1 Laˬsaˬbaˬ 21:14 - Akha

¹⁴ Kʼoeˇ naˇ, Sahˬpaˬ Miˬyehˇ neh Iˇsaˬleˬlaˆ tsawˇ jeuˬ kʼoeˇ taˆ yaw jaw naˇ-eu naˇ gawˇ bi keuˆ le-awˇ, shiꞈ muiˇ gʼaˬ shiˇ-euˬ meh.

1 Laˬsaˬbaˬ 21:14 ပူးပေါင်းရင်းမြစ်များ

2 Saˬmeuˬlaˆ 24:15

Kʼoeˇ miˇ neh, kʼoeˇ ngeh shawˬ neh aˇ dahˬ beh-awˇ, nah tsaˬ tsoˆ taˬ-euˬ aˇ yamˬ byah laˇ ngeh keuˆ ni, Iˇsaˬleˬlaˆ tsawˇ jeuˬ kʼoeˇ taˆ yaw jaw naˇ-eu naˇ gawˇ gawˇ ma Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-euˬ miˇ kʼahˬ kʼoeˇ dzeˇ heu dzeˇ jaˆ-eu Daˬ meuˬ-ahˇ neh Beˬlaˇsheˬba meuˬ-ahˇ keuˆ ni, Iˇsaˬleˬlaˆ tsawˇ haˬ shiꞈ muiˇ gʼaˬ shiˇ-euˬ meh.

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

1 Laˬsaˬbaˬ 27:24

Zeˬluˇyaˆ-euˬ aˬ li tsawˇ myahˇ yuˇ-eu gaˇ-ahˇ dawꞈ leˇ-euˬ kʼawꞈ, aˇ saˬ maˬ saˬ ni byehˇ-euˬ meh. Kʼoeˇ loꞈ-ehˇ tsawˇ seˬ yuˇ-euˬ baˬ da neh, Iˇsaˬleˬlaˆ tsawˇ haˬ deuˬ-ahˇ Miˬyehˇ kʼehˬ nehˬ kʼaˆ nehˬ-awˇ, tsawˇ myahˇ yuˇ saˬ saˬ-euˬ deuˬ sahˬ paˬ Daˬbiˇ-euˬ jaˇ laˇ laꞈ kʼoeˇ maˬ dawˆ ni byehˇ-euˬ meh.

Doˆ-iˇ 12:30

Kʼoeˇ ngeh miˇ, sahˬ paˬ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ maˬ ehˇ, Iˇjiˇtuˆ tsawˇ haˬ dawˬ tawˆ luꞈ maˬ ehˇ, noeˬ laˇ jiˇ-euˬ meh. Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ, guˇ guˇ-ehˇ ngoeˇ-eu teˇ saˇ byah jiˇ-euˬ meh. Aˬ jeˬ miˇ neh ehˇ naˇ, aˬ li tiˬ li-iˬ maˬ bi shiˇ ni dzeuˇ-iˇ-euˬ nymˇ tiˬ nymˇ-iˬ maˬ jaˆ-a.

Bawˇtsahˬ 25:9

Ehˇ kʼawꞈ, tsawˇ haˬ nyiˬ muiˇ oeˬ heˇ gʼaˬ shiˇ dzeuˇ gʼaˬ-euˬ meh.

1 Saˬmeuˬlaˆ 6:19

Behˬsheˬmehˇ meuˬ-ahˇ jawˇ-eu tsawˇ haˬ shiꞈ tseˇ gʼaˬ-ahˇ Sahˬpaˬ Miˬyehˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-euˬ laꞈ kʼoeˇ paw aˬ yawꞈ maꞈ cu hu-euˬ meh. Aˬ yawꞈ maꞈ-euˬ tsawˇ haˬ kʼoeˇ myaˆ ni Sahˬpaˬ Miˬyehˇ neh bi sehꞈ-euˬ miˇ neh, aˬ yawꞈ maꞈ tsawˇ ngoeˇ ngoeˇ-euˬ meh.