1 Laˬsaˬbaˬ 23:32 - Akha

³² Sahˬpaˬ Miˬyehˇ jawˇ-eu Sehˬ gʼawˆ hawˇ-eu Uˬ duˬ tahˬ nymˇ nymˇ ma-ahˇ bo saˆ haw piˇ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-euˬ aˬ yuiꞈ aˬ nyiˇ piˇ ma kʼoeˇ deuˬ-ahˇ caw ba nehˬ-eu gaˇ maˬ ehˇ, Leˬbiˇ tsawˇ haˬ deuˬ ya mˇ-eu gaˇ pyeuꞈ-eu meh.

1 Laˬsaˬbaˬ 23:32 ပူးပေါင်းရင်းမြစ်များ

1 Sahˬpaˬ 8:4

Kʼoeˇ naˇ, Leˬbiˇ tsawˇ haˬ deuˬ hawˇ-eu piˇ ma deuˬ neh, Dawˬ ma saˇ jaˇ Bahˬ keuˆ maˬ ehˇ, Sahˬpaˬ Miˬyehˇ jawˇ-eu Sehˬ gʼawˆ maˬ ehˇ, kʼoeˇ gaˇ kʼaˇ jaˆ-eu keu ka dawˬ tawˆ luꞈ maˬ ehˇ, Uˬ duˬ tahˬ nymˇ nymˇ ma-ahˇ baꞈ ahˇ gʼeh-euˬ meh.

1 Laˬsaˬbaˬ 9:27

Aˬ yawꞈ maꞈ-aˬ, Uˬ duˬ tahˬ nymˇ nymˇ ma dawˬ peh jawˇ-eu meh. Aˬ jeˬ miˇ neh ehˇ naˇ, Uˬ duˬ tahˬ nymˇ nymˇ ma-ahˇ loꞈ piˇ-eu gaˇ maˬ ehˇ, aˬ yawꞈ shawˬ yawꞈ lahˇ kʼehˬ pah-eu gaˇ maˬ ehˇ, aˬ yawꞈ maꞈ ya mˇ-eu meh.

Yeˬsaˬgeˬlaˇ 44:14

Uˬ duˬ tahˬ nymˇ nymˇ ma laꞈ kʼoeˇ ya luˆ ya laˆ-eu mˇ myawˬ mˇ-eu tsawˇ haˬ bi geuꞈ ma.”

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 18:5

Iˇsaˬleˬlaˆ tsawˇ haˬ deuˬ-ahˇ yawˬ poˆ yawˬ ngaˇ nui ma maˬ ya pehˇ-eu gʼaˇ duˬ, muiˬ-eu shawˇ-eu jawˇ duˬ-ahˇ taꞈ-eu gaˇ deuˬ hawˇ-eu lawˇ duˬ-ahˇ taꞈ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh.

Bawˇtsahˬ 3:38

Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Bawˇtsahˬ 8:26

Kʼoeˇ naˇ, Sehˬ gʼawˆ laꞈ kʼoeˇ gaˇ mˇ luꞈ-eu yawˬ ha-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ ya caw ba meh. Ehˇ kʼawꞈ, yawˬ haˇ yawˬ ha gaˇ tawˬ-awˇ maˬ ya mˇ-a. Heu-aˬ, Leˬbiˇ tsawˇ haˬ deuˬ-ahˇ nawˇ aˬ joˆ-ehˇ gaˇ ya biˇ mˇ-eu gaˇ kawˆ meh.”

Dawˬmehˬ 18:7

kʼoeˇ gaˇ gaˇ mˇ luꞈ-eu Leˬbiˇ tsawˇ haˬ deuˬ loꞈ-ehˇ, aˬ yawꞈ-ahˇ kʼoeˇ gaˇ gaˇ bi mˇ nya meh.