1 Laˬsaˬbaˬ 19:9 - Akha

⁹ Aˬmoˬ tsawˇ haˬ deuˬ doˆ le-awˇ, aˬ yawꞈ maꞈ-euˬ meuˬ meuˬ ma pyeuꞈ-eu Laˬbah meuˬ-euˬ lahˇ kʼehˬ-ahˇ guiˇ daˬ daˬ-awˇ, aˬ yawꞈ maꞈ-ahˇ caw ba le-euˬ sahˬ paˬ deuˬ deh ga-ahˇ guiˇ daˬ daˬ-euˬ meh.

1 Laˬsaˬbaˬ 19:9 ပူးပေါင်းရင်းမြစ်များ

2 Saˬmeuˬlaˆ 10:8

Aˬmoˬ tsawˇ haˬ deuˬ doˆ le-awˇ, aˬ yawꞈ maꞈ jawˇ-eu Laˬbah meuˬ-euˬ lahˇ kʼehˬ-ahˇ guiˇ daˬ daˬ-awˇ loꞈ luꞈ-eu meh. Suˇliˆ tsawˇ haˬ deuˬ, Tawˇbaˬ meuˬ-ahˇ jawˇ-eu tsawˇ haˬ deuˬ hawˇ-eu, Mawˇkah meuˬ-ahˇ jawˇ-eu tsawˇ haˬ deuˬ-aˬ, deh ga-ahˇ guiˇ daˬ daˬ-awˇ loꞈ luꞈ-eu meh.

2 Saˬmeuˬlaˆ 18:4

Kʼoeˇ ngeh, “Naw maꞈ neh muiˬ meh lehˇ noeˬ-euˬ jeˬ-ahˇ ngaˇ geuꞈ ma” lehˇ sahˬ paˬ ehˇ-eu meh. Kʼoeˇ naˇ, aˬ yawꞈ-euˬ tsawˇ haˬ deuˬ aˇ heˇ gʼaˬ, aˇ yaˇ gʼaˬ lehˇ aˇ muˇ muˇ-awˇ doˆ-iˇ ngeh, meuˬ-euˬ lahˇ kʼehˬ dawˬ peh aˬ yawꞈ yawꞈ luꞈ-eu meh.

1 Sahˬpaˬ 20:1

Suˇliˆ sahˬ paˬ Beˬhaˬdaˇ-aˬ, aˬ yawꞈ-euˬ guiˇ maꞈ dawˬ tawˆ luꞈ kuˇ uiˬ-awˇ, sahˬ paˬ smˬ tseˇ nyiꞈ gʼaˬ, mahˬ hawˇ-eu mahˬ laˆ lawˬ deuˬ teh-awˇ aˬ yawꞈ nehˬ-ehˇ gm leˇ-euˬ laꞈ kʼoeˇ, Saˬmaˬliˆ meuˬ-ahˇ loꞈ jawˬ le-awˇ guiˇ deuˆ le-euˬ meh.

1 Sahˬpaˬ 20:24

Sahˬ paˬ kʼoeˇ smˬ tseˇ nyiꞈ gʼaˬ-ahˇ aˇ yaˬ yuˇ ka nehˬ-awˇ, aˬ yawꞈ maꞈ-euˬ jawˇ duˬ-ahˇ, guiˇ maꞈ deuˬ kʼoeˇ taˆ uˆ lahˇ-eu deuˬ-ahˇ aˇ yaˬ yuˇ daˆ nehˬ-awˬ.

1 Laˬsaˬbaˬ 19:10

Muiˇ-eu deuˬ aˬ yawꞈ-ahˇ mehˬ shi paw neh maˬ ehˇ, naˇ kʼah paw neh maˬ ehˇ, guiˇ deuˆ-eu lehˇ lehˬ hmˬ taˬ-euˬ gaˇ Yoˇbaˬ ya mawˇ ngeh, nya dui dui-eu Iˇsaˬleˬlaˆ yehˇ deuˬ-ahˇ aˬ yawꞈ tseˇ doˆ-awˇ, Suˇliˆ tsawˇ haˬ deuˬ-ahˇ deuˆ-eu gʼaˇ duˬ bi lehˬ hmˬ-euˬ meh.

1 Laˬsaˬbaˬ 19:8

Gaˇ kawˆ kʼoeˇ Daˬbiˇ ya gaˬ ngeh, Yoˇbaˬ nehˬ-ehˇ guiˇ maꞈ maꞈ lah ni pyehˬ gʼeh-euˬ meh.

2 Laˬsaˬbaˬ 13:3

Aˬbiˇyaˬ gʼaˬ yehˇ oeˬ seh gʼaˬ jawˇ-awˇ, Yeˬyawˇbamˬ gʼaˬ yehˇ yehꞈ seh gʼaˬ sheuˬ-awˇ aˬ yawꞈ-ahˇ deuˆ-euˬ meh.

2 Laˬsaˬbaˬ 14:10

Aˬsaˬ gʼeh aˬ yawꞈ-ahˇ guiˇ deuˆ-eu lehˇ doˆ-iˇ-awˇ, guiˇ guiˇ maꞈ nyiˬ maꞈ luꞈ Maˬleˇshaˬ meuˬ dawˬ peh jaˆ-eu Zeˬpaˬdaˬ deh kʼawꞈ-ahˇ, guiˇ daˬ daˬ-awˇ jawˇ duˬ yuˇ taˬ-euˬ meh.

Iˇsaˬyaˇ 28:6

Yaˇ kʼaˬ daˇ-eu tsawˇ haˬ deuˬ-ahˇ, yaw tsaˬ yaw dawˇ jeˬ aˬ yawꞈ biꞈ-awˇ, meuˬ lahˇ kʼehˬ-ahˇ guiˇ deuˆ piˇ-eu tsawˇ haˬ deuˬ-ahˇ, gʼaˬ biꞈ lahˬ nehˬ tehꞈ-a.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yawˇlaˆ 2:5

Gawˬ jawˬ-ahˇ tsawˬ tsawˬ-ehˇ cah ngeh, mahˬ laˆ lawˬ-euˬ teˇ saˇ loꞈ-ehˇ, shoe loe shuiˇ luiˇ-ehˇ mahˇ laˇ-awˇ, jaˆ gaˆ miˬ dzaˬ puiˆ-eu loꞈ-ehˇ, toeˆ toeˆ tawˆ tawˆ-ehˇ mahˇ-eu meh. Guiˇ deuˆ-eu lehˬ hmˬ dah taˬ-euˬ, guiˇ maꞈ maꞈ ma tiˬ maꞈ loꞈ-ehˇ, aˬ yawꞈ maꞈ yawꞈ cehˆ taˬ-euˬ meh.

1 Saˬmeuˬlaˆ 17:2

Sawˇluˆ hawˇ-eu Iˇsaˬleˬlaˆ tsawˇ haˬ deuˬ kʼawꞈ tiˬ gaˇ uiˬ leˇ-awˇ, Eˇlahˬ deh kʼawꞈ-ahˇ taˆ tsoˆ-awˇ jawˇ-eu laꞈ kʼoeˇ, Piˇliˇtiˆ tsawˇhaˬ deuˬ-ahˇ guiˇ deuˆ-eu gʼaˇ duˬ lehˬ hmˬ dah taˬ-euˬ meh.