymˇ jiˇ-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ meh.

2 Saˬmeuˬlaˆ 6:12

Dawˬ ma saˇ jaˇ Bahˬ keuˆ baˬ da neh, AwˇbehˆEˬdoˬ-euˬ nymˇ jiˇ hawˇ-eu aˬ yawꞈ kʼaˇjaˆ-eu yawˬ jeˬ na luꞈ kʼoeˇ taˆ Sahˬpaˬ Miˬyehˇ guiˬ lahˬ biꞈ nehˬ-euˬ gaˇ kawˆ-ahˇ, sahˬ paˬ Daˬbiˇ ya gaˬ ngeh, AwˇbehˆEˬdoˬ-euˬ nymˇ-ahˇ jaˆ-eu Dawˬ ma saˇ jaˇ Bahˬ keuˆ baꞈ laˬ-iˇ-awˇ, bawˬ-iˬ gʼeh-eu laꞈ kʼoeˇ, Yeˬluˇsaˬlehˬ meuˬ-ahˇ baꞈ kʼoꞈ gʼeh-euˬ meh.

1 Laˬsaˬbaˬ 13:14

Bahˬ keuˆ kʼoeˇ ba la smˇ siˬ byah ni kʼoeˇ gaˇ jaˆ-awˇ, AwˇbehˆEˬdoˬ-euˬ nymˇ jiˇ hawˇ-eu aˬ yawꞈ kʼaˇ jaˆ-eu yawˬ jeˬ na luꞈ kʼoeˇ taˆ Miˬyehˇ guiˬ lahˬ biꞈ-euˬ meh.

1 Laˬsaˬbaˬ 16:38

Yeˬduˇdoˬ-euˬ aˬ li AwˇbehˆEˬdoˬ hawˇ-eu aˬ yawꞈ-eu aˇ jeuˬ koꞈ tseˇ yehꞈ gʼaˬ, aˬ yawꞈ maꞈ-ahˇ bi caw ba-euˬ meh. Hawˇsaˬ hawˇ-eu AwˇbehˆEˬdoˬ aˬ nyaꞈ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 16:5

Aˬsaˆ-ahˇ aˬ yuiꞈ bi geuꞈ-awˇ, Zaˬkaˬliˇ bi caw ba-euˬ meh. Yeˬyeˬlaˇ, Sheˬmiˇlaˬmoˇ, Yeˬheˬlaˇ, Maˬtiˇdiˇ, Eˇliˇbaˆ, Baˬnaˇyaˬ, Awˇbehˆeˬdoˬ, Yeˬyeˬlaˇ aˬ ha maꞈ-ahˇ deuˇ-mˬ bi diˬ-euˬ meh. Aˬsaˆ gʼaˬ-aˬ cehˇ lehˇ ciˆ-euˬ meh.

1 Laˬsaˬbaˬ 26:3

Eˇlamˬ, Yeˬhawˇhaˬnaˬ, Eˇliˆhawˇneˬ lehˇ myahˇ-euˬ aˬ li shiꞈ li jawˇ-eu meh. Aˬ yuiꞈ yuiꞈ saˬ gʼaˬ Zaˬkaˬliˇ pyeuꞈ-awˇ, zaˬ saˬ gʼaˬ Eˇliˆhawˇneˬ meh.

1 Laˬsaˬbaˬ 26:5

koꞈ gʼaˬ tiˬ gʼaˬ Aˬmeˬlaˆ, shiꞈ gʼaˬ tiˬ gʼaˬ Iˇsaˬkaˬ, yehꞈ gʼaˬ tiˬ gʼaˬ pyeuꞈ-eu zaˬ saˬ gʼaˬ Pyuˇlaˬdehˇ meh.