1 Laˬsaˬbaˬ 17:13 - Akha

¹³ Ngaˇ-aˬ, aˬ yawꞈ-euˬ aˬ da loꞈ-ehˇ pyeuꞈ-awˇ, aˬ yawꞈ-aˬ, ngaˬ-euˬ aˬ li-ahˇ duˇ tehꞈ-a. Nawˇ sahˬ paˬ bi pyeuꞈ laˇ-eu gʼaˇ duˬ, ngaˬ neh yuˇ dzeh-euˬ gʼaˬ pyeuꞈ-eu Sawˇluˆ-ahˇ caw ba luꞈ-eu ngaˬ-euˬ aˬ laꞈ ngaˇ cawˬ kʼoꞈ-euˬ loꞈ-ehˇ, aˬ yawꞈ-ahˇ caw ba-eu ngaˬ-euˬ aˬ laꞈ ngaˇ maˬ cawˬ kʼoꞈ.

1 Laˬsaˬbaˬ 17:13 ပူးပေါင်းရင်းမြစ်များ

1 Sahˬpaˬ 11:36

Ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ laꞈ kʼoeˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ aˬ myah luꞈ maˬ tsehˆ leˇ ni ya uˆ lahˇ-eu gʼaˇ duˬ, Sawˇlaˬmoˬ-euˬ aˬ li-ahˇ tsawˇ jeuˬ tiˬ jeuˬ ngaˇ biꞈ ma.

1 Laˬsaˬbaˬ 10:14

Sahˬpaˬ Miˬyehˇ-ahˇ aˬ yawꞈ mehˬ bawˬ maˬ mˇ taꞈ-a. Kʼoeˇ miˇ neh, Sahˬpaˬ Miˬyehˇ neh aˬ yawꞈ-ahˇ bi shiˇ-awˇ, Yeˬshehˇ-euˬ aˬ li Daˬbiˇ-ahˇ miˇ kʼahˬ kʼoeˇ kʼahˬ a nehˬ-euˬ meh.

1 Laˬsaˬbaˬ 17:12

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ laˇ-awˇ, aˬ yawꞈ-euˬ dzoeˬ dzaˬ ziꞈ ni ngaˇ jahˇ nehˬ ma.

1 Laˬsaˬbaˬ 17:14

Ngaˬ-euˬ tsawˇ jeuˬ hawˇ-eu ngaˬ-euˬ miˇ kʼahˬ kʼoeˇ taˆ, aˬ yawꞈ-ahˇ ngaˇ aˬ myah luꞈ bi uˆ lahˇ ma. Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ tehꞈ-a’ lehˇ ngaˇ ehˇ-eu meh lehˇ ehˇ nehˬ-awˬ.”

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Luˇkaꞈ 1:32

Aˬ yawꞈ huiˬ dui mahˇ dui dui-awˇ, huiˬ-eu mahˇ-eu Miˬyehˇ-euˬ Zaˬmaˇ lehˇ aˬ cawˬ kuˇ tehꞈ-a. SahˬpaˬMiˬyehˇ pyeuꞈ-eu Miˬyehˇ, aˬ yawꞈ-euˬ aˬ poeˬ Daˬbiˇ-euˬ dzoeˬ dzaˬ nuiˇ mahˬ aˬ yawꞈ-ahˇ biꞈ tehꞈ-a.

Luˇkaꞈ 9:35

Mˬ dmˇ laꞈ kʼoeˇ ehˇ doˆ laꞈ-eu, “Heu-aˬ, ngaˬ neh tseˇ doˆ-euˬ ngaˇ gaˬ dui dui-eu ngaˬ-euˬ Zaˬmaˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ.”

Yoˇhaˬ 3:35

Aˬda-aˬ, Zaˬmaˇ-ahˇ gaˬ-eu miˇ neh, yawˬ jeˬ na luꞈ aˬ yawꞈ-ahˇ a nehˬ jiˇ taˬ-euˬ meh.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”

HeˬByehˇ 1:5

“Nawˇ ngaˬ-euˬ Zaˬmaˇ ma. Iˬ nah ngaˇ nawˬ Da ma” lehˇ, mˬ taˆ gʼaˬ kʼehˇ tiˬ gʼaˬ-ahˇ-iˬ Miˬyehˇ maˬ ehˇ nehˬ haw-aˬ. “Ngaˇ aˬ yawꞈ-euˬ Aˬda pyeuꞈ-awˇ, aˬ yawꞈ ngaˬ-euˬ Zaˬmaˇ ma” lehˇ, mˬ taˆ gʼaˬ kʼehˇ tiˬ gʼaˬ na-euˬ gʼaˇ duˬ Miˬyehˇ neh ehˇ taˬ-euˬ maˬ jaˆ-a.

1 Saˬmeuˬlaˆ 15:28

Kʼoeˇ ngeh, Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Iˬ nah Iˇsaˬleˬlaˆ miˇ kʼahˬ-ahˇ, nawˬ-euˬ aˬ laꞈ laꞈ kʼoeˇ neh Sahˬpaˬ Miˬyehˇ gʼeu pyaˬ doˆ-awˇ, nawˇ naˆ maˬ tseˇ geuˇ-eu tsawˇ haˬ tiˬ gʼaˬ-ahˇ biꞈ nehˬ gʼaˬ-euˬ meh.