1 Laˬsaˬbaˬ 22:13 - Akha

¹³ Iˇsaˬleˬlaˆ tsawˇ jeuˬ gʼaˇ duˬ, Sahˬpaˬ Miˬyehˇ neh Moˇseˬ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nawˇ naˇ haˬ geuꞈ naˇ, nawˇ huiˬ laˇ mahˇ laˇ tehꞈ-a. Nui ma ziꞈ dah ni taˬ-awˇ, yawˬ haˇ yawˬ ha nui jah ahˇ-eu laꞈ kʼoeˇ, tiˬ jeˬ-ahˇ-iˬ maˬ guˆ ni dehꞈ-awˬ.

1 Laˬsaˬbaˬ 22:13 ပူးပေါင်းရင်းမြစ်များ

1 Sahˬpaˬ 2:2

“Ngaˇ ziˇ dehꞈ jiˇ-eu aˇ yamˬ dawˬ peh peh laˇ-euˬ miˇ-a. Nawˇ yawˬ haˇ yawˬ ha nui jah ahˇ-eu laꞈ kʼoeˇ, nui ma ziꞈ dah ni taˬ-awˬ.

1 Sahˬpaˬ 2:3

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi mˇ laꞈ-euˬ jeˬ-ahˇ nawˇ mˇ-awˬ. Nawˇ kʼaˇ iˇ kʼaˇ laˇ kʼaˇ mˇ kʼaˇ shaˇ-eu jeˬ laꞈ kʼoeˇ guiˬ lahˬ baw ni, Moˇseˬ-euˬ zahˇ dawˬ kʼoꞈ dawˬ laꞈ kʼoeˇ boꞈ ahˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu, aˬ yawꞈ neh bi mˇ bi shaˇ-euˬ jeˬ dawˬ tawˆ luꞈ-ahˇ naˇ haˬ geuꞈ-awˇ mˇ-awˬ.

1 Laˬsaˬbaˬ 28:10

Aˬ yawꞈ-euˬ Uˬ duˬ tahˬ nymˇ nymˇ ma bi tsoˆ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ gaˇ kawˆ, nawˇ yaw muiˬ paˬ-ehˇ siˬ duˬ-eu tsaˬ meh. Nymˬ-mˇ tsoˆ-awˬ. Yaw muiˬ paˬ-ehˇ noeˬ tsehˆ-awˇ tsoˆ-awˬ.”

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

1 Laˬsaˬbaˬ 28:7

Ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ, nymˬ-mˇ aˬ yawꞈ naˇ haˬ geuꞈ luꞈ-eu loꞈ-ehˇ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ kʼawꞈ, maˬ tsehˆ leˇ ni naˇ haˬ geuꞈ naˇ, aˬ yawꞈ-euˬ miˇ kʼahˬ aˬ myah luꞈ bi ziꞈ ma’ lehˇ ehˇ-eu meh.

2 Laˬsaˬbaˬ 14:6

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ ziꞈ dah ni aˬ yawꞈ tsoˆ ziꞈ-awˇ, guiˇ deuˆ-eu maˬ baw ni gʼawˬ mya kʼoꞈ dehꞈ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ aˬ yawꞈ-ahˇ coꞈ ngehˇ ni gʼeh-eu jeˬ biꞈ nehˬ-euˬ meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

2 Laˬsaˬbaˬ 26:5

Guiˬ lahˬ saꞈ laˇ paw taꞈ leˇ-awˇ, aˬ yawꞈ-ahˇ nui noeˬ nui duˇ biꞈ-eu gʼaˬ pyeuꞈ-eu Zaˬkaˬliˇ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ aˬ yawꞈ saˇ jaˇ ziꞈ-awˇ, Miˬyehˇ aˬ yawꞈ-ahˇ guiˬ lahˬ biꞈ nehˬ-euˬ meh.

2 Laˬsaˬbaˬ 32:7

“Nui ma kʼaˬ duˬ ni taˬ-eu laꞈ kʼoeˇ gʼaˬ maˬ baˬ-ehˇ, Aˬshuˇliˆ sahˬ paˬ hawˇ-eu aˬ yawꞈ neh sheuˬ laꞈ-euˬ guiˇ maꞈ-ahˇ maˬ guˆ ni jawˇ-awˬ. Aˬ yawꞈ gʼaˬ kʼaˆ-eu naˆ maˬ tseˇ aˬ dui maꞈ gʼaˬ kʼaˆ dzehˬ ma.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Jaceuq 119:6

Nawˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ ngaˇ haw tsoˆ taˬ ngeh, ngaˇ daˬ maˬ ga ni ya dehꞈ tehꞈ-a.

Jaceuq 72:1

Miˬyehˇ-oˇ, nawˬ-euˬ yaw tsaˬ yaw dawˇ jeˬ laꞈ kʼoeˇ yaˇ kʼaˬ daˇ nya ni, sahˬ paˬ-ahˇ mehˬ nehˬ tsoˆ nehˬ-awˬ. Nawˬ-euˬ yaw tsaˬ yaw dawˇ jeˬ aˬ yawꞈ-ahˇ biꞈ nehˬ-awˬ.

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Zaˬkaˬliˇ 8:9

“Naw maꞈ gʼaˬ byehˆ taˬ byehˆ. Uˬ duˬ tahˬ nymˇ nymˇ ma tsoˆ muiˬ-eu lehˇ kʼaˬ lo gawˬ dahˬ beh ngeh, Miˬyehˇ gʼaˇ duˬ ngehˬ dah-euˬ deuˬ neh ehˇ-euˬ dawˬ kʼoeˇ, iˬ nah naw maꞈ paˇ ya gaˬ poˆ luꞈ-eu meh.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Gʼaˬkʼehˇ 13:22

Aˬ yawꞈ-ahˇ paˇ yuˇ dzeh ngeh jawˇ, Daˬbiˇ-ahˇ sahˬ paˬ paˇ bi geuꞈ-euˬ meh. ‘Yeˬshehˇ-euˬ aˬ li Daˬbiˇ-aˬ, ngaˇ kʼaˇ bi mˇ mawꞈ-eu jeˬ mˇ-eu, ngaˇ geuꞈ mawꞈ-eu tsawˇ haˬ pyeuꞈ gaˇ ngaˇ ya mawˇ-euˬ ma’ lehˇ, Daˬbiˇ gaˇ kawˆ Miˬyeh neh ehˇ taˬ-euˬ jaˆ-eu meh.

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

Gaˬlaˬtiˆ 6:2

Tiˬ gʼaˬ tiˇ gʼaˬ kʼaˆ behˆ caw pi-eu laꞈ kʼoeˇ, Ka li-euˬ zahˇ dawˬ kʼoꞈ dawˬ-ahˇ mˇ byah-awˬ.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

Yaˬkoˆ 2:8

“Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ” lehˇ Jaˇliꞈ laꞈ kʼoeˇ ehˇ taˬ-euˬ Miˬyehˇ Miˇkʼahˬ-ahˇ taꞈ-eu zahˇdawˬ kʼoꞈ dawˬ kʼoeˇ dawˬ-ahˇ naw maꞈ naˇ haˬ geuꞈ naˇ, tsaˬ-eu jeˬ-ahˇ naw maꞈ mˇ-eu meh.

Yawˇshuˆ 1:18

Nawˇ uˆ lahˇ-eu uˬ moˆ maˬ jawˇ mawꞈ-ehˇ, nawˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ.”