1 Laˬsaˬbaˬ 26:27 - Akha

²⁷ Guiˇ deuˆ gaˇ deuˆ za leꞈ-euˬ pyuˇ shuiˇ myawˬ gahˬ tiˬ paˆ na deuˬ-ahˇ, Uˬ duˬ tahˬ nymˇ nymˇ ma laꞈ kʼoeˇ bi zmˬ-eu gʼaˇ duˬ damˬ nehˬ-eu meh.

1 Laˬsaˬbaˬ 26:27 ပူးပေါင်းရင်းမြစ်များ

2 Saˬmeuˬlaˆ 8:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ guiˇ deuˆ gʼaˬ-euˬ miˇ kʼahˬ deuˬ-ahˇ neh yuˇ kʼoꞈ laꞈ-euˬ shuiˇ hawˇ-eu pyuˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

2 Sahˬpaˬ 12:14

Uˬ duˬ tahˬ nymˇ nymˇ ma laˆ saˆ luꞈ-eu tsawˇ haˬ deuˬ-ahˇ gʼaˬ gaˇ poeˬ biꞈ-eu gʼaˇ duˬ hawˇ-eu, kʼoeˇ gaˇ loˬ-eu daˇ kawˬ daˇ laꞈ deuˬ zeuˇ-eu gʼaˇ duˬ tehꞈ-ehˇ, pyuˇ kʼoeˇ deuˬ zmˬ-euˬ meh.

1 Laˬsaˬbaˬ 18:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ neh deuˆ gʼaˬ-euˬ Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ, Aˬmaˬlehˇ miˇ kʼahˬ, heu deuˬ-ahˇ za-euˬ pyuˇ hawˇ-eu shuiˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

1 Laˬsaˬbaˬ 26:26

Sheˬloˇmiˇ hawˇ-eu aˬ yawꞈ-euˬ zaˬ deuˬ uˆ deuˬ-aˬ, sahˬ paˬ Daˬbiˇ neh maˬ ehˇ, aˇ jeuˬ aˇ ca deuˬ kʼoeˇ taˆ aˬ yuiꞈ geuꞈ-eu deuˬ neh maˬ ehˇ, guiˇ maꞈ kʼoeˇ taˆ uˆ lahˇ-awˇ aˬ yuiꞈ geuꞈ-eu deuˬ neh maˬ ehˇ, Miˬyehˇ-ahˇ kʼaˇ damˬ nehˬ-euˬ jeˬ dawˬ tawˆ luꞈ-ahˇ jeˬ hmˬ bo saˆ-eu gaˇ ya mˇ-eu meh.

1 Laˬsaˬbaˬ 26:28

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Saˬmeuˬlaˆ neh hehˇ laꞈ-euˬ maˬ ehˇ, sahˬ paˬ Sawˇluˆ neh hehˇ laꞈ-euˬ maˬ ehˇ, Neˬlaˇ-euˬ aˬ li Aˬbaˬnaˬ neh hehˇ laꞈ-euˬ maˬ ehˇ, Zeˬluˇyaˆ-euˬ aˬ li Yoˇbaˬ neh hehˇ laꞈ-euˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ bi zmˬ-eu gʼaˇ duˬ kʼaˇ damˬ nehˬ laˇ-euˬ jeˬ dawˬ tawˆ luꞈ-ahˇ, Sheˬloˇmiˇ hawˇ-eu aˬ yawꞈ-euˬ zaˬ deuˬ uˆ deuˬ ya jeˬ hmˬ-eu meh.

2 Laˬsaˬbaˬ 5:1

Uˬ duˬ tahˬ nymˇ nymˇ ma tsoˆ gaˇ taꞈ leˇ-eu gaˇ yawˬ jeˬ na luꞈ-ahˇ, sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ,uˬ duˬ tahˬ nymˇ nymˇ ma laꞈ kʼoeˇ jaˆ-eu myawˬ jeˬ hmˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

Yawˇshuˆ 6:19

Pyuˇ, shuiˇ, guiˬ shuiˇ hawˇ-eu shmˇ neh kʼaˇ jahˇ taˬ-euˬ jeˬ dawˬ tawˆ luꞈ, Sahˬpaˬ Miˬyehˇ gʼaˇ duˬ ya bi jaˆ meh. Kʼoeˇ deuˬ-ahˇ Sahˬpaˬ Miˬyehˇ-euˬ pyuˇ daˬ laꞈ kʼoeˇ ya dawˆ ahˇ meh.”