1 Laˬsaˬbaˬ 16:25 - Akha

²⁵ Sahˬpaˬ Miˬyehˇ huiˬ gaˇ mahˇ gaˇ, ja ceuˬ dui dui paˬ-ehˇ gʼeh meh. Miˬyehˇ dawˬ tawˆ luꞈ naˆ maˬ tseˇ, yawꞈ-ahˇ taˬ huiˬ nehˬ-eu tsaˬ meh.

1 Laˬsaˬbaˬ 16:25 ပူးပေါင်းရင်းမြစ်များ

1 Laˬsaˬbaˬ 16:24

Yawꞈ-euˬ yaw shehꞈ kʼahˬ sehˇ huiˬ-eu, tsawˇ jeuˬ dawˬ tawˆ-ahˇ dzawˇ nehˬ-awˇ, Yawꞈ neh mˇ-euˬ huiˬ-eu gaˇ deuˬ, tsawˇ haˬ dawˬ tawˆ-ahˇ ja mehˬ yawˬ.

2 Laˬsaˬbaˬ 2:5

Huiˬ dui dui-eu uˬ duˬ tahˬ nymˇ nymˇ ma tiˬ nymˇ tsoˆ ma lehˇ ngaˇ lehˬ hmˬ taˬ-euˬ ma. Aˬ jeˬ miˇ neh ehˇ naˇ, nga maꞈ-euˬ Miˬyehˇ-aˬ, miˬyehˇ dawˬ tawˆ luꞈ naˆ maˬ tseˇ huiˬ-eu mahˇ-eu meh.

Jaceuq 145:3

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Aˬ yawꞈ huiˬ dui mahˇ dui dui-eu gaˇ kawˆ, aˬ dui maˬ noeˬ miˇ coeˇ-a.

Jaceuq 48:1

Sahˬpaˬ Miˬyehˇ-aˬ, huiˬ dui mahˇ dui dui-eu meh. Miˬyehˇ-euˬ meuˬ laꞈ kʼoeˇ, aˬ yawꞈ-euˬ muiˬ-eu shawˇ-eu gawˬ jawˬ kʼoeˇ taˆ, aˬ yawꞈ-ahˇ ja ceuˬ dui dui paˬ-ehˇ gʼeh-eu meh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Jaceuq 76:8

Nawˇ mˬ kʼoeˇ taˆ neh yaˇ kʼaˬ daˇ-awˇ, miˇ tsaˬ zaˬ dawˬ tawˆ luꞈ guˆ-awˇ ciˬ cuˇ ni jawˇ-eu meh.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.