1 Laˬsaˬbaˬ 22:3 - Akha

³ Teˇ byaꞈ laˇ gʼoˆ jahˇ gaˇ zmˬ-eu shmˇ sehˬ hawˇ-eu dzahˬ taꞈ deuˬ bi jahˇ-eu gʼaˇ duˬ, shmˇ gʼawˬ mya ni aˬ yawꞈ biꞈ-awˇ, maˬ saˆ jiˇ coeˇ gaˇ keuˆ ni myaˬ-eu guiˬ shuiˇ deuˬ kʼawꞈ, aˬ yawꞈ biꞈ-euˬ meh.

1 Laˬsaˬbaˬ 22:3 ပူးပေါင်းရင်းမြစ်များ

1 Sahˬpaˬ 7:47

Guiˬ shuiˇ neh jahˇ taˬ-euˬ mˇ myawˬ kʼoeˇ deuˬ-ahˇ Sawˇlaˬmoˬ maˬ saˆ haw-aˬ. Aˬ jeˬ miˇ neh ehˇ naˇ, mˇ myawˬ kʼoeˇ deuˬ myaˬ dui dui-eu miˇ neh, maˬ saˆ haw jiˇ coeˇ-a.

1 Laˬsaˬbaˬ 22:14

Uˬ duˬ tahˬ nymˇ nymˇ ma tsoˆ-eu gʼaˇ duˬ, shuiˇ nyiˬ lam oeˬ seh jawꞈ-i hawˇ-eu, pyuˇ nyiˬ tseˇ oeˬ lam jawꞈ-i ngaˇ poˆ uiˬ taˬ-euˬ ma. Kʼoeˇ uˬ taꞈ, guiˬ shuiˇ hawˇ-eu shmˇ maˬ ehˇ jiˇ coeˇ ni jaˆ-eu ma. Daˇ kawˬ hawˇ-eu kʼaˬ lo deuˬ kʼawꞈ, ngaˇ lehˬ hmˬ taˬ-euˬ ma. Ehˇ kʼawꞈ, nawˇ paˇ ya poˆ lahˬ-a siˬ.

1 Laˬsaˬbaˬ 29:2

Ngaˇ leh jeh dui dui-awˇ, Uˬ duˬ tahˬ nymˇ nymˇ ma heu nymˇ tsoˆ-eu gʼaˇ duˬ, pyuˇ shuiˇ myawˬ gahˬ hawˇ-eu, mˇ myawˬ keu ka deuˬ lehˬ hmˬ taˬ-euˬ ma. Shuiˇ, pyuˇ, guiˬ shuiˇ, shmˇ, daˇ kawˬ daˇ laꞈ, aˇ poeˬ kʼaˆ-euˬ kʼaˬ lo sehˇ, aˇ caˇ caˇ kʼawꞈ sehˇ, aˇ boꞈ boꞈ-eu gʼaˇ duˬ haw muiˬ-eu kʼaˬ lo gʼawˬ mya jeˬ hawˇ-eu, muiˬ dui gʼahˇ dui dui-eu kʼaˬ lo gʼawˬ mya jeˬ poˆ uiˬ taˬ gʼaˬ-euˬ ma.

1 Laˬsaˬbaˬ 29:7

Uˬ duˬ tahˬ nymˇ nymˇ ma tsoˆ gaˇ bi zmˬ-eu gʼaˇ duˬ, shuiˇ tiˬ seh nyiˬ heˇ jawꞈ-i dzehˬ ni maˬ ehˇ, pyuˇ nyiˬ seh oeˬ heˇ jawꞈ-i dzehˬ ni maˬ ehˇ, guiˬ shuiˇ smˬ seh shiꞈ muiˇ nyiˬ heˇ jawꞈ-i ehˇ gʼaˬ ni maˬ ehˇ, shmˇ nyiˬ lam oeˬ muiˇ jawꞈ-i dzehˬ ni maˬ ehˇ, aˬ yawꞈ maꞈ damˬ-euˬ meh.

2 Laˬsaˬbaˬ 4:18

Mˇ myawˬ keu ka kʼaˇ-euˬ myaˬ dui dui-eu miˇ neh, guiˬ shuiˇ aˇ myaˆ ni jiˇ leˇ-euˬ tiˬ gʼaˬ-iˬ maˬ saˆ haw jiˇ coeˇ-a.

Yeˬlaˬmiˇ 52:20

Sahˬ paˬ Sawˇlaˬmoˬ neh Uˬ duˬ tahˬ nymˇ nymˇ ma laꞈ kʼoeˇ bi geuꞈ-eu lehˇ guiˬ shuiˇ neh jahˇ taˬ yaꞈ-euˬ kʼawˇ zeuˇ nyiˬ zeuˇ, laˆ lawˬ deuˬ, lah hawˇ-eu lah-ahˇ tawˬ-eu mawˇ neˇ mawˇ kawˇ tseˇ nyiꞈ kawˇ-aˬ, maˬ saˆ jiˇ coeˇ gaˇ keuˆ ni myaˬ dui dui-eu guiˬ shuiˇ neh jahˇ taˬ-euˬ meh.

Dawˬmehˬ 8:9

Kʼoeˇ gaˇ, naw maꞈ tiˬ jawˇ-iˬ maˬ ya mehꞈ maˬ ya shuꞈ-eu uˬ taꞈ, tiˬ jeˬ-iˬ maˬ loˬ ni ya dehꞈ dzaˬ tehꞈ-a. Kʼoeˇ gaˇ jaˆ-eu lo guˇ deuˬ laꞈ kʼoeˇ, shmˇ doˆ-awˇ, gawˬ duˇ-ahˇ naw maꞈ guiˬ shuiˇ ya duˬ doˆ geuꞈ tehꞈ-a.