1 Laˬsaˬbaˬ 23:13 - Akha

¹³ Aˬ li aˬ yuiꞈ yuiꞈ saˬ gʼaˬ pyeuꞈ-eu Aˬmaˬlamˬ-aˬ, Aˬloˬ hawˇ-eu Moˇseˬ-euˬ aˬ da meh. (Aˬloˬ hawˇ-eu aˬ yawꞈ-euˬ zaˬ deuꞈ uˆ deuˬ-aˬ, mˬ maˬ maˬ byaˆ zaˇ ziˇ muiˬ-eu shawˇ-eu keu ka deuˬ-ahˇ haw-eu pyaˆ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ gaˇ yaw saw jeˬ doꞈ damˬ-eu gʼaˇ duˬ maˬ ehˇ, tseˇ doˆ taˬ-euˬ tsawˇ haˬ deuˬ pyeuꞈ-eu meh.

1 Laˬsaˬbaˬ 23:13 ပူးပေါင်းရင်းမြစ်များ

1 Laˬsaˬbaˬ 23:12

Kawˇhaˆ-aˬ, Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ lehˇ myahˇ-euˬ aˬ li oeˬ li jawˇ-eu meh.

1 Laˬsaˬbaˬ 6:3

Aˬmaˬlamˬ-aˬ, Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li hawˇ-eu, Miˇliˬyaˬ lehˇ myahˇ-euˬ aˬ buˇ tiˬ buˇ jawˇ-eu meh. Aˬloˬ-aˬ, Naˬdehˇ, Aˬbiˇhu, Eˇlaˬzaˬ, Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

1 Laˬsaˬbaˬ 6:34

Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,

Jaceuq 106:16

Sahˬpaˬ Miˬyehˇ-euˬ muiˬ-eu shawˇ-eu zaˬ kʼaˆ pyeuꞈ-eu Moˇseˬ hawˇ-eu Aˬloˬ-ahˇ, kʼaˇ shuiꞈ deh yaˇ laꞈ kʼoeˇ aˬ yawꞈ maꞈ myaˆ naˆ-euˬ meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 28:36

“Maˇ jawˆ ni gʼeh-eu shuiˇ neh, daˇ gʼawˆ tiˬ gʼawˆ jahˇ-awˇ, Sahˬpaˬ Miˬyehˇ-ahˇ a nehˬ taˬ-euˬ lehˇ toeˬ boꞈ taˬ-awˬ.

Doˆ-iˇ 29:44

Sehˬ gʼawˆ hawˇ-eu lawˇ duˬ-ahˇ ngaˇ bi muiˬ bi shawˇ laˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, ngaˇ tseˇ doˆ ma.

Doˆ-iˇ 6:20

Aˬmaˬlamˬ-aˬ, aˬ yawꞈ-euˬ aˬ da-euˬ dmˇ ma pyeuꞈ-eu Yawˇkeˬbehˇ-ahˇ sheuˬ-awˇ, Aˬloˬ hawˇ-eu Moˇseˬ jawˇ le-euˬ meh. Aˬmaˬlamˬ-aˬ, tiˬ yaˇ smˬ tseˇ shiꞈ kʼoꞈ dehꞈ-euˬ meh.

Uˬ duˬ 10:10

Miˬyehˇ-ahˇ taꞈ-eu jeˬ hawˇ-eu tsawˇ haˬ zaˬ-ahˇ taꞈ-eu jeˬ maˬ ehˇ, shawˇ-eu jeˬ hawˇ-eu maˬ shawˇ-eu jeˬ maˬ ehˇ, naw maꞈ ya tseˇ paˆ geuꞈ meh.

Bawˇtsahˬ 18:1

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ jawˇ-eu Sehˬ gʼawˆ-ahˇ gaˇ mˇ-eu laꞈ kʼoeˇ iˬ baˇ doˆ laˇ naˇ, iˬ baˇ kʼoeˇ baˬ da neh kʼaˇ keuˆ le-eu jeˬ-ahˇ, nawˇ hawˇ-eu nawˬ-euˬ aˬ li deuˬ hawˇ-eu Leˬbiˇ tsawˇ haˬ deuˬ tehꞈ-ehˇ ya daˬ meh. Ehˇ kʼawꞈ, piˇ ma deuˬ mˇ-eu gaˇ laꞈ kʼoeˇ iˬ baˇ doˆ laˇ naˇ, nawˇ hawˇ-eu nawˬ li deuˬ tehꞈ-ehˇ ya daˬ meh.

