1 Laˬsaˬbaˬ 16:4 - Akha

⁴ Dawˬ ma saˇ jaˇ Bahˬ keuˆ mehˬ shi caˇ dawˬ caˇ-awˇ ja ceuˬ-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ gaˇ sheuˬ gʼeh-eu gʼaˇ duˬ, Leˬbiˇ tsawˇ haˬ tiˬ paˆ na deuˬ-ahˇ Daˬbiˇ gaˇ biꞈ nehˬ-euˬ meh.

1 Laˬsaˬbaˬ 16:4 ပူးပေါင်းရင်းမြစ်များ

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

1 Sahˬpaˬ 8:15

Aˬ yawꞈ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Ngaˬ da Daˬbiˇ nehˬ-ehˇ saˇ jaˇ dzaˬ taˬ-euˬ dawˬ-ahˇ aˬ yawꞈ ziꞈ-eu meh. Daˬbiˇ-ahˇ aˬ yawꞈ neh heu loꞈ-ehˇ ehˇ taˬ-euˬ jaˆ-eu meh.

1 Laˬsaˬbaˬ 15:16

“Leˬbiˇ tsawˇ haˬ gʼawˬ mya ni, deuˇ-mˬ diˬ, cehˇ lehˇ ciˆ-awˇ, laˬ kʼaˬ tiˬ cehˇ caˇ dawˬ bi caˇ-awˬ” lehˇ, aˬ yuiꞈ aˬ tsu kʼoeˇ deuˬ-ahˇ Daˬbiˇ dawˬ biꞈ-euˬ meh.

1 Laˬsaˬbaˬ 16:3

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ, aˬ yawꞈ dzaˬ dzaˬ dawˇ dawˇ biˇ nehˬ-euˬ meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu kʼaˬ dzeˇ zaˬ zaˬ miˬ zaˬ yawˬ gʼaˬ na luꞈ-ahˇ, kaˬ muˇ tiˬ siˬ, tehˬ ba jaꞈ-euˬ shaˬ jiˇ tiˬ jehꞈ hawˇ-eu, lawꞈ koˆ taˬ-euˬ aˬ gaꞈ aˇ siˬ ui cuiˆ aˬ yawꞈ biꞈ nehˬ-euˬ meh.

1 Laˬsaˬbaˬ 16:5

Aˬsaˆ-ahˇ aˬ yuiꞈ bi geuꞈ-awˇ, Zaˬkaˬliˇ bi caw ba-euˬ meh. Yeˬyeˬlaˇ, Sheˬmiˇlaˬmoˇ, Yeˬheˬlaˇ, Maˬtiˇdiˇ, Eˇliˇbaˆ, Baˬnaˇyaˬ, Awˇbehˆeˬdoˬ, Yeˬyeˬlaˇ aˬ ha maꞈ-ahˇ deuˇ-mˬ bi diˬ-euˬ meh. Aˬsaˆ gʼaˬ-aˬ cehˇ lehˇ ciˆ-euˬ meh.

1 Laˬsaˬbaˬ 16:8

Sahˬpaˬ Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ kaˇ-euˇ. Aˬ yawꞈ huiˬ dui mahˇ dui dui gaˇ, aˬ dui ciˬ huiˬ ciˬ mahˇ kaˇ-euˇ. Yawꞈ neh mˇ-euˬ gaˇ deuˬ gaˇ kawˆ , tsawˇ jeuˬ dawˬ tawˆ-ahˇ dzawˇ nehˬ yawˬ.

1 Laˬsaˬbaˬ 24:3

Daˬbiˇ-aˬ, Aˬloˬ-euˬ zaˬ deuˬ uˆ deuˬ-ahˇ aˇ muˇ biˇ paˆ nehˬ-awˇ, yawˬ ha-euˬ gaˇ yawˬ ha bi baw-euˬ meh. Aˬ yawꞈ kʼoeˇ loꞈ-ehˇ aˇ muˇ biˇ paˆ nehˬ ngeh, Eˇlaˬzaˬ aˇ jeuˬ pyeuꞈ-eu Zaˬdoˆ hawˇ-eu Iˇdaˬmaˬ aˇ jeuˬ pyeuꞈ-eu Aˬhiˇmaˬlehˇ aˬ nyaꞈ aˬ yawꞈ-ahˇ caw ba-euˬ meh.

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

1 Laˬsaˬbaˬ 6:31

Heu-aˬ, Yeˬluˇsaˬlehˬ meuˬ laꞈ kʼoeˇ jaˆ-eu uˬ duˬ tahˬ-eu jawˇ duˬ-ahˇ Dawˬ ma saˇ jaˇ Bahˬ keuˆ hehˇ keuˆ laꞈ gʼaˬ ngeh, kʼoeˇ gaˇ caˇ dawˬ bi caˇ-eu gʼaˇ duˬ, sahˬ paˬ Daˬbiˇ neh gaˇ biꞈ taˬ-euˬ tsawˇ haˬ deuˬ pyeuꞈ-eu meh.

