1 Laˬsaˬbaˬ 24:5 - Akha

⁵ Eˇlaˬzaˬ-euˬ zaˬ deuˬ uˆ deuˬ hawˇ-eu Iˇdaˬmaˬ-euˬ zaˬ deuˬ uˆ deuˬ nyiˬ jeuˬ luꞈ laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu yaw huiˬ yaw mahˇ deuˬ hawˇ-eu, guiˬ lahˬ saꞈ laˇ paw aˬ yuiꞈ geuꞈ-eu deuˬ jawˇ luꞈ-eu miˇ neh, aˬ yawꞈ maꞈ-ahˇ gaˇ biˇ paˆ nehˬ ngeh, shehˆ tsaˬ tsaˬ-awˇ biˇ nehˬ-euˬ meh.

1 Laˬsaˬbaˬ 24:5 ပူးပေါင်းရင်းမြစ်များ

1 Laˬsaˬbaˬ 24:31

Aˬ yawꞈ maꞈ-euˬ aˇ jeuˬ Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ gaˇ biˇ nehˬ ngeh, shehˆ tsaˬ tsaˬ-awˇ biˇ nehˬ-euˬ loꞈ-ehˇ, aˬ yawꞈ maꞈ kʼawꞈ, aˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ geuꞈ-eu gʼaˬ hawˇ-eu aˬ yawꞈ-euˬ mehˇ nmˇ aˬ nyiˇ tiˬ gʼaˬ-ahˇ, shehˆ tsaˬ bi tsaˬ-eu laꞈ kʼoeˇ gaˇ biˇ nehˬ-euˬ meh. Sahˬ paˬ Daˬbiˇ, Zaˬdoˆ, Aˬhiˇmaˬlehˇ hawˇ-eu piˇ ma aˇ jeuˬ deuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ mehˬ shi, kʼoeˇ loꞈ-ehˇ gaˇ biˇ nehˬ-euˬ meh.

1 Laˬsaˬbaˬ 24:4

Eˇlaˬzaˬ-euˬ zaˬ deuˬ uˆ deuˬ-ahˇ aˇ muˇ tseˇ koꞈ muˇ biˇ-awˇ, Iˇdaˬmaˬ-euˬ zaˬ deuˬ uˆ deuˬ-ahˇ yehꞈ muˇ biˇ-euˬ meh. Eˇlaˬzaˬ-euˬ zaˬ deuˬ uˆ deuˬ laꞈ kʼoeˇ, aˇ jeuˬ aˇ ca aˬ yawꞈ ca yawꞈ kʼoeˇ taˆ aˬ yuiꞈ geuꞈ luꞈ-eu tsawˇ haˬ aˇ gʼaˬ myaˬ dzehˬ-eu miˇ neh, kʼoeˇ loꞈ-ehˇ aˇ muˇ biˇ myaˬ dzehˬ-euˬ meh.

1 Laˬsaˬbaˬ 25:8

Aˬ yawꞈ maꞈ gaˇ biˇ ngeh, tsawˇ mawˬ zaˬ guˬ maˬ tseˇ paˆ-eu uˬ taꞈ, nya laˇ-euˬ hawˇ-eu maˬ nya laˇ-euˬ maˬ haw ni, shehˆ tsaˬ tsaˬ-awˇ biˇ-euˬ meh.

1 Laˬsaˬbaˬ 26:13

Aˇ jeuˬ aˇ ca aˬ yawꞈ ca yawꞈ, tsawˇ haˬ yaw myaˬ yaw cuiˆ maˬ haw ni, gʼoˆ kʼehˬ aˬ geu kʼehˬ-ahˇ ya loꞈ-eu shehˆ tsaˬ tsaˬ-awˇ tseˇ duˬ nehˬ-euˬ meh.

1 Laˬsaˬbaˬ 9:11

Uˬ duˬ tahˬ nymˇ nymˇ ma laꞈ kʼoeˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Hiˇlaˬkiˇ-euˬ aˬ li Aˬzaˬyiˇ, (Aˬzaˬyiˇ-euˬ tsuiꞈ daˆ-aˬ, Aˬzaˬyiˇ, Hiˇlaˬkiˇ, Meˬshuˇlamˬ, Zaˬdoˆ, Meˬyaˬyoˇ, Aˬhiˇtuˆ lehˇ meh.)

2 Laˬsaˬbaˬ 35:8

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ kʼawꞈ, miˇ kʼahˬ zaˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ gʼaˇ duˬ, nui ma keuˆ-awˇ damˬ nehˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ haw-eu pyaˆ-eu yaw huiˬ yaw mahˇ deuˬ pyeuꞈ-eu Piˇ ma Yaw huiˬ gʼaˬ Hiˇlaˬkiˇ, Zaˬkaˬliˇ hawˇ-eu Yeˬheˬlaˇ aˬ ha maꞈ kʼawꞈ, bawˬ-iˬ gʼeh gaˇ bi lawˇ bi shehˇ-eu gʼaˇ duˬ, yawˇ zaˬ hawˇ-eu ciꞈ myehꞈ ciꞈ zaˬ nyiˬ heˇ koꞈ yaˇ mawˇ, mawˇ neˇ mawˇ gaw smˬ yaˇ mawˇ, piˇ ma deuˬ-ahˇ biꞈ nehˬ-euˬ meh.

