1 Laˬsaˬbaˬ 16:3 - Akha

³ Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ, aˬ yawꞈ dzaˬ dzaˬ dawˇ dawˇ biˇ nehˬ-euˬ meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu kʼaˬ dzeˇ zaˬ zaˬ miˬ zaˬ yawˬ gʼaˬ na luꞈ-ahˇ, kaˬ muˇ tiˬ siˬ, tehˬ ba jaꞈ-euˬ shaˬ jiˇ tiˬ jehꞈ hawˇ-eu, lawꞈ koˆ taˬ-euˬ aˬ gaꞈ aˇ siˬ ui cuiˆ aˬ yawꞈ biꞈ nehˬ-euˬ meh.

1 Laˬsaˬbaˬ 16:3 ပူးပေါင်းရင်းမြစ်များ

1 Sahˬpaˬ 3:15

Sawˇlaˬmoˬ uˬ noeˬ noeˬ laˇ ngeh, yuꞈ maˆ maˆ-eu laꞈ kʼoeˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ kawˆ siˬ duˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ iˇ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi yawꞈ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-euˬ lawˇ-eu jeˬ, Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ gʼaˇ duˬ, aˬ yawꞈ bawˬ-iˬ gʼeh nehˬ-euˬ meh.

1 Laˬsaˬbaˬ 16:2

Daˬbiˇ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ aˬ yawꞈ dawˬ ngehˬ gʼeh nehˬ-euˬ meh.

1 Laˬsaˬbaˬ 16:4

Dawˬ ma saˇ jaˇ Bahˬ keuˆ mehˬ shi caˇ dawˬ caˇ-awˇ ja ceuˬ-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ gaˇ sheuˬ gʼeh-eu gʼaˇ duˬ, Leˬbiˇ tsawˇ haˬ tiˬ paˆ na deuˬ-ahˇ Daˬbiˇ gaˇ biꞈ nehˬ-euˬ meh.

2 Laˬsaˬbaˬ 30:24

Tsawˇ haˬ aˇ maꞈ deuˬ bi dzaˬ-eu gʼaˇ duˬ, mawˇ neˇ tiˬ heˇ mawˇ hawˇ-eu yawˇ shiꞈ heˇ mawˇ sahˬ paˬ Heˬsaˬgiˇ damˬ nehˬ-euˬ meh. Yaw huiˬ yaw mahˇ deuˬ kʼawꞈ, mawˇ neˇ tiˬ heˇ mawˇ hawˇ-eu yawˇ tiˬ muiˇ mawˇ paˇ damˬ nehˬ-euˬ meh. Piˇ ma gʼawˬ mya ni gʼawˇ mawˇ shawˇ-eu zahˇ jahˇ-euˬ meh.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Dawˬ caˇ 2:5

Ngaˇ gaˬ-eu baˬ da neh, gʼaˬ gaˬ jiˇ-euˬ nya. Gʼaˬ kʼoꞈ laˇ ni aˬ gaꞈ aˇ siˬ yaw koˆ bi dzaˬ laꞈ-awˬ. Siˬ poeˬ tsaꞈ aˇ siˬ bi dzaˬ beuˇ nehˬ laꞈ-awˬ.

Iˇsaˬyaˇ 16:7

Kʼoeˇ miˇ neh Mawˇbaˆ tsawˇ haˬ deuˬ tsawˇ ngoeˇ ya ngoeˇ tehꞈ-a. Mawˇbaˆ miˇ kʼahˬ gʼaˇ duˬ ga uiˬ-awˇ ngoeˇ tehꞈ-a. Kiˇlaˆheˬyehˆ meuˬ-ahˇ jawˇ ngeh dzaˬ-euˬ, kuiˇ dui dui-eu aˬ gaꞈ kaˬ muˇ-ahˇ noeˬ mawˇ-awˇ, ya ngoeˇ sehꞈ leꞈ tehꞈ-a.

Yeˬsaˬgeˬlaˇ 45:17

La shuiꞈ lah-eu bawˬ-iˬ gʼeh gaˇ maˬ ehˇ, jawˇ nah lah gaˇ maˬ ehˇ, bawˬ-iˬ nui deuˬ jahˇ gaˇ maˬ ehˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ jeˬ zaˬ, dzaˬ la gʼo cehˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ heu deuˬ, Iˇsaˬleˬlaˆ miˇ kʼahˬ kʼahˬ lah ni-ahˇ biˇ nehˬ-eu gʼaˇ duˬ, aˬ yawꞈ-ahˇ doˇ-eu meh. Iˇsaˬleˬlaˆ tsawˇ haˬ deuˬ iˬ baˇ shawˇ laˇ ni ya lawˇ-eu, iˬ baˇ shawˇ-eu lawˇ-eu jeˬ, dzaˬ la gʼo cehˇ lawˇ-eu jeˬ, mawˇ lah-ehˇ dzah puiˆ-awˇ lawˇ-eu jeˬ, cawˬ cawˬ taꞈ-eu lawˇ-eu jeˬ heu deuˬ, aˬ yawꞈ ya biꞈ nehˬ-eu meh.

Hawˇseˬ 3:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nawˇ tiˬ poˆ paˇ iˇ-awˇ, zaˬ kʼaˬ tiˬ gʼaˬ nehˬ-ehˇ yuꞈ luꞈ-eu zaˬ miˬ zaˬ tiˬ gʼaˬ-ahˇ paˇ gaˬ-iˇ-awˬ. Iˇsaˬleˬlaˆ tsawˇ haˬ deuˬ miˬ yehˇ nui deuˬ mehˬ nah caw teh gʼeh-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ pyeuꞈ-eu aˬ gaꞈ aˇ siˬ aˇ yaˆ-ahˇ nui kʼahˇ jaˆ kʼawꞈ, aˬ yawꞈ maꞈ-ahˇ ngaˇ gaˬ-eu loꞈ-ehˇ, zaˬ miˬ zaˬ kʼoeˇ gʼaˬ-ahˇ nawˇ ya gaˬ meh.”

1 Beˬtuˆluˆ 4:9

Tiˬ gʼaˬ tiˇ gʼaˬ iˇ kahˇ-ahˇ ha ahˇ-awˬ. Dawˬ gʼoꞈ maˬ doˆ ni ha ahˇ-awˬ.