1 Laˬsaˬbaˬ 16:22 - Akha

²² “Ngaˇ tseˇ doˆ-euˬ zaˬ kʼaˆ deuˬ-ahˇ naw maꞈ tiˬ gʼaˬ-iˬ taˬ laˆ ciˆ. Ngaˬ-euˬ dawˬ ngehˬ dah-eu deuˬ-ahˇ, tiˬ gʼaˬ-iˬ taˬ laˆ ciˆ leˇ” lehˇ, Miˬyehˇ neh ehˇ tsehˆ taˬ-euˬ meh.

1 Laˬsaˬbaˬ 16:22 ပူးပေါင်းရင်းမြစ်များ

Aˇ dahˬ 20:7

Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”

1 Sahˬpaˬ 19:16

Nmˇshiˇ-euˬ aˬ li Yeˬhuˇ-ahˇ tsiˇ lehꞈ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-awˬ. Nawˬ-euˬ dah zaˇ Miˬyehˇ gʼaˇ duˬ ngehˬ dah-eu gʼaˬ bi geuꞈ daˆ leꞈ-eu gʼaˇ duˬ, Aˬbeˬlaˆmeˬhawˇlahˬ meuˬ-ahˇ jawˇ-eu Shaˬpaˇ-euˬ aˬ li Eˇliˇshehˇ-ahˇ tsiˇ lehꞈ nehˬ-awˬ.

1 Laˬsaˬbaˬ 16:23

Miˇ tsaˬ tsawˇ haˬ dawˬ tawˆ caˇ-awˇ, Sahˬpaˬ Miˬyehˇ-ahˇ ja ceuˬ yawˬ. Ka kʼoꞈ nehˬ laꞈ-euˬ guiˬ lahˬ dawˬ, yawˬ nah yawˬ na luꞈ dzawˇ gaˬ yawˬ.

Jaceuq 105:15

“Ngaˬ neh tseˇ doˆ-euˬ ngaˬ-euˬ zaˬ kʼaˆ deuˬ-ahˇ taˬ laˆ coeˬ. Ngaˬ-euˬ gʼaˇ duˬ ngehˬ dah-eu deuˬ-ahˇ taˬ laˆ ciˆ” lehˇ, aˬ yawꞈ dawˬ biꞈ-euˬ meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.