Neˬhaˬmiˇ 11:11

Seˬlehˇyaˬ-euˬ tsuiꞈ-aˬ, Piˇ ma yaw huiˬ gʼaˬ pyeuꞈ-eu Aˬhiˇtu, Meˬyaˬyoˇ, Zaˬdoˆ, Meˬshuˇlamˬ, Seˬlehˇyaˬ, Hiˇlaˬkiˇ, Seˬlehˇyaˬ lehˇ meh.

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Iˇsaˬyaˇ 43:28

Ngaˬ-euˬ muiˬ-eu shawˇ-eu jawˇ duˬ kʼoeˇ tsahˇ, naw maꞈ-euˬ sahˬ paˬ sahˬ ma neh laˆ jawꞈ-euˬ meh. Kʼoeˇ baˬ da neh Iˇsaˬleˬlaˆ-ahˇ ngaˇ, luˬ-iˇ seˇ-iˇ-eu jeˬ bi keuˆ le-awˇ, aˬ cawˬ yehˬ bawˬ sehˇ lu-ehˇ gʼeh-eu jeˬ, ngaˬ-euˬ tsawˇ jeuˬ kʼoeˇ taˆ ngaˇ bi keuˆ le-euˬ ma.”

Yawˇnaˆ 1:7

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ deuˬ tiˬ gʼaˬ tiˇ gʼaˬ ehˇ-eu, “Aˬ dui maꞈ kʼoeˇ taˆ heu loꞈ-ehˇ gʼeh-eu guˆ-eu gaˆ-eu jeˬ keuˆ le-euˬ heu aˬ geu gʼaˬ baˬ da neh nga lehˇ, pyehˆ tseˇ duˬ haw kaˇ-euˇ.” Aˬ yawꞈ maꞈ pyehˆ tseˇ duˬ haw ngeh, Yawˇnaˆ-ahˇ duˬ leˇ-euˬ meh.

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Maꞈtehˬ 27:1

Uˬ bya bya laˇ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ dawˬ tawˆ luꞈ, Yeˬsuˇ-ahˇ bi sehꞈ-eu gʼaˇ duˬ bawˬ dzaˬ-euˬ meh.

Gʼaˬkʼehˇ 1:26

Kʼoeˇ naˇ, aˬ yawꞈ nyaꞈ-euˬ tsawˇ myahˇ boꞈ ahˇ-awˇ, maˬ haw ni beuˬ ngeh, Maˬtiˇ-ahˇ zaˬ leˇ-euˬ meh. Kʼoeˇ miˇ neh, Maˬtiˇ-ahˇ gʼaˬ kʼehˇ tseˇ tiꞈ gʼaˬ nehˬ-ehˇ bi gawꞈ leˇ-euˬ meh.

Gʼaˬkʼehˇ 4:1

Beˬtuˆluˆ hawˇ-eu Yoˇhaˬ aˬ nyaꞈ tsawˇ haˬ kʼoeˇ deuˬ-ahˇ dawˬ ngehˬ ngehˬ luꞈ ngeh, piˇ ma deuˬ, Uˬduˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yawˬ huiˬ yaw mahˇ deuˬ hawˇ-eu, Saˬduˬgehˇ deuˬ laˇ keuˆ-euˬ meh.

Gʼaˬkʼehˇ 4:6

Piˇ ma Yaw huiˬ gʼaˬ pyeuꞈ-eu Aˬna hawˇ-eu Gaˬyaˬpaˇ, Yoˇhaˬ, Aˬleˬsaˬduˇ hawˇ-eu, Piˇ ma Yaw huiˬ gʼaˬ-euˬ aˬ yuiꞈ aˬ nyiˇ deuˬ-ahˇ aˬ yawꞈ maꞈ tahˬ dzoeˇ-euˬ meh.

Gʼaˬkʼehˇ 5:24

Piˇ ma aˬ yuiꞈ deuˬ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ gʼaˬ gaˇ kawˆ kʼoeˇ ya gaˬ ngeh, gʼaˬ kʼehˇ deuˬ aˬ joˆ-ehˇ jahˇ-euˬ gaˇ kawˆ noeˬ maˬ doˆ-ehˇ pyeuꞈ-iˇ-euˬ meh.

Yawˇshuˆ 18:10

Kʼoeˇ naˇ, Yawˇshuˆ shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ nehˬ-ehˇ mehˬ bawˬ mˇ-awˇ, dzeˇ luꞈ-eu tsawˇ jeuˬ aˬ yawꞈ jeuˬ yawꞈ-ahˇ miˇ kʼahˬ biˇ nehˬ-euˬ meh.