Bawˇtsahˬ 26:59

Aˬmaˬlamˬ-euˬ miˬ zaˬ-euˬ tsawˇ myahˇ-aˬ, Iˇjiˇtuˆ miˇ kʼahˬ-ahˇ dehꞈ le-euˬ Leˬbiˇ-euˬ aˬ buˇ Yawˇjeˬbehˇ pyeuꞈ-eu meh. Aˬ yawꞈ-aˬ, Aˬmaˬlamˬ gʼaˇ duˬ Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li ciˬ-awˇ, Miˇliˬyaˬ lehˇ myahˇ-euˬ aˬ buˇ tiˬ buˇ ciˬ-euˬ meh.

Bawˇtsahˬ 3:27

Aˬmaˬlamˬ, Iˇzaˬhaˬ, Heˬbyoˬ, Awˇzeˬlaˇ, heu deuˬ-euˬ nymˇ jiˇ dawˬ tawˆ luꞈ, Kawˇhaˆ aˇ jeuˬ meh.

Luˇkaꞈ 1:9

Piˇ ma deuˬ-euˬ zahˇ sahˇ kʼoꞈ kʼaˇ jaˆ-eu loꞈ-ehˇ shehˆ tsaˬ tsaˬ-awˇ tseˇ ngeh, lawˇ duˬ-ahˇ yaw saw jeˬ doꞈ damˬ-eu gʼaˇ duˬ aˬ yawꞈ-ahˇ doˇ leˇ-euˬ meh. Kʼoeˇ miˇ neh, SahˬpaˬMiˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-euˬ meh.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

Gaˬlaˬtiˆ 1:15

Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Dawˬmehˬ 21:5

Leˬbiˇ tsawˇ haˬ piˇ ma deuˬ kʼawꞈ kʼoeˇ gaˇ ya iˇ meh. Aˬ jeˬ miˇ neh ehˇ naˇ, tsawˇ haˬ-ahˇ diˬ-eu sehꞈ-eu gaˇ kʼaˇ taꞈ leˇ-eu gaˇ kawˆ yawˬ jeˬ na luꞈ-ahˇ, aˬ yawꞈ maꞈ yaˇ kʼaˬ ya daˇ nehˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ dawˬ bi ngehˬ gʼeh-eu gʼaˇ duˬ maˬ ehˇ, aˬ yawꞈ maꞈ-ahˇ aˬ yawꞈ neh tseˇ doˆ taˬ-euˬ meh.

HeˬByehˇ 5:4

Tsawˇ haˬ tiˬ gʼaˬ-iˬ yawˬ haˇ yawˬ ha piˇ ma yaw huiˬ gʼaˬ maˬ tsaˬ geuꞈ nya-a. Aˬloˬ-ahˇ Miˬyehˇ neh kuˇ-euˬ gaˇ duˇ ni, Miˬyehˇ neh kuˇ-euˬ tsawˇ haˬ tehꞈ-ehˇ piˇ ma yaw huiˬ gʼaˬ geuꞈ nya-eu meh.

Panmaeq 8:3

Shuiˇ neh jahˇ taˬ-euˬ tsiˇ yaw saw jeˬ doꞈ duˬ yuˇ luꞈ-eu mˬ taˆ gʼaˬ kʼehˇ yawˬ gʼaˬ yawˬ oe-awˇ, lawˇ duˬ-ahˇ yawꞈ le-euˬ meh. Miˬyehˇ-euˬ tsawˇ haˬ dawˬ tawˆ luꞈ guiˬ lahˬ shaˇ gaˇ geuꞈ-eu gʼaˇ duˬ hawˇ-eu, dzoeˬ dzaˬ nuiˇ mahˬ mehˬ shi jaˆ-eu lawˇ duˬ kʼoeˇ taˆ bi lawˇ-eu gʼaˇ duˬ, aˬ yawꞈ-ahˇ tsiˇ yaw saw jeˬ gʼawˬ mya ni biꞈ taˬ-euˬ meh.

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.