1 Laˬsaˬbaˬ 18:17 - Akha

¹⁷ Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, sahˬ paˬ Daˬbiˇ-euˬ aˬ li deuˬ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ geuꞈ-euˬ meh.

1 Laˬsaˬbaˬ 18:17 ပူးပေါင်းရင်းမြစ်များ

2 Saˬmeuˬlaˆ 15:18

Aˬ yawꞈ-ahˇ loꞈ piˇ-eu guiˇ maꞈ aˬ yawꞈ-euˬ mehˬ shi iˇ dzeuˇ gʼeh luꞈ ngeh, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ aˬ yawꞈ-euˬ dawˬ peh yawꞈ luꞈ-eu meh. Gaˬdaˇ meuˬ-ahˇ neh aˬ yawꞈ-euˬ mehˬ nah caw teh laꞈ-euˬ yehˇ koꞈ yaˇ gʼaˬ kʼawꞈ, iˇ dzeuˇ luꞈ-eu meh.

2 Saˬmeuˬlaˆ 20:23

Yoˇbaˬ-aˬ, Iˇsaˬleˬlaˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh. Yeˬhawˇyaˬdaˬ-euˬ aˬ li Baˬnaˇyaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh.

2 Saˬmeuˬlaˆ 20:7

Yoˇbaˬ-euˬ yehˇ deuˬ maˬ ehˇ, sahˬ paˬ-ahˇ loꞈ piˇ-eu yehˇ deuˬ maˬ ehˇ, yehˇ nui deuˬ maˬ ehˇ, Aˬbiˇshaiˇ nehˬ-ehˇ iˇ-awˇ, Sheˬba-euˬ mehˬ nah teh-iˇ-euˬ meh.

2 Saˬmeuˬlaˆ 8:18

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, Daˬbiˇ-euˬ aˬ li deuˬ-aˬ, piˇ ma geuꞈ-euˬ meh.

1 Sahˬpaˬ 1:38

Kʼoeˇ naˇ, piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ gʼeh-awˇ, Sawˇlaˬmoˬ-ahˇ sahˬ paˬ Daˬbiˇ-euˬ mahˬ shaˆ lawˬ bi dziˬ-awˇ, Giˇhoˬ lawˇ gawˆ-ahˇ sheuˬ gʼeh-euˬ meh.

1 Sahˬpaˬ 1:44

Piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ-ahˇ aˬ yawꞈ pyehˬ gʼeh-awˇ, Sawˇlaˬmoˬ-ahˇ bi sheuˬ gʼeh-euˬ meh. Aˬ yawꞈ maꞈ neh Sawˇlaˬmoˬ-ahˇ sahˬ paˬ-euˬ mahˬ shaˆ lawˬ bi dziˬ-euˬ meh.

1 Laˬsaˬbaˬ 18:16

Aˬhiˇtuˆ-euˬ aˬ li Zaˬdoˆ hawˇ-eu Aˬbyaˬdaˬ-euˬ aˬ li Aˬhiˇmaˬlehˇ aˬ nyaꞈ-aˬ, piˇ ma geuꞈ-euˬ meh. Seˬlehˇyaˬ-aˬ, saˇ naˇ gaˇ tuˆ tehˬ-eu gʼaˬ geuꞈ-euˬ meh.

1 Laˬsaˬbaˬ 19:1

Aˇ yamˬ ui cuiˆ myahˇ laˇ ngeh jawˇ, Aˬmoˬ sahˬ paˬ Naˬhaˆ shiˇ-awˇ, aˬ yawꞈ-euˬ aˬ li Haˬnuˬ sahˬ paˬ pyeuꞈ laˇ-euˬ meh.

1 Laˬsaˬbaˬ 23:28

Leˬbiˇ tsawˇ haˬ deuˬ ya mˇ-eu gaˇ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ caw jaw-eu gaˇ maˬ ehˇ, Uˬ duˬ tahˬ nymˇ nymˇ ma-euˬ poˆ ka hawˇ-eu aˇ lawˆ deuˬ-ahˇ bo saˆ haw piˇ-eu gaˇ maˬ ehˇ, kʼaˇ muiˬ kʼaˇ shawˇ-eu mˇ myawˬ keu ka deuˬ-ahˇ maˬ ya bi jawꞈ-iˇ ni jeˬ hmˬ laˆ saˆ-eu gaˇ maˬ ehˇ,

Neˬhaˬmiˇ 11:24

Yuˇdaˆ tsawˇ jeuˬ Zeˬlahˬ aˇ jeuˬ pyeuꞈ-eu Meˬsheˬzaˬbeˬlaˇ-euˬ aˬ li Peˬdaˬhiˇ gʼaˬ, Paˇshaˇ sahˬpaˬ-euˬ saˇ naˇ-ahˇ Iˇsaˬleˬlaˆ tsawˇ jeuˬ-euˬ dah zaˇ dah-euˬ meh.

Zeˬpaˬniˇ 2:5

Laˆ shaˆ lawˇ deh tiˬ li jawˇ-eu, naw maꞈ Piˇliˇtiˆ tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Sahˬpaˬ Miˬyehˇ yaˇ kʼaˬ daˇ-awˇ, tiˬ gʼaˬ-iˬ maˬ bi dzeuˇ-iˇ ni, laˆ cawˆ nehˬ gaˇ ya daˬ tehꞈ-a.

1 Saˬmeuˬlaˆ 30:14

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu Sheˬleˬdiˇ tsawˇ jeuˬ-euˬ miˇ kʼahˬ hawˇ-eu, Gaˬlehˆ tsawˇ jeuˬ-euˬ miˇ kʼahˬ-ahˇ nga maꞈ guiˇ deuˆ-awˇ, Ziˇkaˬlehˆ meuˬ-ahˇ nga maꞈ miˬ dzaˬ keuˬ dzeh yaꞈ-euˬ ma.”