1 Laˬsaˬbaˬ 23:30 - Akha

³⁰ yawˬ shawˬ yawˬ miˇ na luꞈ Sahˬpaˬ Miˬyehˇ-ahˇ ja ceuˬ-awˇ, ciˬ huiˬ ci mahˇ-eu gaˇ maˬ ehˇ,

1 Laˬsaˬbaˬ 23:30 ပူးပေါင်းရင်းမြစ်များ

1 Laˬsaˬbaˬ 23:29

Miˬyehˇ-ahˇ damˬ-eu kaˬ muˇ jahˇ-eu gaˇ maˬ ehˇ, lawˇ-eu gʼaˇ duˬ loˬ-eu cehˇ meu, dehˬ tseˬ maˬ ahˇ-eu kaˬ muˇ, laˆ jaꞈ taˬ-euˬ kaˬ muˇ aˇ yaˆ hawˇ-eu saˬ loˬ tsiˇ keuˬ taˬ-euˬ cehˇ meu, heu deuˬ-ahˇ laˆ saˆ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ-ahˇ pehˬ haw saˆ haw-eu gaˇ maˬ ehˇ,

1 Laˬsaˬbaˬ 23:31

jawˇ nah ngeh nah maˬ ehˇ, laˆ loˆ lah-eu bawˬ-iˬ gʼeh ngeh hawˇ-eu bawˬ-iˬ nui deuˬ gʼeh ngeh maˬ ehˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ kʼaˇ lawˇ nehˬ ngeh, aˬ yawꞈ-ahˇ ja ceuˬ-awˇ ciˬ huiˬ ciˬ mahˇ nehˬ-eu gaˇ-aˬ, aˬ yawꞈ maꞈ ya mˇ-eu gaˇ deuˬ pyeuꞈ-eu meh. Sahˬpaˬ Miˬyehˇ-ahˇ aˇ yamˬ maˬ tseˇ ni aˬ myah luꞈ uˬ duˬ tahˬ-eu gʼaˇ duˬ, Leˬbiˇ tsawˇ haˬ deuˬ-ahˇ gaˇ biꞈ taˬ-euˬ meh.

1 Laˬsaˬbaˬ 23:5

Oeˬ heˇ gʼaˬ-aˬ, gʼoˆ kʼehˬ-ahˇ loꞈ piˇ-eu gaˇ mˇ-awˇ, oeˬ heˇ gʼaˬ-aˬ, ngaˬ neh biꞈ-euˬ caˇ dawˬ caˇ gaˇ zmˬ-eu keu ka deuˬ yuˇ-awˇ, Sahˬpaˬ Miˬyehˇ-ahˇ caˇ-awˇ ja ceuˬ-eu deuˬ geuꞈ-awˬ.”

1 Laˬsaˬbaˬ 9:27

Aˬ yawꞈ maꞈ-aˬ, Uˬ duˬ tahˬ nymˇ nymˇ ma dawˬ peh jawˇ-eu meh. Aˬ jeˬ miˇ neh ehˇ naˇ, Uˬ duˬ tahˬ nymˇ nymˇ ma-ahˇ loꞈ piˇ-eu gaˇ maˬ ehˇ, aˬ yawꞈ shawˬ yawꞈ lahˇ kʼehˬ pah-eu gaˇ maˬ ehˇ, aˬ yawꞈ maꞈ ya mˇ-eu meh.

1 Laˬsaˬbaˬ 9:33

Leˬbiˇ tsawˇ jeuˬ laꞈ kʼoeˇ, aˇ jeuˬ tiˬ paˆ na deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu gaˇ ya mˇ-eu meh. Aˇ jeuˬ heu deuˬ-euˬ aˬ yuiꞈ aˬ tsu deuˬ-aˬ, nui jeˬ gaˇ tiˬ jeˬ-iˬ maˬ mˇ ni, Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ deuˬ laꞈ kʼoeˇ jawˇ-euˬ meh. Aˬ jeˬ miˇ neh ehˇ naˇ, uˬ ciꞈ nah gʼahˇ maˬ tseˇ paˆ ni aˬ yawꞈ maꞈ-ahˇ doˇ-eu gaˇ jaˆ-eu meh.

2 Laˬsaˬbaˬ 31:2

Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.