1 Laˬsaˬbaˬ 24:1 - Akha

¹ Aˬloˬ-euˬ zaˬ deuˬ heu loꞈ-ehˇ aˇ jeuˬ paˆ-iˇ-euˬ meh. Aˬloˬ-aˬ, Naˬdehˇ, Aˬbiˇhuˬ, Eˇlaˬzaˬ, Iˇdaˬmaˬ lehˇ kuˇ-euˬ aˬ li oeˬ li jawˇ-eu meh.

1 Laˬsaˬbaˬ 24:1 ပူးပေါင်းရင်းမြစ်များ

1 Laˬsaˬbaˬ 23:6

Daˬbiˇ-aˬ, Leˬbiˇ tsawˇ haˬ deuˬ-ahˇ, Geˬlaˬshoˬ aˇ jeuˬ, Kawˇhaˆ aˇ jeuˬ, Meˬlaˬliˇ aˇ jeuˬ lehˇ, smˬ muˇ biˇ paˆ nehˬ-euˬ meh.

1 Laˬsaˬbaˬ 28:13

Piˇ ma deuˬ hawˇ-eu Leˬbiˇ tsawˇ haˬ deuˬ-ahˇ aˇ maꞈ aˇ muˇ biˇ baw nehˬ-awˇ, yawˬ ha-ahˇ doˇ-eu gaˇ yawˬ ha bi mˇ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ bi mˇ-eu gʼaˇ duˬ maˬ ehˇ, aˬ yawꞈ neh gaˇ kawˆ kawˆ taˬ-eu deuˬ kʼawꞈ, biꞈ nehˬ-euˬ meh.

1 Laˬsaˬbaˬ 6:3

Aˬmaˬlamˬ-aˬ, Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li hawˇ-eu, Miˇliˬyaˬ lehˇ myahˇ-euˬ aˬ buˇ tiˬ buˇ jawˇ-eu meh. Aˬloˬ-aˬ, Naˬdehˇ, Aˬbiˇhu, Eˇlaˬzaˬ, Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

1 Laˬsaˬbaˬ 6:34

Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,

2 Laˬsaˬbaˬ 23:8

Leˬbiˇ tsawˇ haˬ deuˬ hawˇ-eu Yuˇdaˆ tsawˇ haˬ deuˬ Yeˬhawˇyaˬdaˬ neh mehˬ nehˬ tsoˆ nehˬ taˬ-euˬ loꞈ-ehˇ mˇ-euˬ meh. Jawˇ nah ngeh nah yawˬ ha-ahˇ daˇ-eu gaˇ mˇ gʼaˬ-awˇ gʼoꞈ-iˇ-eu tsaˬ-eu deuˬ-ahˇ kʼawꞈ maˬ pyehˬ nehˬ-euˬ miˇ neh, gaˇ mˇ laˇ-eu lehˇ laˇ-euˬ deuˬ nehˬ-ehˇ tiˬ kawˆ loꞈ-ehˇ, yaw huiˬ deuˬ uˆ lahˇ-eu uˬ moˆ tiˬ gaˇ uiˬ leˇ jiˇ taˬ-euˬ meh.

2 Laˬsaˬbaˬ 31:2

Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.

2 Laˬsaˬbaˬ 5:11

Kʼoeˇ naˇ, piˇ ma deuˬ Muiˬ-eu shawˇ-eu jawˇ duˬ-ahˇ neh jiˆ gʼoꞈ ka le-euˬ meh. Kʼoeˇ gaˇ kʼaˇ jawˇ-eu piˇ ma dawˬ tawˆ luꞈ, aˇ muˇ maˬ biˇ paˆ ni, yawˬ ha-euˬ gʼawˇ mawˇ Miˬyehˇ-ahˇ a nehˬ gʼaˬ-euˬ meh.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

Eˇzaˬlaˬ 6:18

Moˇseˬ-euˬ sahˬ boꞈ paˇ dmˬ laꞈ kʼoeˇ mehˬ taˬ tsoˆ taˬ-euˬ jaˆ-eu loꞈ-ehˇ, Yeˬluˇsaˬlehˬ meuˬ Uˬ duˬ tahˬ nymˇ nymˇ ma laꞈ kʼoeˇ gaˇ bi mˇ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ aˬ yawꞈ maꞈ aˇ muˇ muˇ baw nehˬ-euˬ meh.

Doˆ-iˇ 28:1

“Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Doˆ-iˇ 6:23

Aˬloˬ-aˬ, Aˇmiˇnaˬdehˇ-euˬ aˬ buˇ pyeuꞈ-eu Naˬshoˬ-euˬ dmˇ ma Eˇliˇsheˬba-ahˇ sheuˬ-awˇ, Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ jawˇ le-euˬ meh.

Bawˇtsahˬ 26:60

Aˬloˬ-aˬ, Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

Bawˇtsahˬ 3:2

Aˬloˬ-euˬ aˬ li oeˬ li jawˇ-eu meh. Kʼoeˇ deuˬ-aˬ, Naˬdehˇ, Aˬbiˇhuˬ, Eˇlaˬzaˬ hawˇ-eu, Iˇdaˬmaˬ meh.

Bawˇtsahˬ 3:4

Ehˇ kʼawꞈ, Naˬdehˇ hawˇ-eu Aˬbiˇhuˬ-aˬ, Siˇnaˆ bawˇ tsahˬ bawˇ dahˇ laꞈ kʼoeˇ, Sahˬpaˬ Miˬyehˇ-ahˇ maˬ muiˬ maˬ shawˇ-eu miˬ dzaˬ lawˇ nehˬ ngeh, sehꞈ gaˇ ya daˬ-euˬ meh. Aˬ yawꞈ nyaꞈ zaˬ maˬ jawˇ-a. Kʼoeˇ miˇ neh, Aˬloˬ yaw dehꞈ dehꞈ luꞈ ngeh, Eˇlaˬzaˬ hawˇ-eu Iˇdaˬmaˬ aˬ nyaꞈ nmˇ piˇ ma geuꞈ-euˬ meh.