1 Laˬsaˬbaˬ 16:2 - Akha

² Daˬbiˇ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ aˬ yawꞈ dawˬ ngehˬ gʼeh nehˬ-euˬ meh.

1 Laˬsaˬbaˬ 16:2 ပူးပေါင်းရင်းမြစ်များ

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

Aˇ dahˬ 20:7

Ehˇ kʼawꞈ, nymˬ-mˇ mi naˆ-ehˇ, zaˬ miˬ zaˬ heu gʼaˬ aˬ yawꞈ-euˬ kʼaˬ dzeˇ zaˬ-ahˇ a kʼoꞈ nehˬ-awˬ. Aˬ yawꞈ-euˬ kʼaˬ dzeˇ zaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu meh. Nawˇ maˬ ya shiˇ-eu gʼaˇ duˬ aˬ yawꞈ guiˬ lahˬ shaˇ nehˬ laꞈ tehꞈ-a. Ehˇ kʼawꞈ, ngaˇ nawˬ-ahˇ heu loꞈ-ehˇ ehˇ-eu ma. Zaˬ miˬ zaˬ heu gʼaˬ-ahˇ, aˬ yawꞈ-euˬ kʼaˬ dzeˇ zaˬ-euˬ aˬ laꞈ laꞈ kʼoeˇ maˬ a kʼoꞈ nehˬ naˇ, nawˇ ya shiˇ tehꞈ-a. Nawˇ hawˇ-eu nawˬ-euˬ tsawˇ haˬ dawˬ tawˆ luꞈ ya shiˇ jiˇ tehꞈ-a.”

Aˇ dahˬ 47:10

Kʼoeˇ naˇ, sahˬ paˬ-ahˇ dawˬ ngehˬ gʼeh nehˬ yaꞈ-awˇ, Yaˬkoˆ doˆ-iˇ-euˬ meh.

Aˇ dahˬ 47:7

Kʼoeˇ naˇ, Yoˇsehˆ neh aˬ yawꞈ aˬ da Yaˬkoˆ-ahˇ sahˬ paˬ jawˇ gaˇ sheuˬ gʼeh-awˇ, sahˬ paˬ-ahˇ Yaˬkoˆ dawˬ ngehˬ gʼeh nehˬ-euˬ meh.

2 Saˬmeuˬlaˆ 6:18

Aˬ yawꞈ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ dawˬ ngehˬ gʼeh nehˬ-euˬ meh.

1 Laˬsaˬbaˬ 16:1

Aˬ yawꞈ maꞈ Dawˬ ma saˇ jaˇ Bahˬ keuˆ kʼoeˇ baꞈ ahˇ laꞈ-awˇ, Daˬbiˇ neh gʼawˆ taˬ-euˬ sehˬ gʼawˆ laꞈ kʼoeˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ, Sahˬpaˬ Miˬyehˇ -ahˇ lawˇ nehˬ-euˬ meh.

1 Laˬsaˬbaˬ 16:3

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ, aˬ yawꞈ dzaˬ dzaˬ dawˇ dawˇ biˇ nehˬ-euˬ meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu kʼaˬ dzeˇ zaˬ zaˬ miˬ zaˬ yawˬ gʼaˬ na luꞈ-ahˇ, kaˬ muˇ tiˬ siˬ, tehˬ ba jaꞈ-euˬ shaˬ jiˇ tiˬ jehꞈ hawˇ-eu, lawꞈ koˆ taˬ-euˬ aˬ gaꞈ aˇ siˬ ui cuiˆ aˬ yawꞈ biꞈ nehˬ-euˬ meh.

2 Laˬsaˬbaˬ 29:29

Kʼoeˇ naˇ, sahˬ paˬ Heˬsaˬgiˇ hawˇ-eu tsawˇ haˬ dawˬ tawˆ luꞈ pawˬ tsuiꞈ pawˬ dmˬ dmˬ-awˇ, Miˬyehˇ-ahˇ uˬ duˬ tahˬ-euˬ meh.

2 Laˬsaˬbaˬ 30:27

Tsawˇ haˬ kʼoeˇ deuˬ-ahˇ Sahˬpaˬ Miˬyehˇ guiˬ lahˬ biꞈ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ guiˬ lahˬ shaˇ-euˬ meh. Mˬ kʼoeˇ taˆ aˬ yawꞈ-euˬ nymˇ-ahˇ jawˇ luꞈ-eu Miˬyehˇ aˬ yawꞈ maꞈ-euˬ shaˇ dawˬ-ahˇ gaˬ-awˇ, ha geuꞈ nehˬ-euˬ meh.

