1 Laˬsaˬbaˬ 26:20 - Akha

²⁰ Aˬ yawꞈ maꞈ-euˬ tsawˇ jeuˬ pyeuꞈ-eu Leˬbiˇ tsawˇ haˬ nui deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, Miˬyehˇ-ahˇ damˬ nehˬ-euˬ jeˬ laˆ saˆ jeˬ hmˬ taˬ-eu aˇ lawˆ deuˬ-ahˇ ya haw piˇ-eu meh.

1 Laˬsaˬbaˬ 26:20 ပူးပေါင်းရင်းမြစ်များ

1 Sahˬpaˬ 14:26

Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu myawˬ gahˬ dawˬ tawˆ luꞈ, aˬ yawꞈ yuˇ geuꞈ gʼeh-euˬ meh. Shuiˇ neh jahˇ taˬ-euˬ sahˬ paˬ Sawˇlaˬmoˬ-euˬ dehˬ daˬ duˬ kʼoeˇ deuˬ kʼawꞈ, yuˇ geuꞈ gʼeh-euˬ meh.

1 Sahˬpaˬ 15:18

Kʼoeˇ ngeh jawˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu pyuˇ hawˇ-eu shuiˇ deuˬ-ahˇ sahˬ paˬ Aˬsaˬ yuˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ biꞈ-awˇ, Heˬzoˬ-euˬ aˬ li Taˬbiˇmoˇ-euˬ aˬ li pyeuꞈ-eu Daˬmaˬsehˇ meuˬ-ahˇ jawˇ-eu Suˇliˆ sahˬ paˬ Beˬhaˬdaˇ jawˇ gaˇ bi yuˇ gʼeh-awˇ, heu loꞈ-ehˇ dawˬ tsaꞈ bi tsaꞈ leˇ-euˬ meh.

1 Sahˬpaˬ 7:51

Uˬ duˬ tahˬ nymˇ nymˇ ma tsoˆ-eu gaˇ yawˬ jeˬ na luꞈ-ahˇ sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ, Uˬ duˬ tahˬ nymˇ nymˇ ma laꞈ kʼoeˇjaˆ-eu myawˬ taˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

1 Laˬsaˬbaˬ 18:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ neh deuˆ gʼaˬ-euˬ Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ, Aˬmaˬlehˇ miˇ kʼahˬ, heu deuˬ-ahˇ za-euˬ pyuˇ hawˇ-eu shuiˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

1 Laˬsaˬbaˬ 26:19

Heu-aˬ, Kawˇlaˆ aˇ jeuˬ hawˇ-eu Meˬlaˬliˇ aˇ jeuˬ-ahˇ doˇ-eu loꞈ piˇ-eu gaˇ meh.

1 Laˬsaˬbaˬ 26:21

Geˬlaˬshoˬ-euˬ aˬ li tiˬ gʼaˬ pyeuꞈ-eu Laˬdaˬ-aˬ, aˇ jeuˬ aˇ ca gʼawˬ mya ca-euˬ aˬ da yaw dzahˇ pyeuꞈ-eu meh. Kʼoeˇ-euˬ laꞈ kʼoeˇ, aˬ yawꞈ aˬ li Yeˬheˬlaˇ-euˬ aˇ jeuˬ kʼawꞈ ahˇ-eu meh.

1 Laˬsaˬbaˬ 26:22

Laˬdaˬ-euˬ aˬ li Zeˬdamˬ hawˇ-eu Yawˇlaˆ aˬ nyaꞈ nmˇ-aˬ, uˬ duˬ tahˬ nymˇ laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, mˇ myawˬ keu ka taˬ-euˬ aˇ lawˆ deuˬ-ahˇ ya haw piˇ-eu meh.

1 Laˬsaˬbaˬ 26:24

Moˇseˬ-euˬ aˬ li Geˬlaˬshmˬ aˇ jeuˬ Sheˬbeuˬlaˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ-ahˇ haw piˇ-eu paw, dawˬ tawˆ luꞈ kʼoeˇ taˆ huiˬ dzehˬ-eu aˬ yuiꞈ geuꞈ-euˬ meh.

