1 Laˬsaˬbaˬ 19:3 - Akha

³ Aˬmoˬ tsawˇ haˬ aˬ yuiꞈ aˬ tsu deuˬ, aˬ yawꞈ maꞈ-euˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ da shiˇ-euˬ miˇ neh nui ma maˬ saˇ-eu gaˇ kawˆ bi tsaꞈ gaˬ le-eu gʼaˇ duˬ, tsawˇ haˬ heu deuˬ-ahˇ Daˬbiˇ pyehˬ gʼeh leꞈ-euˬ nga lehˇ nawˇ noeˬ te loˇ. Kʼoeˇ loꞈ-ehˇ maˬ ngeuˇ-a. Aˬ yawꞈ aˬ dui-ahˇ guiˇ deuˆ gʼaˬ nya ni, miˇ kʼahˬ heu kʼahˬ gaˇ kawˆ bi kʼoeˬ sho haw le-eu gʼaˇ duˬ tsawˇ haˬ pyehˬ gʼeh leꞈ-euˬ meh.”

1 Laˬsaˬbaˬ 19:3 ပူးပေါင်းရင်းမြစ်များ

2 Saˬmeuˬlaˆ 10:3

Aˬmoˬ tsawˇ haˬ aˬ yuiꞈ aˬ tsu deuˬ aˬ yawꞈ maꞈ-euˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ da shiˇ-euˬ miˇ neh aˬ yawꞈ nui ma maˬ saˇ-eu gaˇ kawˆ bi tsaꞈ gaˬ le-eu gʼaˇ duˬ, tsawˇ haˬ heu deuˬ-ahˇ Daˬbiˇ neh pyehˬ gʼeh leꞈ-euˬ nga lehˇ nawˇ noeˬ te loˇ. Kʼoeˇ loꞈ-ehˇ maˬ ngeuˇ-a. Aˬ yawꞈ aˬ dui-ahˇ guiˇ deuˆ gʼaˬ nya ni, tsawˇ haˬ pyehˬ leꞈ-awˇ meuˬ heu meuˬ-ahˇ bi kʼoeˬ sho haw le-euˬ meh.”

1 Laˬsaˬbaˬ 19:2

Kʼoeˇ ngeh, “Aˬ yawꞈ-euˬ aˬ da Naˬhaˆ ngaˬ-ahˇ saˇ jaˇ ziꞈ-euˬ loꞈ-ehˇ, ngaˇ kʼawꞈ Haˬnuˬ-ahˇ saˇ jaˇ ziꞈ-eu laꞈ kʼoeˇ cawˬ cawˬ taꞈ ma” lehˇ, sahˬ paˬ Daˬbiˇ ehˇ-eu meh. Kʼoeˇ naˇ, sahˬ paˬ Naˬhaˇ shiˇ-euˬ gaˇ kawˆ-ahˇ aˬ yawꞈ kʼawꞈ noeˬ shaˬ-eu gaˇ kawˆ bi tsaꞈ gaˬ-iˇ-eu gʼaˇ duˬ, Daˬbiˇ tsawˇ haˬ pyehˬ gʼeh-euˬ meh. Ehˇ kʼawꞈ, aˬ yawꞈ-euˬ tsawˇ haˬ kʼoeˇ deuˬ Aˬmoˬ miˇ kʼahˬ-ahˇ iˇ keuˆ-awˇ, sahˬ paˬ Haˬnuˬ-ahˇ tahˬ puˬ-iˇ ngeh,

1 Laˬsaˬbaˬ 19:4

Daˬbiˇ neh pyehˬ gʼeh-euˬ tsawˇ haˬ kʼoeˇ deuˬ-ahˇ Haˬnuˬ nyehꞈ-awˇ, mehˬ mahˬ jehˆ dzeh nehˬ-euˬ uˬ taꞈ, aˬ yawꞈ maꞈ-euˬ pehˇ kʼahˬ daˇ tsuiꞈ-ahˇ keuˆ ni pyehˆ tsehˆ nehˬ-awˇ, pyehˬ kʼoꞈ gʼeh-euˬ meh.

Yaˇ kʼaˬ daˇ 18:2

Daˬ tsawˇ haˬ deuˬ-aˬ, aˬ yawꞈ maꞈ-euˬ aˇ jeuˬ dawˬ tawˆ luꞈ laꞈ kʼoeˇ , noeˬ tmˬ nya paˬ-ehˇ gʼeh-eu tsawˇ haˬ ngaˬ gʼaˬ tseˇ doˆ-awˇ, miˇ kʼahˬ bi pyehˆ tseˇ haw-iˇ-eu gʼaˇ duˬ mehˬ nehˬ tsoˆ nehˬ-euˬ meh. Kʼoeˇ naˇ, Zoˇlahˬ hawˇ-eu Eˇshaˬtawˇlaˆ meuˬ-ahˇ neh pyehˬ gʼeh-euˬ meh. Eˇpaˬleˬ miˇ kʼahˬ gawˬ jawˬ gawˬ duˇ-ahˇ aˬ yawꞈ maꞈ le keuˆ ngeh, Miˇkaˬ-euˬ nymˇ-ahˇ naˬ-euˬ meh.

1 Saˬmeuˬlaˆ 29:4

Ehˇ kʼawꞈ, Piˇliˇtiˆ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ deuˬ Aˬkiˇ-ahˇ nui ma pehˇ laˇ-awˇ ehˇ-eu, “Tsawˇ haˬ heu gʼaˬ-ahˇ nawˬ neh biꞈ taˬ-euˬ meuˬ-ahˇ bi gʼoꞈ-iˇ-awˬ. Aˬ dui maꞈ guiˇ deuˆ gaˇ taˬ bi laˇ. Nymˬ-mˇ guiˇ deuˆ gaˇ keuˆ leˇ naˇ, aˬ dui maꞈ-ahˇ aˬ yawꞈ paˇ deuˆ laˇ tehꞈ-a. Aˬ yawꞈ-euˬ sahˬ paˬ aˬ yawꞈ-ahˇ nui kʼahˇ shiˇ ni mˇ-eu gʼaˇ duˬ, aˬ dui-euˬ tsawˇ haˬ-ahˇ sehꞈ-eu naˆ maˬ tseˇ muiˬ dzehˬ-eu gaˇ ma, aˬ yawꞈ gʼaˇ duˬ aˬ gaˇ paˇ dahˇ ta.

1 Saˬmeuˬlaˆ 29:9

Daˬbiˇ-ahˇ Aˬkiˇ ehˇ nehˬ-eu, “Nawˇ ehˇ-eu tsaˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ loꞈ-ehˇ nawˇ saˇ jaˇ ziꞈ meh lehˇ ngaˇ jah-eu ma. Ehˇ kawꞈ, nawˬ-ahˇ nga maꞈ nehˬ-ehˇ guiˇ deuˆ gaˇ maˬ bi le nya-a lehˇ, sahˬ paˬ nui deuˬ ehˇ-eu meh.