1 Laˬsaˬbaˬ 17:11 - Akha

¹¹ Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ li-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ baoˬ bi huiˬ laˇ ma.

1 Laˬsaˬbaˬ 17:11 ပူးပေါင်းရင်းမြစ်များ

Aˇ dahˬ 15:15

Nawˇ-aˬ, mawˬ-iˇ ngeh keuˆ ni saˇ lehˆ ni ya dehꞈ-awˇ, coꞈ ngehˇ ni ziˇ ya dehꞈ jiˇ-eu uˬ taꞈ, aˬ cawˬ nawˬ-ahˇ yaw muiˬ-ehˇ baꞈ pahˬ nehˬ laꞈ tehꞈ-a.

1 Sahˬpaˬ 1:21

Nawˇ tiˬ jeˬ-iˬ maˬ ehˇ ni jawˇ naˇ, nawˇ ziˇ dehꞈ jiˇ-eu nehˬ-ehˇ, nawˬ li Sawˇlaˬmoˬ nga nyaꞈ ma zaˬ-ahˇ, aˬ yawꞈ maꞈ-ahˇ puiˬ-eu tsawˇ haˬ lehˇ sawˇ nehˬ laꞈ-eu yaw duˬ baw tehꞈ-a.”

1 Sahˬpaˬ 2:10

Kʼoeˇ naˇ, Daˬbiˇ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh.

1 Sahˬpaˬ 8:19

Ehˇ kʼawꞈ, uˬ duˬ tahˬ nymˇ kʼoeˇ nawˇ maˬ ya tsoˆ-a. Nawˬ-euˬ aˬ li maˇ maˇ ni gʼeh-eu gʼaˬ, nawˬ-euˬ gʼaˇ duˬ uˬ duˬ tahˬ nymˇ kʼoeˇ nymˇ ya tsoˆ tehꞈ-a.’ lehˇ ehˇ nehˬ-euˬ meh.

1 Sahˬpaˬ 8:20

“Nymˬ-mˇ poˆ jawˇ, saˇ jaˇ dzaˬ taˬ-euˬ jaˆ-eu loꞈ-ehˇ Sahˬpaˬ Miˬyehˇ mˇ byah-euˬ meh. Ngaˬ da-euˬ dah zaˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma heu ngaˇ tsoˆ gʼaˬ-euˬ ma.

1 Laˬsaˬbaˬ 17:12

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ laˇ-awˇ, aˬ yawꞈ-euˬ dzoeˬ dzaˬ ziꞈ ni ngaˇ jahˇ nehˬ ma.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

1 Laˬsaˬbaˬ 29:28

Aˬ yawꞈ-aˬ, smˇ muiˬ muiˬ dui dui-eu sahˬ paˬ tiˬ gʼaˬ pyeuꞈ-awˇ, aˬ cawˬ yaw zeu baw-eu laꞈ kʼoeˇ, tsawˇ mawˬ dehꞈ mawꞈ leꞈ-awˇ ziˇ dehꞈ jiˇ-euˬ meh. Aˬ yawꞈ-euˬ aˬ li Sawˇlaˬmoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 6:9

Ehˇ kʼawꞈ, uˬ duˬ tahˬ nymˇ kʼoeˇ nawˇ maˬ ya tsoˆ-a. Nawˬ-euˬ aˬ li maˇ maˇ ni gʼeh-eu gʼaˬ, ngaˬ-euˬ gʼaˇ duˬ uˬ duˬ tahˬ nymˇ kʼoeˇ nymˇ tsoˆ tehꞈ-a’ lehˇ ehˇ nehˬ-euˬ meh.

Jaceuq 132:11

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.

Jaceuq 89:5

Sahˬ paˬ Miˬ yehˇ-oˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, mˬ kʼoeˇ taˆ caˇ-awˇ ja ceuˬ luꞈ meh. Nawˇ saˇ jaˇ ziꞈ-eu gaˇ kawˆ caˇ-awˇ ja ceuˬ luꞈ meh.

Yeˬlaˬmiˇ 33:17

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ saˇ jaˇ dzaˬ-eu ma. Daˬbiˇ-euˬ zaˬ deuˬ uˆ deuˬ laꞈ kʼoeˇ, Iˇsaˬleˬlaˆ miˇ kʼahˬ kʼoeˇ taˆ sahˬ paˬ geuꞈ-awˇ uˆ lahˇ-eu tsawˇ haˬ maˬ tsehˆ leˇ ni doˆ laˇ tehꞈ-a.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Gʼaˬkʼehˇ 2:29

“A yuiꞈ aˬ nyiˇ deuˬ-oˇ, tsawˇ myahˇ doˆ dui dui-eu aˬ dui-euˬ aˬ poeˬ sahˬ paˬ Daˬbiˇ gaˇ kawˆ, ngaˇ naw maꞈ-ahˇ kʼaˬ duˬ ni ehˇ nehˬ nyaˇ. Aˬ yawꞈ shiˇ-awˇ, aˬ yawꞈ-ahˇ baꞈ pahˬ-euˬ lmˬ bymˇ iˬ nah keuˆ ni aˬ dui maꞈ jawˇ gaˇ jaˆ luꞈ meh.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.