1 Laˬsaˬbaˬ 16:21 - Akha

²¹ Aˬ cawˬ yehˬ bawˬ-ehˇ maˬ gʼeh-ehˇ, sahˬ paˬ deuˬ neh maˬ bi kʼehˬ ni, Miˬyehˇ neh laˆ tsoeˬ taˬ-euˬ meh.

1 Laˬsaˬbaˬ 16:21 ပူးပေါင်းရင်းမြစ်များ

Aˇ dahˬ 12:17

Ehˇ kʼawꞈ, sahˬ paˬ kʼoeˇ gʼaˬ Saˬlehˇ-ahˇ sheuˬ-euˬ miˇ neh, aˬ yawꞈ kʼoeˇ taˆ maˬ ehˇ, aˬ yawꞈ-euˬ nymˇ laꞈ kʼoeˇ jawˇ-eu tsawˇ haˬ deuˬ kʼoeˇ taˆ maˬ ehˇ, Sahˬpaˬ Miˬyehˇ neh naˇ gawˇ gawˇ ma bi keuˆ le-euˬ meh.

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 31:29

Nymˬ-mˇ poˆ jawˇ-aˬ, ngaˇ nawˬ-ahˇ yehˬ bawˬ-ehˇ jahˇ nehˬ mawꞈ law nmˇ-aˬ, jahˇ nya ma. Ehˇ kʼawꞈ, ‘Tiˬ jeˬ gʼeh-awˇ neh-iˬ nawˬ-ahˇ taˬ laˆ guˆ nehˬ’ lehˇ, nawˬ da-euˬ Miˬyehˇ miˇ ciꞈ ngaˬ-ahˇ ehˇ le-euˬ meh.

Aˇ dahˬ 31:42

Nymˬ-mˇ kʼawꞈ ni, ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ-euˬ Miˬyehˇ ngaˬ nehˬ-ehˇ maˬ jawˇ law nmˇ-aˬ, nawˇ ngaˬ-ahˇ tiˬ jeˬ-iˬ maˬ bi yuˇ ni, yawꞈ ngehꞈ-ehˇ bi gʼoꞈ-iˇ laꞈ-eu yaw duˬ baw tehꞈ-a. Ehˇ kʼawꞈ, ngaˬ neh mˇ-euˬ gaˇ hawˇ-eu, ngaˇ ya daˬ-eu shaˬ zahˬ-ahˇ Miˬyehˇ mawˇ-euˬ miˇ neh, miˇ ciꞈ nawˬ-ahˇ laˆ tsoeˬ-euˬ meh.”

1 Laˬsaˬbaˬ 16:20

Yawꞈ maꞈ miˇ kʼahˬ cah doe laꞈ-awˇ, tsawˇ jeuˬ tahˬ puˬ dehˆ laꞈ-euˬ meh.

Zeˬpaˬniˇ 2:10

Sahˬpaˬ Miˬyehˇ-euˬ tsawˇ haˬ-ahˇ, yehˬ bawˬ-ehˇ ehˇ nehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.