1 Laˬsaˬbaˬ 17:21 - Akha

²¹ Aˬ cawˬ tsawˇ jeuˬ-euˬ zaˬ kʼaˆ ya geuꞈ luꞈ ngeh, nawˬ-euˬ tsawˇ jeuˬ bi pyeuꞈ laˇ-eu lehˇ, nawˬ neh ka kʼoꞈ nehˬ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ huiˬ dui dui-eu gaˇ deuˬ hawˇ-eu, zahˬ leˇ dui dui paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˇ tsawˇ myahˇ doˆ luꞈ meh. Nawˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh nawˇ ka kʼoꞈ doˆ nehˬ laꞈ-awˇ, nawˬ-euˬ tsawˇ jeuˬ le luꞈ-eu gaˇ ma tiˬ kahˇ mehˬ hu, aˬ cawˬ tsawˇ jeuˬ deuˬ-ahˇ nawˇ teh dzeh nehˬ-euˬ meh.

1 Laˬsaˬbaˬ 17:21 ပူးပေါင်းရင်းမြစ်များ

1 Laˬsaˬbaˬ 17:20

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ luꞈ ma.

1 Laˬsaˬbaˬ 17:22

Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ mˬ maˬ maˬ byaˆ zaˇ ziˇ nawˬ-euˬ tsawˇ jeuˬ bi pyeuꞈ laˇ-awˇ, nawˇ aˬ yawꞈ maꞈ-euˬ Miˬyehˇ pyeuꞈ laˇ-euˬ meh.

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

Jaceuq 107:2

Aˬ yawꞈ neh ka kʼoꞈ nehˬ-euˬ tsawˇ haˬ dawˬ tawˆ luꞈ-oˇ, Sahˬpaˬ Miˬyehˇ-ahˇ tiˬ poˆ saˇ-iˬ tiˬ poˆ ja ceuˬ-awˬ. Muiˇ-eu deuˬ aˬ laꞈ laꞈ kʼoeˇ, aˬ yawꞈ naw maꞈ-ahˇ ka kʼoꞈ-awˇ,

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 147:20

Aˬ cawˬ tsawˇ jeuˬ-ahˇ aˬ yawꞈ kʼoeˇ loꞈ-ehˇ maˬ jahˇ nehˬ-ehˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ siˬ nya-a. Sahˬpaˬ Miˬyehˇ-ahˇ ja ceuˬ-awˬ.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 77:15

Yaˬkoˆ hawˇ-eu Yoˇsehˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ baoˬ-ahˇ gʼoe-awˇ nawˇ ka kʼoꞈ nehˬ-euˬ meh.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Iˇsaˬyaˇ 48:9

“Ngaˬ-euˬ tsawˇ myahˇ baˬ da neh nui pehˇ ngaˇ dzahˬ tehˬ-awˇ, ngaˬ-ahˇ ja ceuˬ-eu jeˬ baˬ da neh ngaˇ oˇ oꞈ-awˇ, nawˬ-ahˇ maˬ laˆ cawˆ ni taˬ nehˬ-euˬ ma.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Iˇsaˬyaˇ 64:3

Aˇ hu nga maꞈ maˬ noeˬ maˬ duˇ-euˬ gaˇ, guˆ-eu gaˆ-eu jeˬ nawˇ mˇ ngeh, gawˬ jawˬ deuˬ guˆ-awˇ yaw dzuˬ dzuˬ-euˬ meh.

Yeˬlaˬmiˇ 32:21

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, nga maꞈ-ahˇ muiˇ-eu deuˬ-ahˇ nawˇ laˆ guˆ nehˬ-awˇ, nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ nehˬ-euˬ meh.

Dawˬmehˬ 15:15

Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ-euˬ zaˬ kʼaˆ ya geuꞈ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ pyehˬ nehˬ laꞈ-euˬ gaˇ noeˬ keuˆ-awˬ. Kʼoeˇ baˬ da neh, naw maꞈ-ahˇ ngaˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Dawˬmehˬ 4:7

“Aˇ naˆ ni huiˬ-eu tsawˇ jeuˬ maˬ kaˬ, aˬ yawꞈ maꞈ loˬ ngeh caw ba nehˬ nya-eu aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ loꞈ-ehˇ gʼeh-eu miˬ yehˇ maˬ jawˇ-a. Aˬ yawꞈ-ahˇ aˬ dui loˬ-awˇ kʼaˇ shaˇ ngeh, aˬ dui-euˬ shaˇ dawˬ naˇ haˬ nehˬ laꞈ-eu meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.