2 Laˬsaˬbaˬ 5:13

Daˇ heh teˇ saˇ hawˇ-eu caˇ dawˬ caˇ-eu deuˬ-euˬ teˇ saˇ tiˬ teˇ tehꞈ-ehˇ gawꞈ leˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Daˇ heh teˇ saˇ, cehˇ lehˇ ciˆ-eu teˇ saˇ hawˇ-eu, teˇ saˇ gʼawˬ mya jeˬ laˆ mahˇ-eu nehˬ-ehˇ aˬ yawꞈ maꞈ yaw kʼaˆ-ehˇ guˇ kʼaˆ laˇ-awˇ, Sahˬpaˬ Miˬyehˇ-ahˇ heu loꞈ-ehˇ caˇ-awˇ ja ceuˬ-euˬ meh. “Aˬ yawꞈ muiˬ dui dui-awˇ, Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ ziꞈ-eu miˇ neh, Sahˬpaˬ Miˬyehˇ-ahˇ ja ceuˬ-awˬ.” Kʼoeˇ naˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ juˬ kʼoeˬ tmˬ byah-euˬ meh.

Eˇzaˬlaˬ 3:10

Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh ngeh jawˇ, pehˇ kʼahˬ pehˇ mahˇ dm taˬ-euˬ piˇ ma deuˬ aˬ laꞈ-ahˇ daˇ heh tuˆ tehˬ-awˇ jawˇ duˬ yuˇ-euˬ meh. Aˬsaˆ aˇ jeuˬ pyeuꞈ-eu Leˬbiˇ tsawˇ haˬ deuˬ kʼawꞈ, cehˇ lehˇ yuˇ-awˇ kʼoeˇ gaˇ yawꞈ-euˬ meh. Sahˬ paˬ Daˬbiˇ-euˬ ziˇ-ahˇ neh mehˬ ka leꞈ-euˬ Sahˬpaˬ Miˬyehˇ-ahˇ ja ceuˬ-eu caˇ dawˬ aˬ yawꞈ maꞈ caˇ-euˬ meh.

Neˬhaˬmiˇ 12:24

Haˬshaˬbiˇ, Sheˬleˬbiˇ, Yeˬshah, Biˇnuiˇ hawˇ-eu Kaˬdaˬmeˬlaˇ aˬ ha maꞈ neh mehˬ nehˬ tsoˆ nehˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ aˇ muˇ biˇ-euˬ meh. Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh mehˬ taˬ tsoˆ taˬ yaꞈ-euˬ loꞈ-ehˇ, tiˬ yamˬ laꞈ kʼoeˇ nyiˬ muˇ, tiˬ muˇ tiˬ poˆ caˇ caˇ-ehˇ Miˬyehˇ-ahˇ ja ceuˬ-euˬ meh.

Jaceuq 103:2

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya dui dui gaˇ taˬ ngehˇ.

Jaceuq 105:5

Aˬ yawꞈ-euˬ zaˬ kʼaˆ Aˬbyaˬhaˬ-euˬ zaˬ deuˬ uˆ deuˬ-oˇ, aˬ yawꞈ neh tseˇ doˆ-euˬ Yaˬkoˆ-euˬ zaˬ deuˬ uˆ deuˬ-oˇ, Miˬyehˇ neh mˇ-euˬ kʼaˆ jeˬ-ehˇ gʼeh-eu gaˇ deuˬ hawˇ-eu, aˬ yawꞈ neh yaˇ kʼaˬ daˇ-euˬ gaˇ kawˆ deuˬ-ahˇ, maˬ ngehˇ ni noeˬ keuˆ-awˬ.

Jaceuq 106:48

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Nymˬ-mˇ hawˇ-eu mˬ maˬ maˬ byaˆ zaˇ ziˇ ja ceuˬ-awˬ. Tsawˇ haˬ yawˬ gʼaˬ na luꞈ “Aˬ miˬ” lehˇ ehˇ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 37:1

Yaw haiˬdeuˬneh mˇ-euˬgaˇ-ahˇ, nawˬ-euˬnui ma shaˬzahˬtaˬmˇ. Yaw lehˬmˇgaˇnawˇmyaˆtaˬnaˆ.

Jaceuq 70:1

Miˬyehˇ-oˇ, ngaˬ-ahˇ ka kʼoꞈ nehˬ laꞈ-awˬ. Sahˬpaˬ Miˬyehˇ-oˇ, yaw kawˇ-ehˇ caw ba le-awˬ.

Jaceuq 72:18

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ tehꞈ-ehˇ zahˬ leˇ paˬ-ehˇ gʼeh-eu gaˇ heu deuˬ mˇ-eu meh.