1 Laˬsaˬbaˬ 16:32 - Akha

³² Laˆ shaˆ hawˇ-eu laˆ shaˆ zaˬ deuˬ dawˬ tawˆ luꞈ yaw kʼaˆ-ehˇ guˇ yawˬ. Miˇ maˬ hawˇ-eu miˇ ma zaˬ deuˬ dawˬ tawˆ luꞈ laˬ kʼaˬ caw cehˇ yawˬ.

1 Laˬsaˬbaˬ 16:32 ပူးပေါင်းရင်းမြစ်များ

1 Laˬsaˬbaˬ 16:33

Miˇ tsaˬ-ahˇ yawꞈ uˆ lahˇ le ngeh, sahˬ lahˬ aˇ bawˇ dawˬ tawˆ luꞈ kʼawꞈ, Sahˬpaˬ Miˬyehˇ jawˇ-eu mehˬ shi, laˬ kʼaˬ cehˇ-awˇ guˇ laˇ tehꞈ-a.

Jaceuq 69:35

Yeˬluˇsaˬlehˬ meuˬ-ahˇ aˬ yawꞈ maꞈ ka kʼoꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ aˬ yawꞈ tsoˆ muiˬ tehꞈ-a. Aˬ yawꞈ-euˬ tsawˇ haˬ deuˬ kʼoeˇ gaˇ ya jawˇ-awˇ, miˇ kʼahˬ kʼoeˇ aˬ yawꞈ maꞈ-ahˇ oꞈ tehꞈ-a.

Jaceuq 93:4

Sahˬpaˬ Miˬyehˇ mˬ kʼoeˇ taˆ jawˇ-awˇ dawˬ tawˆ kʼoeˇ taˆ huiˬ dzehˬ-eu meh. Iˬ ma laˆ shaˆ teˇ saˇ naˆ maˬ tseˇ huiˬ dzehˬ-awˇ, laˆ shaˆ iˇ luˆ dzeh-eu naˆ maˬ tseˇ baoˬ huiˬ dzehˬ-eu meh.

Jaceuq 96:11

Mˬ hawˇ-eu miˇ tsaˬ laˬ kʼaˬ cehˇ-awˬ. Iˬ ma laˆ shaˆ hawˇ-eu kʼoeˇ gaˇ kʼaˇ uˇ-eu yawˬ jeˬ na luꞈ, teˇ saˇ mahˇ doˆ laˇ-awˬ.

Iˇsaˬyaˇ 42:10

Sahˬpaˬ Miˬyehˇ-ahˇ caˇ dawˬ yaw shuiꞈ caˇ-awˇ ja ceuˬ-awˬ. Miˇ tsaˬ dawˬ tawˆ aˬ yawꞈ-ahˇ caˇ-awˇ ja ceuˬ-awˬ. Iˬ ma laˆ shaˆ kʼoeˇ taˆ cah-eu tsawˇ haˬ dawˬ tawˆ, laˆ shaˆ laꞈ kʼoeˇ kʼaˇ uˇ-eu jeˬ dawˬ tawˆ, aˬ yawꞈ-ahˇ ja ceuˬ-awˬ. Gaˇ mahˇ-ahˇ jaˆ-eu miˇ kʼahˬ deuˬ hawˇ-eu, kʼoeˇ gaˇ kʼaˇ jawˇ kʼaˇ deuˬ aˬ yawꞈ-ahˇ ja ceuˬ-awˬ.

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.