1 Laˬsaˬbaˬ 16:27 - Akha

²⁷ Huiˬ-eu yaw shehꞈ kʼahˬ sehˇ dawˬ tawˆ, yawꞈ-euˬ dawˬ peh tiˬ jawˬ jaˆ-awˇ, yawꞈ-euˬ Uˬ duˬ tahˬ nymˇ nymˇ ma, baoˬ, laˬ kʼaˬ cehˇ-eu jeˬ byah meh.

1 Laˬsaˬbaˬ 16:27 ပူးပေါင်းရင်းမြစ်များ

1 Laˬsaˬbaˬ 16:26

Aˬ cawˬ tsawˇ jeuˬ-euˬ miˬ yehˇ deuˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui Sahˬpaˬ Miˬyehˇ, mˬ beh beh-euˬ mˬ sahˇ gʼaˬ meh.

1 Laˬsaˬbaˬ 16:28

Miˇ tsaˬ tsawˇ haˬ zaˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ yawˬ. Yawꞈ-euˬ yaw shehꞈ kʼahˬ sehˇ baoˬ-ahˇ, dawˬ tawˆ luꞈ tuˇ-awˇ ja ceuˬ yawˬ.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 8:1

SahˬpaˬMiˬyehˇ-oˇ, Nga maꞈ-euˬSahˬpaˬ Miˬyehˇ-oˇ. miˇtsaˬheu dawˬtawˆluꞈkʼoeˇtaˆ, nawˬ-euˬtsawˇmyahˇ aˇnaˆmuiˬnga. Nawˬ-ahˇciˬhuiˬciˬmahˇ-eu dawˬ, mˬ-ahˇgaˬkeuˆleˇngeh keuˆni,

Jaceuq 96:6

Baoˬ yaw shehꞈ kʼahˬ sehˇ aˬ yawꞈ-euˬ tiˬ jawˬ jaˆ-awˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, baoˬ hawˇ-eu haw muiˬ-eu jeˬ byah luꞈ-eu meh.

Yeˬsaˬgeˬlaˇ 1:27

Tsawˇ haˬ-ahˇ duˇ-eu kʼoeˇ gʼaˬ miˬ dzaˬ gʼahˇ ceh guiˬ shuiˇ loꞈ-ehˇ guiˇ nyiˬ ni jaˆ-awˇ, dawˬ tawˆ luꞈ kʼoeˇ taˆ yaw shehꞈ bya-eu meh.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.