1 Laˬsaˬbaˬ 23:4 - Akha

⁴ Daˬbiˇ ehˇ-eu, “Tsawˇ haˬ heu deuˬ laꞈ kʼoeˇ, nyiˬ muiˇ oeˬ heˇ gʼaˬ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ gaˇ haw-eu pyaˆ-eu deuˬ geuꞈ-awˇ, koꞈ heˇ gʼaˬ-aˬ, jaˇ laˇ yuˇ-eu paw hawˇ-eu yaˇ kʼaˬ daˇ-eu paw gaˇ mˇ-awˬ.

1 Laˬsaˬbaˬ 23:4 ပူးပေါင်းရင်းမြစ်များ

1 Laˬsaˬbaˬ 6:48

Aˬ yawꞈ maꞈ-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-aˬ, uˬ duˬ tahˬ-eu jawˇ duˬ-ahˇ jaˆ-eu nui jeˬ gaˇ dawˬ tawˆ luꞈ-ahˇ ya mˇ-eu meh.

2 Laˬsaˬbaˬ 19:8

Yeˬluˇsaˬlehˬ meuˬ laꞈ kʼoeˇ kʼawꞈ, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ mˇ bahˬ-euˬ jeˬ doˆ laˇ ngeh maˬ ehˇ, meuˬ laꞈ kʼoeˇ jawˇ-eu tsawˇ haˬ deuˬ tiˬ gʼaˬ tiˇ gʼaˬ ja dzaˬ-eu jeˬ doˆ laˇ ngeh maˬ ehˇ, yaˇ kʼaˬ daˇ-eu gʼaˇ duˬ, Leˬbiˇ tsawˇ haˬ deuˬ, piˇ ma deuˬ hawˇ-eu, aˬ yuiꞈ aˬ tsu geuꞈ luꞈ-eu miˇ kʼahˬ zaˬ tiˬ paˆ na deuˬ-ahˇ Yeˬhawˇshaˬpaˇ tseˇ doˆ-euˬ meh.

2 Laˬsaˬbaˬ 23:18

Yeˬhawˇyaˬdaˬ-aˬ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ, Uˬ duˬ tahˬ nymˇ nymˇ ma-ahˇ bi haw bi pyaˆ-euˬ meh. Aˬ yawꞈ maꞈ-aˬ, sahˬ paˬ Daˬbiˇ neh aˬ yawꞈ maꞈ-ahˇ biꞈ taˬ-euˬ gaˇ deuˬ mˇ-awˇ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ahˇ-eu loꞈ-ehˇ, miˬ dzaˬ dzah puiˆ-awˇ lawˇ-eu shehˇ-eu jeˬ Sahˬpaˬ Miˬyehˇ-ahˇ ya lawˇ nehˬ-eu meh. Caˇ dawˬ caˇ gaˇ maˬ ehˇ, bawˬ-iˬ gʼeh gaˇ maˬ ehˇ, aˬ yawꞈ maꞈ ya haw ya pyaˆ-eu meh.

2 Laˬsaˬbaˬ 34:13

Leˬbiˇ tsawˇ haˬ tiˬ paˆ na deuˬ-aˬ, daˇ kawˬ daˇ laꞈ baꞈ ha gaˇ maˬ ehˇ, gaˇ gʼawˬ mya jeˬ mˇ luꞈ-eu tsawˇ haˬ deuˬ-ahˇ maˬ ehˇ, aˬ yuiꞈ geuꞈ-awˇ haw-euˬ pyaˆ-euˬ meh. Tiˬ paˆ na deuˬ-aˬ, jaˇ laˇ yuˇ-eu gaˇ mˇ-awˇ, tiˬ paˆ na deuˬ-aˬ, loꞈ piˇ-eu deuˬ geuꞈ-euˬ meh.

Neˬhaˬmiˇ 11:22

Yeˬluˇsaˬlehˬ meuˬ-ahˇ jawˇ-eu Leˬbiˇ tsawˇ haˬ-ahˇ haw-eu pyaˆ-eu gʼaˬ-aˬ, Baˬniˬ-euˬ aˬ li Awˇzeˬ meh. Aˬ yawꞈ-euˬ tsuiꞈ-aˬ, Aˬsaˆ, Miˇgaˬ, Maˬtaˬniˇ, Haˬshaˬbiˇ, Baˬniˬ, Awˇzeˬ lehˇ meh. Aˬ yawꞈ-euˬ aˇ jeuˬ-aˬ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh caˇ dawˬ caˇ-eu gaˇ mˇ-eu aˇ jeuˬ pyeuꞈ-eu meh.

Neˬhaˬmiˇ 11:9

Ziˇkaˬliˇ-euˬ aˬ li Yawˇlaˆ gʼaˬ aˬ yawꞈ maꞈ kʼoeˇ taˆ aˬ yuiꞈ geuꞈ-awˇ, Haˬseˬnahˬ-euˬ aˬ li Yuˇdaˆ gʼaˬ, Yeˬluˇsaˬlehˬ meuˬ laꞈ kʼoeˇ yaw huiˬ yaw mahˇ nyiˬ gʼaˬ tiˬ gʼaˬ pyeuꞈ-eu meh.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.