1 Laˬsaˬbaˬ 20:3 - Akha

³ Meuˬ kʼoeˇ meuˬ-ahˇ jaˆ-eu pyuˇ shuiˇ myawˬ gahˬ gʼawˬ mya ni aˬ yawꞈ yuˇ geuꞈ-euˬ meh. Meuˬ kʼoeˇ meuˬ-ahˇ jawˇ-eu tsawˇ haˬ deuˬ-ahˇ kʼawꞈ aˬ yawꞈ nyehꞈ-awˇ, yehˬ ma, tsehˬ ma, deuˆ haˬ heu deuˬ bi baꞈ-awˇ, gaˇ bi mˇ-euˬ meh. Aˬmoˬ tsawˇ jeuˬ-euˬ meuˬ nui deuˬ-ahˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ gaˇ bi mˇ-euˬ meh. Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Yeˬluˇsaˬlehˬ meuˬ-ahˇ gʼoꞈ leˇ-euˬ meh.

1 Laˬsaˬbaˬ 20:3 ပူးပေါင်းရင်းမြစ်များ

2 Saˬmeuˬlaˆ 12:31

Kʼoeˇ gaˇ jawˇ-eu tsawˇ haˬ deuˬ-ahˇ aˬ yawꞈ nyehꞈ doˆ laꞈ-awˇ, yehˬ ma, tsehˬ ma, deuˆ haˬ, heu deuˬ baꞈ-awˇ gaˇ bi mˇ-awˇ, tsaˬ byaˆ tehˆ-eu gaˇ kʼawꞈ bi mˇ-euˬ meh. Aˬmoˬ tsawˇ jeuˬ-euˬ meuˬ nui deuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ kʼehˇ dzaˬ-euˬ meh. Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Yeˬluˇsaˬlehˬ meuˬ-ahˇ gʼoꞈ laˇ-euˬ meh.

Doˆ-iˇ 1:14

Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

HeˬByehˇ 11:37

Kʼaˬ lo neh bi biˬ sehꞈ-euˬ meh. Yehˬ ma neh bi yehˬ tsehˆ-euˬ meh. Mi cehˇ neh bi deuˆ sehꞈ-euˬ meh. Yawˇ baˆ kʼoˆ hawˇ-eu ciꞈ myehꞈ baˆ kʼoˆ dm dm-ehˇ cah-euˬ meh. Shaˬ dui dui-awˇ, kʼehˬ dui kʼaˆ dui bi dui-euˬ uˬ taꞈ, kʼaˇ gʼeh mawꞈ-eu jeˬ bi gʼeh-euˬ meh.

Yawˇshuˆ 9:23

Naw maꞈ kʼoeˇ loꞈ-ehˇ jaˬ myawꞈ myawꞈ-euˬ miˇ neh, Miˬyehˇ naw maꞈ-ahˇ yaˬ kʼehˇ yaˬ gʼaˬ-euˬ meh. Naw maꞈ tsawˇ haˬ-aˬ, aˬ myah luꞈ aˬ cawˬ zaˬ kʼaˆ ya geuꞈ-awˇ, ngaˬ-eu Miˬyehˇ-euˬ nymˇ gʼaˇ duˬ miˬ dzaˬ kʼehꞈ-eu hawˇ-eu iˇ cuꞈ kʼawꞈ-eu tsawˇ haˬ ya geuꞈ tehꞈ-a.”