1 Laˬsaˬbaˬ 17:1 - Akha

¹ Nymˬ-mˇ poˆ jawˇ, sahˬ paˬ Daˬbiˇ-aˬ, aˬ yawꞈ-euˬ sahˬ paˬ hawˇ nymˇ laꞈ kʼoeˇ jawˇ luꞈ-eu meh. Tiˬ nah keuˆ laˇ ngeh, Miˬyehˇ gʼaˇ duˬ ngehˬ dah-eu Naˬdaˬ-ahˇ bi kuˇ laˬ-iˇ-awˇ, “Ngaˇ-aˬ, shuˬ liˇ daˇ kawˬ neh tsoˆ taˬ-euˬ muiˬ dui dui-eu nymˇ laꞈ kʼoeˇ jawˇ luꞈ ma. Ehˇ kʼawꞈ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ jaˆ luꞈ-a siˬ” lehˇ ehˇ nehˬ-euˬ meh.

1 Laˬsaˬbaˬ 17:1 ပူးပေါင်းရင်းမြစ်များ

2 Saˬmeuˬlaˆ 12:1

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ, Sahˬpaˬ Miˬyehˇ neh Daˬbiˇ jawˇ gaˇ pyehˬ gʼeh-euˬ meh. Daˬbiˇ jawˇ gaˇ Naˬdaˬ iˇ-awˇ ehˇ-eu, “Meuˬ tiˬ meuˬ laꞈ kʼoeˇ tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, smˇ muiˬ smˇ baw pyeuꞈ-awˇ, yawˬ gʼaˬ yawˬ-aˬ, iˇ shaˬ iˇ taw pyeuꞈ-eu meh.

2 Saˬmeuˬlaˆ 12:25

Aˬ li heu li-ahˇ Yeˬdiˇdiˬ lehˇ myahˇ nehˬ-awˬ lehˇ, Miˬyehˇ gʼaˇ duˬ ngehˬ dah-eu Naˬdaˬ-ahˇ Sahˬpaˬ Miˬyehˇ dawˬ biꞈ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Sahˬpaˬ Miˬyehˇ gaˬ-eu meh.

2 Saˬmeuˬlaˆ 6:17

Dawˬ ma saˇ jaˇ Bahˬ keuˆ kʼoeˇ aˬ yawꞈ maꞈ baꞈ ahˇ laꞈ-awˇ, Bahˬ keuˆ kʼoeˇ bi baꞈ taˬ-eu lehˇ Daˬbiˇ neh tsoˆ taˬ-euˬ sehˬ gʼawˆ-ahˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ Sahˬpaˬ Miˬyehˇ-ahˇ Daˬbiˇ lawˇ nehˬ-euˬ meh.

1 Sahˬpaˬ 1:23

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ laˇ keuˆ-euˬ gaˇ kawˆ sahˬ paˬ-ahˇ tsaꞈ gaˬ gʼaˬ ngeh, Naˬdaˬ uˇ leˇ-awˇ, sahˬ paˬ-euˬ mehˬ shi awˆ byaˆ-awˇ yaw zeu baw nehˬ-euˬ meh.

1 Sahˬpaˬ 1:44

Piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ-ahˇ aˬ yawꞈ pyehˬ gʼeh-awˇ, Sawˇlaˬmoˬ-ahˇ bi sheuˬ gʼeh-euˬ meh. Aˬ yawꞈ maꞈ neh Sawˇlaˬmoˬ-ahˇ sahˬ paˬ-euˬ mahˬ shaˆ lawˬ bi dziˬ-euˬ meh.

1 Sahˬpaˬ 1:8

Ehˇ kʼawꞈ, piˇ ma Zaˬdoˆ, Yeˬhawˇyaˬdaˬ-euˬ aˬ li Baˬnaˇyaˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Shiˇmiˇ, Yeˬiˇ aˬ ha maꞈ hawˇ-eu, Daˬbiˇ-ahˇ loꞈ piˇ-eu deuˬ-aˬ, Aˬdawˇniˇyaˆ jawˇ paw maˬ pyawˬ-a.

1 Sahˬpaˬ 8:17

“Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, uˬ duˬ tahˬ nymˇ tiˬ nymˇ tsoˆ ma lehˇ ngaˬ da Daˬbiˇ lehˬ hmˬ-euˬ meh.

1 Laˬsaˬbaˬ 14:1

Duˇlu sahˬ paˬ Hiˇlamˬ-aˬ, Daˬbiˇ jawˇ gaˇ jeˬ gaꞈ taꞈ-eu gʼaˇ duˬ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ siˬ daˬ miˬ shuˬ daˇ kawˬ deuˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ mˇ nya-eu tsawˇ haˬ deuˬ maˬ ehˇ, bi sheuˬ gʼeh-euˬ meh.

1 Laˬsaˬbaˬ 15:1

Daˬbiˇ-aˬ, aˬ yawꞈ jawˇ-eu gʼaˇ duˬ Daˬbiˇ-euˬ meuˬ lehˇ kuˇ-eu jawˇ duˬ-ahˇ, nymˇ gʼawˬ mya nymˇ tsoˆ-euˬ meh. Miˬyehˇ-euˬ Dawˬ ma saˇ jaˇ Bahˬ keuˆ bi jaˆ-eu gʼaˇ duˬ kʼawꞈ, jawˇ duˬ tiˬ tsahˇ aˬ yawꞈ laˆ saˆ-awˇ, sehˬ gʼawˆ tiˬ gʼawˆ gʼawˆ-euˬ meh.

