1 Laˬsaˬbaˬ 18:11 - Akha

¹¹ Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ neh deuˆ gʼaˬ-euˬ Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ, Aˬmaˬlehˇ miˇ kʼahˬ, heu deuˬ-ahˇ za-euˬ pyuˇ hawˇ-eu shuiˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

1 Laˬsaˬbaˬ 18:11 ပူးပေါင်းရင်းမြစ်များ

1 Sahˬpaˬ 7:51

Uˬ duˬ tahˬ nymˇ nymˇ ma tsoˆ-eu gaˇ yawˬ jeˬ na luꞈ-ahˇ sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ, Uˬ duˬ tahˬ nymˇ nymˇ ma laꞈ kʼoeˇjaˆ-eu myawˬ taˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

2 Sahˬpaˬ 12:18

Kʼoeˇ ngeh, Yuˇdaˆ sahˬ paˬ Yawˇshaˆ-aˬ, aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ deuˬ pyeuꞈ-eu, Yeˬhawˇshaˬpaˇ, Yeˬhawˇlamˬ, Aˬhaˬziˇ aˬ ha maꞈ neh Sahˬpaˬ Miˬyehˇ-ahˇ damˬ nehˬ-euˬ pyuˇ shuiˇ myawˬ gahˬ dawˬ tawˆ luꞈ maˬ ehˇ, aˬ yawꞈ neh damˬ taˬ-euˬ pyuˇ shuiˇ myawˬ gahˬ deuˬ maˬ ehˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu shuiˇ dawˬ tawˆ luꞈ maˬ ehˇ, yuˇ uiˬ jiˇ-awˇ, sahˬ paˬ Haˬzeˬlaˇ-ahˇ laꞈ sawˬ biꞈ leˇ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ sahˬ paˬ Haˬzeˬlaˇ guiˇ maˬ deuˆ ni byehˇ-euˬ meh.

1 Laˬsaˬbaˬ 18:10

Tawˇiˬ nehˬ-ehˇ tiˬ kʼehˬ maˬ taˬ ni guiˇ deuˆ luꞈ-eu Haˬdaˬdeˬzaˬ-ahˇ sahˬ paˬ Daˬbiˇ neh deuˆ gʼaˬ-euˬ miˇ neh, Tawˇiˬ -euˬ aˬ li Yoˇlamˬ-ahˇ sahˬ paˬ Daˬbiˇ jawˇ gaˇ pyehˬ gʼeh-awˇ, Haˬdaˬdeˬzaˬ-ahˇ deuˆ gʼaˬ-euˬ baˬ da neh, laˬ kʼaˬ cehˇ-awˇ guiˬ lahˬ huiˬ-eu dawˬ bi tsaꞈ gaˬ leˇ-euˬ meh. Shuiˇ, pyuˇ, guiˬ shuiˇ, heu deuˬ neh jahˇ taˬ-euˬ laꞈ sawˬ deuˬ, Daˬbiˇ jawˇ gaˇ Yoˇlamˬ yuˇ gʼeh nehˬ-euˬ meh.

1 Laˬsaˬbaˬ 18:12

Zeˬluˇyaˆ-euˬ aˬ li Aˬbiˇshaiˇ-aˬ, Saˬdeuꞈ deh kʼawꞈ-ahˇ Eˬdoˬ tsawˇ haˬ deuˬ-ahˇ guiˇ deuˆ gʼaˬ-awˇ, tiˬ muiˇ yehꞈ heˇ gʼaˬ deuˆ sehꞈ nehˬ-euˬ meh.

1 Laˬsaˬbaˬ 22:14

Uˬ duˬ tahˬ nymˇ nymˇ ma tsoˆ-eu gʼaˇ duˬ, shuiˇ nyiˬ lam oeˬ seh jawꞈ-i hawˇ-eu, pyuˇ nyiˬ tseˇ oeˬ lam jawꞈ-i ngaˇ poˆ uiˬ taˬ-euˬ ma. Kʼoeˇ uˬ taꞈ, guiˬ shuiˇ hawˇ-eu shmˇ maˬ ehˇ jiˇ coeˇ ni jaˆ-eu ma. Daˇ kawˬ hawˇ-eu kʼaˬ lo deuˬ kʼawꞈ, ngaˇ lehˬ hmˬ taˬ-euˬ ma. Ehˇ kʼawꞈ, nawˇ paˇ ya poˆ lahˬ-a siˬ.

1 Laˬsaˬbaˬ 26:20

Aˬ yawꞈ maꞈ-euˬ tsawˇ jeuˬ pyeuꞈ-eu Leˬbiˇ tsawˇ haˬ nui deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ shuiˇ myawˬ gahˬ deuˬ hawˇ-eu, Miˬyehˇ-ahˇ damˬ nehˬ-euˬ jeˬ laˆ saˆ jeˬ hmˬ taˬ-eu aˇ lawˆ deuˬ-ahˇ ya haw piˇ-eu meh.

1 Laˬsaˬbaˬ 29:14

“Ehˇ kʼawꞈ, ngaˇ hawˇ-eu ngaˬ-euˬ tsawˇ haˬ deuˬ nawˬ-ahˇ biꞈ nehˬ-eu tiˬ jeˬ-iˬ maˬ jaˆ. Aˬ jeˬ miˇ neh ehˇ naˇ, yawˬ jeˬ na luꞈ nawˬ neh biꞈ laꞈ-euˬ tehꞈ-ehˇ pyeuꞈ-awˇ, nawˬ neh biꞈ laꞈ-euˬ jeˬ nawˬ-ahˇ paˇ biꞈ kʼoꞈ nehˬ-eu tehꞈ ma.

