Daˇ kawˬ kʼoeˇ deuˬ-ahˇ sahˬ paˬ Sawˇlaˬmoˬ yuˇ-awˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ-ahˇ zeuˇ toˆ geuꞈ-awˇ, caˇ dawˬ caˇ-eu tsawˇ haˬ deuˬ bi zmˬ-eu gʼaˇ duˬ deuˇ-mˬ jahˇ gaˇ kʼawꞈ geuꞈ-euˬ meh. Daˇ kawˬ kʼoeˇ-aˬ, Iˇsaˬleˬlaˆ miˇ kʼahˬ laꞈ kʼoeˇ kʼaˇ hehˇ ahˇ laꞈ-euˬ Aˬlaˬgmˬ daˇ kawˬ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ muiˬ dzehˬ-eu deuˬ pyeuꞈ-eu meh. Kʼoeˇ loꞈ-ehˇ muiˬ-eu daˇ kawˬ tiˬ jawˇ-iˬ maˬ ya mawˇ haw-aˬ.)
1 Laˬsaˬbaˬ 25:1 - Akha1 Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh. အခန်းကိုကြည့်ပါ။ |
1 Laˬsaˬbaˬ 25:1
46 ပူးပေါင်းရင်းမြစ်များ
Yeˬduˇdoˬ-euˬ aˬ li koꞈ li pyeuꞈ-eu Geˬdaˬliˇ, Zeˬliˇ, Yeˬshaˬyaˆ, Shiˇmiˇ, Haˬshaˬbiˇ, Maˬtiˇdiˇ, aˬ ha mehˇ nmˇ-aˬ, aˬ yawꞈ maꞈ-euˬ aˬ da neh mehˬ nehˬ tsoˆ nehˬ-euˬ loꞈ-ehˇ, deuˇ-mˬ diˬ-eu laꞈ kʼoeˇ aˬ cawˬ-ahˇ Miˬyehˇ-euˬ dawˬ ya dzawˇ nehˬ-awˇ, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-eu caˇ dawˬ ya caˇ-eu meh.
Leˬbiˇ tsawˇ jeuˬ laꞈ kʼoeˇ, aˇ jeuˬ tiˬ paˆ na deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu gaˇ ya mˇ-eu meh. Aˇ jeuˬ heu deuˬ-euˬ aˬ yuiꞈ aˬ tsu deuˬ-aˬ, nui jeˬ gaˇ tiˬ jeˬ-iˬ maˬ mˇ ni, Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ deuˬ laꞈ kʼoeˇ jawˇ-euˬ meh. Aˬ jeˬ miˇ neh ehˇ naˇ, uˬ ciꞈ nah gʼahˇ maˬ tseˇ paˆ ni aˬ yawꞈ maꞈ-ahˇ doˇ-eu gaˇ jaˆ-eu meh.
Shiꞈ kʼoꞈ tiˬ kʼoꞈ keuˆ laˇ ngeh jawˇ, Yeˬhawˇyaˬdaˬ-aˬ, aˬ yawꞈ neh lehˬ hmˬ taˬ-euˬ loꞈ-ehˇ mˇ-eu aˇ yamˬ tsaˬ laˇ-euˬ meh lehˇ noeˬ tsehˆ-euˬ meh. Kʼoeˇ naˇ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ ngaˬ gʼaˬ nehˬ-ehˇ aˬ yawꞈ saˇ jaˇ dzaˬ-euˬ meh. Yaw huiˬ yaw mahˇ kʼoeˇ ngaˬ gʼaˬ-aˬ, Yeˬloˇhamˬ-euˬ aˬ li Aˬzaˬliˇ, Yeˬhawˇhaˬnaˬ-euˬ aˬ li Iˇshaˬmeˬlaˇ, Awˇbehˆ-euˬ aˬ li Aˬzaˬyiˇ, Aˬdaˬyaˇ-euˬ aˬ li Mawˇseˬyaˇ hawˇ-eu, Ziˇkaˬliˇ-euˬ aˬ li Eˇliˇshaˬpaˇ meh.