Yeˬsaˬgeˬlaˇ 45:17

La shuiꞈ lah-eu bawˬ-iˬ gʼeh gaˇ maˬ ehˇ, jawˇ nah lah gaˇ maˬ ehˇ, bawˬ-iˬ nui deuˬ jahˇ gaˇ maˬ ehˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ jeˬ zaˬ, dzaˬ la gʼo cehˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ heu deuˬ, Iˇsaˬleˬlaˆ miˇ kʼahˬ kʼahˬ lah ni-ahˇ biˇ nehˬ-eu gʼaˇ duˬ, aˬ yawꞈ-ahˇ doˇ-eu meh. Iˇsaˬleˬlaˆ tsawˇ haˬ deuˬ iˬ baˇ shawˇ laˇ ni ya lawˇ-eu, iˬ baˇ shawˇ-eu lawˇ-eu jeˬ, dzaˬ la gʼo cehˇ lawˇ-eu jeˬ, mawˇ lah-ehˇ dzah puiˆ-awˇ lawˇ-eu jeˬ, cawˬ cawˬ taꞈ-eu lawˇ-eu jeˬ heu deuˬ, aˬ yawꞈ ya biꞈ nehˬ-eu meh.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

HeˬByehˇ 7:7

Dawˬ ngehˬ gʼeh nehˬ-eu gʼaˬ-aˬ, dawˬ bi ngehˬ gʼeh nehˬ-euˬ gʼaˬ naˆ maˬ tseˇ huiˬ dzehˬ meh lehˇ, tsawˇ haˬ yawˬ gʼaˬ na luꞈ siˬ nya meh. Piˇ ma deuˬ-ahˇ tseˇ bymˇ tiˬ bymˇ taꞈ nehˬ-euˬ kʼoeˇ-aˬ, shiˇ nya-eu tsawˇ haˬ zaˬ deuˬ-ahˇ taꞈ nehˬ-euˬ jeˬ pyeuꞈ-eu meh.

Yawˇshuˆ 22:6

Kʼoeˇ naˇ, aˬ yawꞈ maꞈ-ahˇ Yawˇshuˆ dawˬ ngehˬ gʼeh nehˬ-awˇ, heu loꞈ-ehˇ dawˬ tsaꞈ tsaꞈ nehˬ-awˇ bi gʼoꞈ-iˇ-euˬ meh. “Naw maꞈ-aˬ, smˇ muiˬ muiˬ dui dui-eu laꞈ kʼoeˇ ya gʼoꞈ-iˇ-eu ngaˇ. Jeˬ zaˬ maˬ ehˇ, pyuˇ maˬ ehˇ, shuiˇ maˬ ehˇ, guiˬ shuiˇ maˬ ehˇ, shmˇ maˬ ehˇ, dm gʼaˬ dm lmˇ maˬ ehˇ, gʼawˬ mya ni ya yuˇ kʼoˆ gʼeh-eu ngaˇ. Naw maꞈ-ahˇ muiˇ-eu deuˬ-ahˇ naw maꞈ neh deuˆ za-euˬ heu deuˬ, naw maꞈ-euˬ aˇ jeuˬ aˇ ca aˬ yuiꞈ aˬ nyiˇ deuˬ-ahˇ kʼawꞈ biˇ nehˬ-awˬ.” Kʼoeˇ ngeh, aˬ yawꞈ maꞈ gʼoꞈ-iˇ-euˬ meh. Maˬnaˇseˬ tsawˇ haˬ tiˬ paˆ-ahˇ, Yawˇdaˬ lawˇ baˬ nahˇ ma doˆ kʼehˬ paw Moˇseˬ miˇ kʼahˬ biˇ nehˬ-euˬ meh. Ehˇ kʼawꞈ, Maˬnaˇseˬ tsawˇ haˬ yawˬ deuˬ yawˬ-ahˇ, Iˇsaˬleˬlaˆ tsawˇ jeuˬ nui deuˬ nehˬ-ehˇ tiˬ kawˆ loꞈ-ehˇ, Yawˇdaˬ lawˇ baˬ nahˇ ma ga kʼehˬ paw Yawˇshuˆ miˇ kʼahˬ biˇ nehˬ-euˬ meh.