2 Laˬsaˬbaˬ 5:1

Uˬ duˬ tahˬ nymˇ nymˇ ma tsoˆ gaˇ taꞈ leˇ-eu gaˇ yawˬ jeˬ na luꞈ-ahˇ, sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ,uˬ duˬ tahˬ nymˇ nymˇ ma laꞈ kʼoeˇ jaˆ-eu myawˬ jeˬ hmˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

Doˆ-iˇ 35:5

Sahˬpaˬ Miˬyehˇ-ahˇ damˬ-awˬ. Sahˬpaˬ Miˬyehˇ-ahˇ kʼaˇ damˬ mawꞈ-eu tsawˇ haˬ deuˬ, shuiˇ maˬ ehˇ, pyuˇ maˬ ehˇ, guiˬ shuiˇ maˬ ehˇ,

Miˇkaˬ 4:13

Sahˬpaˬ Miˬyehˇ ehˇ-eu, “Yeˬluˇ=saˬlehˬ meuˬ-ahˇ jawˇ-eu tsawˇ haˬ deuˬ-oˇ, iˇ-awˇ naw maꞈ-ahˇ muiˇ-eu tsawˇ haˬ deuˬ-ahˇ kʼehˬ nehˬ-iˇ-awˬ. Shmˇ uˬ coeˇ tsoꞈ-awˇ guiˬ kuiˇ sehˬ tsoꞈ-eu mawˇ neˇ mawˇ gaw tiˬ mawˇ loꞈ-ehˇ, naw maꞈ gʼaˬ kʼaˆ ni ngaˇ jahˇ ma. Miˇ kʼahˬ gʼawˬ mya kʼahˬ-ahˇ naw maꞈ deh meuˇ-awˇ, aˬ yawꞈ maꞈ neh ceh za deuˆ za taˬ-euˬ pyuˇ shuiˇ myawˬ gahˬ deuˬ naw maꞈ yuˇ-awˇ, miˇ kʼahˬ dawˬ tawˆ luꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ ya a nehˬ laˇ meh.”

Yawˇshuˆ 6:19

Pyuˇ, shuiˇ, guiˬ shuiˇ hawˇ-eu shmˇ neh kʼaˇ jahˇ taˬ-euˬ jeˬ dawˬ tawˆ luꞈ, Sahˬpaˬ Miˬyehˇ gʼaˇ duˬ ya bi jaˆ meh. Kʼoeˇ deuˬ-ahˇ Sahˬpaˬ Miˬyehˇ-euˬ pyuˇ daˬ laꞈ kʼoeˇ ya dawˆ ahˇ meh.”

Yawˇshuˆ 6:24

Kʼoeˇ naˇ, meuˬ-ahˇ aˬ yawꞈ maꞈ miˬ dzaˬ keuˬ doꞈ-awˇ, meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ puiˆ byoˆ jiˇ-euˬ meh. Shuiˇ, pyuˇ, guiˬ shuiˇ hawˇ-eu shmˇ neh kʼaˇ jahˇ taˬ-euˬ mˇ myawˬ deuˬ tehꞈ-ehˇ aˬ yawꞈ maꞈ yuˇ-awˇ, Sahˬpaˬ Miˬyehˇ-euˬ pyuˇ daˬ laꞈ kʼoeˇ dawˆ ahˇ-euˬ meh.

1 Saˬmeuˬlaˆ 30:13

“Nawˬ-euˬ baw leˬ aˬ suˇ gʼaˬ pyeuꞈ-awˇ, nawˇ aˬ geu gaˇ iˇ-eu cah te” lehˇ, aˬ li kʼoeˇ li-ahˇ Daˬbiˇ naˇ haˬ ngeh, aˬ li kʼoeˇ li heu loꞈ-ehˇ ehˇ-eu meh. “Ngaˇ-aˬ, Iˇjiˇtuˆ tsawˇ jeuˬ pyeuꞈ-awˇ, Aˬmaˬlehˇ tsawˇ haˬ tiˬ gʼaˬ-euˬ zaˬ kʼaˆ pyeuꞈ-eu ma. Ngaˇ pyaˬ-eu miˇ neh ngaˬ-euˬ baw leˬ ngaˬ-ahˇ byehˇ dzeh nehˬ laꞈ-euˬ smˬ nah byah laˇ-euˬ meh.

1 Saˬmeuˬlaˆ 30:20

Yawˇ hawˇ-eu mawˇ neˇ dawˬ tawˆ luꞈ kʼawꞈ za kʼoꞈ-euˬ meh. Aˬ yawꞈ-euˬ tsawˇ haˬ deuˬ aˬ yawꞈ maꞈ-euˬ mehˬ hu jeˬ zaˬ kʼoeˇ deuˬ teh-awˇ, “Heu-aˬ, Daˬbiˇ neh deuˆ za-euˬ jeˬ zaˬ deuˬ meh” lehˇ ehˇ ehˇ-ehˇ cah-eu meh.