Kʼoeˇ ngeh, Uˬ duˬ tahˬ nymˇ nymˇ ma-euˬ gʼoˆ kʼehˬ dawˬ peh jaˆ-eu sahˬ paˬ deuˬ-euˬ jawˇ duˬ-ahˇ sahˬ paˬ yaw shuiꞈ kʼoeˇ gʼaˬ yawꞈ luꞈ-awˇ, guiˇ maꞈ deuˬ-ahˇ uˆ lahˇ-eu yaw huiˬ yaw mahˇ deuˬ hawˇ-eu daˇ heh baw-eu tsawˇ haˬ deuˬ, sahˬ paˬ-euˬ tiˬ jawˬ jawˇ luꞈ gaˇ Aˬdaˬliˇ ya mawˇ-euˬ meh. Tsawˇ haˬ dawˬ tawˆ luꞈ laˬ kʼaˬ cehˇ taˆ ni guˇ guˇ-ehˇ, daˇ heh baw luꞈ-eu meh. Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu paw gaˇ mˇ luꞈ-eu deuˬ-aˬ, deuˇ mˬ diˬ cehˇ lehˇ ciˆ-awˇ, bawˬ law baw-eu laꞈ kʼoeˇ, sahˬ paˬ ka nehˬ-eu bawˬ-iˬ jahˇ gaˇ sheuˬ gʼeh luꞈ-eu meh. Kʼoeˇ ngeh, Aˬdaˬliˇ nui ma cawˆ dui dui-eu laꞈ kʼoeˇ yawˬ ha-euˬ mehˬ tsoeˬ cehˬ pyaˬ-awˇ, “Ngaˬ-ahˇ puiˬ-euˬ ngaˇ. Ngaˬ-ahˇ puiˬ-euˬ ngaˇ” lehˇ guˇ-eu meh.
Yeˬhawˇyaˬdaˬ-aˬ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ, Uˬ duˬ tahˬ nymˇ nymˇ ma-ahˇ bi haw bi pyaˆ-euˬ meh. Aˬ yawꞈ maꞈ-aˬ, sahˬ paˬ Daˬbiˇ neh aˬ yawꞈ maꞈ-ahˇ biꞈ taˬ-euˬ gaˇ deuˬ mˇ-awˇ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ahˇ-eu loꞈ-ehˇ, miˬ dzaˬ dzah puiˆ-awˇ lawˇ-eu shehˇ-eu jeˬ Sahˬpaˬ Miˬyehˇ-ahˇ ya lawˇ nehˬ-eu meh. Caˇ dawˬ caˇ gaˇ maˬ ehˇ, bawˬ-iˬ gʼeh gaˇ maˬ ehˇ, aˬ yawꞈ maꞈ ya haw ya pyaˆ-eu meh.
Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.
Caˇ dawˬ caˇ-eu deuˬ pyeuꞈ-eu Leˬbiˇ tsawˇ jeuˬ Aˬsaˆ aˇ ca deuˬ-aˬ, sahˬ paˬ Daˬbiˇ, Aˬsaˆ, Heˬmaˬ hawˇ-eu sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Yeˬduˇdoˬ aˬ ha maꞈ neh mehˬ taˬ yaꞈ-euˬ loꞈ-ehˇ, aˬ yawꞈ maꞈ-ahˇ biꞈ taˬ-euˬ jawˇ duˬ-ahˇ ya jawˇ-eu meh. Uˬ duˬ tahˬ nymˇ nymˇ ma -euˬ lahˇ kʼehˬ deuˬ-ahˇ loꞈ-eu deuˬ-aˬ, aˬ yawꞈ maꞈ-euˬ loꞈ duˬ-ahˇ byehˇ yaꞈ-awˇ bawˬ-iˬ gʼeh gaˇ iˇ-eu maˬ loˬ-a. Aˬ jeˬ miˇ neh ehˇ naˇ, Leˬbiˇ tsawˇ haˬ nui deuˬ neh aˬ yawꞈ maꞈ gʼaˇ duˬ Baˬsaˬkaˬ Bawˬ-iˬ lehˬ hmˬ nehˬ-eu meh.
