1 Laˬsaˬbaˬ 26:31 - Akha

³¹ Yeˬliˇyaˆ-aˬ, Heˬbyoˬ-euˬ zaˬ deuˬ uˆ deuˬ kʼoeˇ taˆ aˬ yuiꞈ geuꞈ-eu gʼaˬ meh. Daˬbiˇ sahˬ paˬ geuꞈ-euˬ oeˬ tseˇ kʼoꞈ kʼawˆ laˇ-awˇ, Heˬbyoˬ-euˬ zaˬ deuˬ uˆ deuˬ-ahˇ pyehˆ tseˇ haw ngeh, aˇ jeuˬ kʼoeˇ jeuˬ laꞈ kʼoeˇ tsawˇ myahˇ doˆ-eu yehˇ deuˬ, Giˇlaˆ miˇ kʼahˬ Yaˬzeuˬ meuˬ-ahˇ jawˇ luꞈ gaˇ ya mawˇ-euˬ meh.

1 Laˬsaˬbaˬ 26:31 ပူးပေါင်းရင်းမြစ်များ

2 Saˬmeuˬlaˆ 5:4

Daˬbiˇ sahˬ paˬ pyeuꞈ laˇ ngeh, aˇ kʼoꞈ smˬ tseˇ byah-awˇ, oeˬ tseˇ kʼoꞈ ehˇ gʼaˬ ni sahˬ paˬ geuꞈ-awˇ uˆ lahˇ-euˬ meh.

1 Sahˬpaˬ 2:11

Aˬ yawꞈ-aˬ, oeˬ tseˇ kʼoꞈ keuˆ ni Iˇsaˬleˬlaˆ miˇ kʼahˬ-euˬ sahˬ paˬ geuꞈ-euˬ meh. Heˬbyoˬ meuˬ-ahˇ jawˇ-awˇ shiꞈ kʼoꞈ uˆ lahˇ-awˇ, Yeˬluˇsaˬlehˬ meuˬ-ahˇ jawˇ-awˇ smˬ tseˇ smˇ kʼoꞈ uˆ lahˇ-euˬ meh.

1 Laˬsaˬbaˬ 23:19

Kawˇhaˆ-euˬ aˬ li smˇ gʼaˬ tiˬ gʼaˬ pyeuꞈ-eu Heˬbyoˬ-aˬ, Yeˬliˇyaˆ, Aˬmaˬliˇ, Yeˬhaˬzeˬlaˇ, Yeˬkaˬmeˬ lehˇ myahˇ-euˬ aˬ li oeˬ li jawˇ-eu meh.

1 Laˬsaˬbaˬ 29:27

Oeˬ tseˇ kʼoꞈ byah ni Iˇsaˬleˬlaˆ miˇ kʼahˬ-ahˇ aˬ yawꞈ uˆ lahˇ-euˬ meh. Heˬbyoˬ meuˬ-ahˇ jawˇ-awˇ shiꞈ kʼoꞈ uˆ lahˇ gʼaˬ miˇ tsa, Yeˬluˇsaˬlehˬ meuˬ-ahˇ jawˇ-awˇ smˬ tseˇ smˇ kʼoꞈ uˆ lahˇ-euˬ meh.

1 Laˬsaˬbaˬ 6:81

Heˬshaˬboˬ meuˬ, Yaˬzeuˬ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

Iˇsaˬyaˇ 16:9

Yaˬzeuˬ meuˬ gʼaˇ duˬ ngaˇ tsawˇ ngoeˇ ngoeˇ-euˬ loꞈ-ehˇ, nymˬ-mˇ Siˇbaˬmaˬ meuˬ-euˬ aˬ gaꞈ baw duˆ gʼaˇ duˬ, ngaˇ tsawˇ ngoeˇ ngoeˇ-eu ma. Miˇ kʼahˬ zaˬ noeˬ tmˬ-awˇ laˬ kʼaˬ cehˇ duˬ pyeuꞈ-eu, cehˇ yehˬ cehˇ diˬ-eu maˬ paˇ baw-euˬ miˇ neh, Heˬshaˬboˬ meuˬ hawˇ-eu Eˇlaˬleˬ meuˬ gʼaˇ duˬ, ngaˬ-euˬ myaˆ biˇ yoeˇ le miˇ-a.

Yawˇshuˆ 13:25

Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.

Yawˇshuˆ 21:39

Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.