2 Laˬsaˬbaˬ 8:15

Myawˬ jeˬ hmˬ-eu nymˇ deuˬ-ahˇ taꞈ leˇ-eu gaˇ deuˬ hawˇ-eu, gaˇ nui deuˬ-ahˇ taꞈ leˇ-awˇ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Daˬbiˇ neh mehˬ nehˬ tsoˆ nehˬ yaꞈ-euˬ loꞈ-ehˇ, tiˬ dawˬ-iˬ maˬ byehˇ yaꞈ ni mˇ doˆ gʼeh-euˬ meh.

Eˇzaˬlaˬ 2:69

Gaˇ kʼoeˇ hmˬ mˇ pyeuꞈ-eu gʼaˇ duˬ aˬ yawꞈ maꞈ kʼaˇ gʼeh nya-eu loꞈ-ehˇ damˬ-awˇ, shuiˇ smˬ yaˇ jawꞈ-i, pyuˇ tiˬ heˇ koꞈ yaˇ yehꞈ tseˇ jawꞈ-i hawˇ-eu piˇ ma dm-eu pehˇ kʼahˬ pehˇ mahˇ tiˬ yaˇ kahˇ doˆ laˇ-euˬ meh.

Eˇzaˬlaˬ 8:28

Aˬ yawꞈ maꞈ-ahˇ ngaˇ ehˇ nehˬ-euˬ, “Naw maꞈ-euˬ gʼawˇ mawˇ hawˇ-eu naw maꞈ neh nui ma keuˆ-awˇ damˬ taˬ-euˬ pyuˇ hawˇ-eu shuiˇ myawˬ guˇ heu deuˬ-aˬ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi muiˬ-eu shawˇ-eu jeˬ pyeuꞈ-eu meh.

Neˬhaˬmiˇ 12:44

Aˇ yamˬ kʼoeˇ yamˬ laꞈ kʼoeˇ, tseˇ bymˇ tiˬ bymˇ hawˇ-eu keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ kʼaˇ damˬ-euˬ yawˬ jeˬ na luꞈ jeˬ hmˬ-eu aˇ lawˆ deuˬ-ahˇ tsawˇ haˬ tseˇ doˆ-awˇ bi haw bi pyaˆ-euˬ meh. Tsawˇ haˬ kʼoeˇ deuˬ-aˬ, meuˬ yawˬ meuˬ na luꞈ dawˬ peh deh ma deh yaˇ kʼaˇ jaˆ gaˇ iˇ-awˇ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ kʼaˇ damˬ nehˬ-euˬ jeˬ ya taꞈ uiˬ-eu meh. Yuˇdaˆ miˇ kʼahˬ zaˬ dawˬ tawˆ luꞈ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nui kʼahˇ shiˇ-eu meh.

Maˬlaˬkiˇ 3:10

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ dzaˬ dzaˬ dawˇ dawˇ jaˆ laˇ ni, tseˇ bymˇ tiˬ bymˇ tiˬ byah ni yuˇ laꞈ-awˬ. Kʼoeˇ naˇ, naw maꞈ ngaˬ-ahˇ lawˬ haw-awˬ. Mˬ taˆ laˇ gʼoˆ deuˬ pah dzeh jiˇ-awˇ, muiˬ-eu guiˬ lahˬ dawˬ tawˆ luꞈ byah kʼaˇ-iˇ gaˇ keuˆ ni naw maꞈ-ahˇ ngaˇ shehˆ ahˇ nehˬ ma.

Bawˇtsahˬ 8:26

Kʼoeˇ naˇ, Sehˬ gʼawˆ laꞈ kʼoeˇ gaˇ mˇ luꞈ-eu yawˬ ha-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ ya caw ba meh. Ehˇ kʼawꞈ, yawˬ haˇ yawˬ ha gaˇ tawˬ-awˇ maˬ ya mˇ-a. Heu-aˬ, Leˬbiˇ tsawˇ haˬ deuˬ-ahˇ nawˇ aˬ joˆ-ehˇ gaˇ ya biˇ mˇ-eu gaˇ kawˆ meh.”