Aˬsaˆ, Heˬmaˬ, Yeˬduˇdoˬ aˬ ha maꞈ hawˇ-eu, aˬ yawꞈ maꞈ-euˬ aˬ li deuˬ, aˬ yuiꞈ aˬ nyiˇ deuˬ dawˬ tawˆ luꞈ ahˇ leˇ-ehˇ, caˇ dawˬ kʼaˇ caˇ nya-eu Leˬbiˇ tsawˇ haˬ dawˬ tawˆ luꞈ, shawˇ jehˆ ni gʼeh-eu saˬ paˇ paˇ pyuˇ dm-eu laꞈ kʼoeˇ, lawˇ duˬ-euˬ nahˇ ma doˆ kʼehˬ paw yawꞈ-awˇ, cehˇ lehˇ ciˆ-awˇ deuˇ-mˬ diˬ luꞈ-eu meh. Piˇ ma tiˬ yaˇ nyiˬ tseˇ gʼaˬ aˬ yawꞈ maꞈ-ahˇ daˇ heh baw caw nehˬ-euˬ meh.
Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.
Miˇgaˬ-euˬ a li Maˬtaˬniˇ kʼawꞈ, Yeˬluˇsaˬlehˬ meuˬ-ahˇ jawˇ-euˬ Leˬbiˇ tsawˇ haˬ pyeuꞈ-eu meh. Aˬ yawꞈ-euˬ tsuiꞈ-aˬ, Aˬsaˆ, Zaˬbaˬdiˇ, Miˇgaˬ, Maˬtaˬniˇ lehˇ meh. Aˬ yawꞈ-aˬ, Uˬ duˬ tahˬ nymˇ nymˇ ma laꞈ kʼoeˇ ja ceuˬ-eu caˇ dawˬ caˇ-awˇ guiˬ lahˬ shaˇ-eu paw sheuˬ gʼeh-euˬ meh. Maˬtaˬniˇ-ahˇ caw ba-eu gʼaˬ pyeuꞈ-eu Baˬkaˬbuˇkiˇ kʼawꞈ, Yeˬluˇsaˬlehˬ meuˬ-ahˇ jawˇ-euˬ meh. Shaˬmeuˬ-euˬ aˬ li Aˬbaˬdaˬ gʼaˬ kʼawꞈ Yeˬluˇsaˬlehˬ meuˬ-ahˇ jawˇ-euˬ meh. Aˬ yawꞈ-euˬ tsuiꞈ-aˬ, Yeˬduˇdoˬ, Gaˬlaˬlaˆ, Shaˬmeuˬ, Aˬbaˬdaˬ lehˇ meh.
Haˬshaˬbiˇ, Sheˬleˬbiˇ, Yeˬshah, Biˇnuiˇ hawˇ-eu Kaˬdaˬmeˬlaˇ aˬ ha maꞈ neh mehˬ nehˬ tsoˆ nehˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ aˇ muˇ biˇ-euˬ meh. Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh mehˬ taˬ tsoˆ taˬ yaꞈ-euˬ loꞈ-ehˇ, tiˬ yamˬ laꞈ kʼoeˇ nyiˬ muˇ, tiˬ muˇ tiˬ poˆ caˇ caˇ-ehˇ Miˬyehˇ-ahˇ ja ceuˬ-euˬ meh.
Kʼoeˇ naˇ, tsawˇ haˬ kʼoeˇ gʼaˬ ngaˬ-ahˇ laꞈ kʼoeˇ pu kaˬ-ahˇ sheuˬ ahˇ gʼeh nehˬ laꞈ-euˬ meh. Laꞈ kʼoeˇ pu kaˬ kʼoeˇ tsahˇ-ahˇ kuˆ lawˆ nyiˬ lawˆ jaˆ-eu meh. Tiˬ lawˆ-aˬ, laꞈ oˆ paw pyawˬ-ahˇ mehˬ shi pyawˇ-ehˇ laꞈ taˆ paw pyawˬ lahˇ kʼehˬ dawˬ peh jaˆ-awˇ, tiˬ lawˆ-aˬ, laꞈ taˆ paw pyawˬ-ahˇ mehˬ shi pyawˇ-ehˇ, laꞈ oˆ paw pyawˬ lahˇ kʼehˬ dawˬ peh jaˆ-eu meh.
Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.
ကြော်ငြာတွေ