1 Laˬsaˬbaˬ 23:24 - Akha

²⁴ Heu-aˬ, aˇ jeuˬ aˇ ca aˬ yawꞈ ca yawꞈ baw baw-ehˇ, aˬ yawꞈ gʼaˬ yawꞈ-euˬ tsawˇ myahˇ yuˇ taˬ-euˬ Leˬbiˇ-euˬ zaˬ deuˬ uˆ deuˬ meh. Aˇ kʼoꞈ nyiˬ tseˇ laꞈ taˆ paw-euˬ aˬ yawꞈ-euˬ zaˬ deuˬ uˆ deuˬ aˬ yawꞈ gʼaˬ yawꞈ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ ya mˇ-eu gaˇ jaˆ-eu meh.

1 Laˬsaˬbaˬ 23:24 ပူးပေါင်းရင်းမြစ်များ

1 Laˬsaˬbaˬ 23:23

Meˬlaˬliˇ-euˬ aˬ li aˬ gʼahˇ gʼaˬ pyeuꞈ-eu Muˇshiˬ-aˬ, Maˬhaˬliˬ, Eˬdeuˬ, Yeˬlaˬmoˇ lehˇ myahˇ-euˬ aˬ li smˬ li jawˇ-eu meh.

1 Laˬsaˬbaˬ 23:27

Daˬbiˇ neh mehˬ saˬ tsoˆ saˬ saˬ yaꞈ-euˬ dawˬ-ahˇ gʼoe-awˇ, aˇ kʼoꞈ nyiˬ tseˇ kʼaˇ byah laˇ-euˬ Leˬbiˇ tsawˇ haˬ dawˬ tawˆ luꞈ, gaˇ mˇ-eu gʼaˇ duˬ tsawˇ myahˇ ya dawˆ-eu meh.

1 Laˬsaˬbaˬ 23:3

Aˇ kʼoꞈ smˬ tseˇ laꞈ taˆ paw-euˬ Leˬbiˇ tsawˇ haˬ kʼaˬ dzeˇ zaˬ dawˬ tawˆ luꞈ-euˬ tsawˇ myahˇ aˬ yawꞈ yuˇ-euˬ meh. Dawˬ tawˆ luꞈ smˬ muiˇ yehꞈ heˇ gʼaˬ byah-eu meh.

2 Laˬsaˬbaˬ 31:17

Piˇ ma deuˬ-ahˇ, yawˬ ha aˇ jeuˬ yawˬ ha baw baw-ehˇ gaˇ bi mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ deuˬ-ahˇ-aˬ, aˇ muˇ biˇ baw nehˬ-awˇ gaˇ bi mˇ-euˬ meh.

Eˇzaˬlaˬ 3:8

Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.

Neˬhaˬmiˇ 7:1

Nymˬ-mˇ poˆ jawˇ, meuˬ meuˬ lahˇ gawˬ muiˬ gʼaˬ-awˇ, lahˇ kʼehˬ laˇ gʼoˆ deuˬ kʼawꞈ jahˇ tsoꞈ gʼaˬ jiˇ-awˇ, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ muiˬ-eu shawˇ-eu caˇ dawˬ caˇ-eu deuˬ hawˇ-eu, Leˬbiˇ tsawˇ haˬ nui deuˬ kʼawꞈ, yawˬ ha-euˬ gaˇ yawˬ ha mˇ luꞈ-eu meh.

Bawˇtsahˬ 1:22

Suˇmoˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ gui-awˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

Bawˇtsahˬ 10:17

Kʼoeˇ naˇ, Sehˬ gʼawˆ pyaˆ-awˇ baꞈ-eu tsawˇ haˬ deuˬ pyeuꞈ-eu Geˬlaˬshoˬ aˇ jeuˬ hawˇ-eu Meˬlaˬliˇ aˇ jeuˬ deuˬ ya doˆ-iˇ-eu meh.

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

Bawˇtsahˬ 18:5

Iˇsaˬleˬlaˆ tsawˇ haˬ deuˬ-ahˇ yawˬ poˆ yawˬ ngaˇ nui ma maˬ ya pehˇ-eu gʼaˇ duˬ, muiˬ-eu shawˇ-eu jawˇ duˬ-ahˇ taꞈ-eu gaˇ deuˬ hawˇ-eu lawˇ duˬ-ahˇ taꞈ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh.

Bawˇtsahˬ 2:32

Aˇ muˇ baw baw-ehˇ, guiˇ guiˇ maꞈ deuˬ laꞈ kʼoeˇ tsawˇ myahˇ kʼaˇ ahˇ-eu Iˇsaˬleˬlaˆ tsawˇ haˬ dawˬ tawˆ luꞈ koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

Bawˇtsahˬ 3:15

Leˬbiˇ tsawˇ haˬ aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ laꞈ kʼoeˇ, ba la tiˬ siˬ byah-eu zaˬ nahˬ-ahˇ neh laꞈ taˆ paw-euˬ kʼaˬ dzeˇ zaˬ aˬ yawꞈ gʼaˬ yawꞈ-euˬ tsawˇ myahˇ yuˇ-awˬ lehˇ ehˇ nehˬ-euˬ meh.

Bawˇtsahˬ 3:20

Meˬlaˬliˇ-euˬ aˬ li deuˬ-euˬ tsawˇ myahˇ-aˬ, Maˬhaˬliˬ hawˇ-eu Muˇshiˬ meh. Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu nymˇ jiˇ deuˬ-euˬ aˬ da yaw dzahˇ meh.

Bawˇtsahˬ 3:47

Aˬ yawꞈ gʼaˬ yawꞈ gʼaˇ duˬ, kaˇ-ahˇ tsaˬ-eu pyuˇ maˇ byaˆ ngaˬ yaˇ byaˆ ya biꞈ meh.

Bawˇtsahˬ 4:23

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu, smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ-euˬ tsawˇ myahˇ yuˇ-awˬ.

Bawˇtsahˬ 4:3

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ.

Bawˇtsahˬ 8:24

“Nyiˬ tseˇ ngaˬ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ aˬ yawꞈ gʼaˬ yawꞈ, ngaˇ jawˇ-eu Sehˬ gʼawˆ laꞈ kʼoeˇ yawˬ ha-ahˇ doˇ-eu gaˇ ya mˇ meh.