1 Laˬsaˬbaˬ 16:1

Aˬ yawꞈ maꞈ Dawˬ ma saˇ jaˇ Bahˬ keuˆ kʼoeˇ baꞈ ahˇ laꞈ-awˇ, Daˬbiˇ neh gʼawˆ taˬ-euˬ sehˬ gʼawˆ laꞈ kʼoeˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ, Sahˬpaˬ Miˬyehˇ -ahˇ lawˇ nehˬ-euˬ meh.

1 Laˬsaˬbaˬ 17:2

“Nawˇ kʼaˇ noeˬ-euˬ loꞈ-ehˇ mˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ nehˬ-ehˇ jawˇ luꞈ meh” lehˇ Naˬdaˬ ehˇ kʼoꞈ nehˬ-euˬ meh.

1 Laˬsaˬbaˬ 17:5

Iˇsaˬleˬlaˆ tsawˇ jeuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh ngaˇ ka kʼoꞈ doˆ nehˬ laꞈ ngeh nah neh iˬ nah keuˆ ni, uˬ duˬ tahˬ nymˇ laꞈ kʼoeˇ ngaˇ maˬ ya jawˇ haw-aˬ siˬ. Sehˬ gʼawˆ laꞈ kʼoeˇ tehꞈ-ehˇ jawˇ jawˇ-ehˇ cah luꞈ-eu ma.

1 Laˬsaˬbaˬ 22:6

Aˬ yawꞈ-euˬ aˬ li Sawˇlaˬmoˬ-ahˇ bi kuˇ laˬ-iˇ-awˇ, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tiˬ nymˇ tsoˆ-awˬ” lehˇ dawˬ biꞈ-euˬ meh.

1 Laˬsaˬbaˬ 22:7

Sawˇlaˬmoˬ-ahˇ Daˬbiˇ heu loꞈ-ehˇ ehˇ nehˬ-euˬ meh. “Aˬ li-oˇ, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ mawꞈ-eu ma.

1 Laˬsaˬbaˬ 28:2

Daˬbiˇ aˬ yawꞈ maꞈ-euˬ mehˬ shi yawꞈ-awˇ heu loꞈ-ehˇ ehˇ-eu meh. “Ngaˬ-euˬ miˇ kʼahˬ zaˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ. Dawˬ ma saˇ jaˇ Bahˬ keuˆ-ahˇ tiˬ jawˇ-iˬ maˬ paˇ baꞈ jiˆ ni bi jaˆ-eu gʼaˇ duˬ hawˇ-eu, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ kuiˇ bi cawˬ taˬ-eu gʼaˇ duˬ, nymˇ tiˬ nymˇ ngaˇ tsoˆ mawꞈ-eu ma. Aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ-eu lehˇ ngaˇ lehˬ hmˬ taˬ-euˬ ma.

1 Laˬsaˬbaˬ 29:29

Sahˬ paˬ Daˬbiˇ yaw dehꞈ dehꞈ yaꞈ-euˬ gaˇ kawˆ, aˇ dahˬ beh gaˇ neh aˇ saˬ saˬ gaˇ keuˆ ni, Miˬyehˇ gʼaˇ duˬ ngehˬ dah-eu deuˬ pyeuꞈ-eu Saˬmeuˬlaˆ, Naˬdaˬ, Gaˆ aˬ ha smˇ gʼaˬ-euˬ sahˬ boꞈ deuˬ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 1:4

Ehˇ kʼawꞈ, Dawˬ ma saˇ jaˇ Bahˬ keuˆ hmˬ-aˬ, Yeˬluˇsaˬlehˬ meuˬ laꞈ kʼoeˇ jaˆ-eu meh. Dawˬ ma saˇ jaˇ Bahˬ keuˆ kʼoeˇ sahˬ paˬ Daˬbiˇ neh Giˇliˇyaˆyeˬlmˬ-ahˇ neh baꞈ kʼoꞈ laꞈ-awˇ, sehˬ gʼawˆ gʼawˆ-awˇ baꞈ ahˇ taˬ-euˬ gaˇ jaˆ luꞈ-eu meh.

Jaceuq 132:5

Sahˬpaˬ Miˬyehˇ gʼaˇ duˬ jawˇ zaˇ shaˇ-awˇ, Yaˬkoˆ-euˬ Baoˬ huiˬ-eu Miˬyehˇ gʼaˇ duˬ nymˇ maˬ tsoˆ doˆ kʼoeˇ keuˆ ni, ngaˇ coˬ lah-awˇ gʼaˬ naˬ maˬ naˬ.

Doˆ-iˇ 26:1

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Daˬyeˬlaˇ 4:4

“Ngaˇ-aˬ, ngaˬ-euˬ nymˇ pyeuꞈ-eu sahˬ paˬ-euˬ hawˇ nymˇ-ahˇ saˇ lehˆ ni jawˇ-awˇ, pyuˇ shuiˇ myawˬ gahˬ maˬ ehˇ jiˇ coeˇ ni jaˆ-eu ma.

Haˬgaiˇ 1:4

“Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ luꞈ ngeh, naw maꞈ nymˇ muiˬ tsoˆ-awˇ ya jawˇ ta loˇ.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

Gʼaˬkʼehˇ 7:46

Daˬbiˇ-aˬ, Miˬyehˇ nui ma tsaˬ-eu tsawˇ haˬ tiˬ gʼaˬ pyeuꞈ-awˇ, Yaˬkoˆ-euˬ Miˬyehˇ bi jawˇ-eu gʼaˇ duˬ aˬ yawꞈ jawˇ duˬ tiˬ tsahˇ tsoˆ-eu aˬ kawˬ-aˬ biꞈ laꞈ lehˇ, Miˬyehˇ-ahˇ shaˇ-euˬ meh.