1 Laˬsaˬbaˬ 17:27 - Akha

²⁷ Ngaˬ-euˬ zaˬ ngaˬ-euˬ uˆ deuˬ, aˬ myah luꞈ nawˇ nui ma tsaˬ-eu tsawˇ haˬ deuˬ pyeuꞈ nya ni, aˬ yawꞈ maꞈ-ahˇ guiˬ lahˬ biꞈ nehˬ-awˬ lehˇ, nawˬ-ahˇ ngaˇ shaˇ-eu ma. Sahˬpaˬ Miˬyehˇ-oˇ, aˬ yawꞈ maꞈ-ahˇ nawˇ guiˬ lahˬ biꞈ nehˬ gʼaˬ-euˬ meh. Nawˬ-euˬ guiˬ lahˬ aˬ yawꞈ maꞈ kʼoeˇ taˆ mˬ maˬ maˬ byaˆ zaˇ ziˇ ziꞈ luꞈ-uˇ.”

1 Laˬsaˬbaˬ 17:27 ပူးပေါင်းရင်းမြစ်များ

Aˇ dahˬ 27:33

Kʼoeˇ ngeh, Iˇtsaˆ tsawˬ guˆ-iˇ-awˇ, yaw dzuˬ dzuˬ-eu laꞈ kʼoeˇ ehˇ-eu, “Toˆ-ehˇ maˇ-iˬ, uˬ soe shaˬ jiˇ sehꞈ-awˇ ngaˬ-ahˇ dzaˇ jahˇ ha laˇ-euˬ kʼoeˇ gʼaˬ aˬ suˇ gʼaˬ-a. Nymˬ-mˇ nawˇ uˇ laˇ ngeh, shaˬ jiˇ kʼoeˇ ngaˇ dzaˬ gʼaˬ-euˬ tiˬ dehˬ tehꞈ te siˬ. Aˬ yawꞈ-ahˇ ngaˇ dawˬ ngehˬ gʼeh nehˬ gʼaˬ dzeuˇ-euˬ ma. Aˬ yawꞈ-aˬ, mˬ maˬ maˬ byaˆ zaˇ ziˇ guiˬ lahˬ za-euˬ tsawˇ haˬ pyeuꞈ laˇ gʼaˬ-euˬ meh” lehˇ, Iˇsawˇ-ahˇ ehˇ nehˬ-euˬ meh.

1 Sahˬpaˬ 2:33

Aˬ yawꞈ nyaꞈ-ahˇ sehꞈ-euˬ iˬ baˇ-aˬ, Yoˇbaˬ hawˇ-eu aˬ yawꞈ-euˬ zaˬ deuˬ uˆ deuˬ kʼoeˇ taˆ aˬ myah luꞈ jaˆ tehꞈ-a. Ehˇ kʼawꞈ, Daˬbiˇ-euˬ nuiˇ mahˬ-ahˇ nuiˇ luꞈ-eu Daˬbiˇ-euˬ zaˬ deuˬ uˆ deuˬ-ahˇ, aˬ myah luꞈ Sahˬpaˬ Miˬyehˇ nui saˇ bi oꞈ tehꞈ-a.”

1 Sahˬpaˬ 2:45

Kʼoeˇ baˬ da neh, Sahˬpaˬ Miˬyehˇ nawˬ-ahˇ kʼehˬ tehꞈ-a. Ehˇ kʼawꞈ, aˬ yawꞈ ngaˬ-ahˇ guiˬ lahˬ biꞈ laꞈ-awˇ, Daˬbiˇ-euˬ miˇ kʼahˬ aˬ myah luꞈ ziꞈ tehꞈ-a.”

1 Laˬsaˬbaˬ 17:26

Sahˬpaˬ Miˬyehˇ-oˇ, nawˇ Miˬyehˇ pyeuꞈ-awˇ, zahˬ leˇ dui dui paˬ-ehˇ gʼeh-eu saˇ jaˇ heu ngaˬ nehˬ-ehˇ nawˇ dzaˬ-euˬ meh.

1 Laˬsaˬbaˬ 18:1

Aˇ yamˬ ui cuiˆ myahˇ laˇ ngeh jawˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ paˇ deuˆ-awˇ, deuˆ gʼaˬ-euˬ meh. Gaˬdaˇ meuˬ hawˇ-eu, meuˬ kʼoeˇ meuˬ-euˬ jawˬ jawˬ-ehˇ jaˆ-eu pu deuˬ-ahˇ, aˬ yawꞈ maꞈ-euˬ aˬ laꞈ laꞈ kʼoeˇ neh Daˬbiˇ paˇ deuˆ za kʼoꞈ geuꞈ-euˬ meh.

1 Laˬsaˬbaˬ 28:4

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-ahˇ aˬ myah luꞈ bi uˆ lahˇ-eu gʼaˇ duˬ, ngaˇ hawˇ-eu ngaˬ-euˬ zaˬ deuˬ uˆ deuˬ-ahˇ tseˇ doˆ-euˬ meh. Aˬ yuiꞈ geuꞈ-awˇ bi sheuˬ gʼeh-eu gʼaˇ duˬ, Yuˇdaˆ tsawˇ jeuˬ-ahˇ aˬ yawꞈ tseˇ doˆ-awˇ, Yuˇdaˆ tsawˇ jeuˬ laꞈ kʼoeˇ ngaˬ da-euˬ aˇ jeuˬ-ahˇ aˬ yawꞈ paˇ tseˇ doˆ-euˬ meh. Ngaˬ da-euˬ aˇ jeuˬ jeuˬ lah ni laꞈ kʼoeˇ ngaˬ-ahˇ tseˇ doˆ-awˇ, Iˇsaˬleˬlaˆ miˇ kʼahˬ tiˬ kʼahˬ kʼahˬ lah ni kʼoeˇ taˆ sahˬ paˬ bi geuꞈ-eu gʼaˇ duˬ, aˬ yawꞈ nui ma tsaˬ-eu meh.

Jaceuq 21:6

Nawˬ-euˬguiˬlahˬaˬyawꞈnehˬ-ehˇ, mˬmaˬmaˬbyaˆzaˇziˇjaˆ-awˇ, aˬyawꞈnehˬ-ehˇnawˇjawˇmiˇneh, aˬyawꞈlaˬkʼaˬcehˇ-eu byah meh.

Jaceuq 72:17

Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.

Bawˇtsahˬ 23:20

Dawˬ ngehˬ gʼeh nehˬ-awˬ lehˇ ngaˬ-ahˇ aˬ yawꞈ mehˬ-eu meh. Miˬyehˇ neh dawˬ ngehˬ gʼeh nehˬ-eu jeˬ-ahˇ, ngaˇ maˬ laˆ paˇ nya-a.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Dawˬmehˬ 15:6

Sahˬpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Tsawˇ jeuˬ gʼawˬ mya jeuˬ, naw maꞈ-ahˇ pyuˇ ya shaˇ paˇ laˇ tehꞈ-a. Ehˇ kʼawꞈ, aˬ cawˬ tsawˇ jeuˬ tiˬ jeuˬ-ahˇ-iˬ, naw maꞈ pyuˇ ya shaˇ paˇ-iˇ gaˇ maˬ keuˆ-aˇ. Tsawˇ jeuˬ gʼawˬ mya jeuˬ kʼoeˇ taˆ naw maꞈ ya uˆ lahˇ tehꞈ-a. Ehˇ kʼawꞈ, tsawˇ jeuˬ tiˬ jeuˬ-iˬ naw maꞈ kʼoeˇ taˆ maˬ ya uˆ lahˇ-aˇ.