1 Laˬsaˬbaˬ 16:12 - Akha

^12-13 Miˬyehˇ-euˬ zaˬ kʼaˆ geuꞈ yaꞈ-euˬ, aˬ da Yaˬkoˆ-euˬ zaˬ deuˬ-oˇ, Miˬyehˇ tseˇ doˆ-euˬ gʼaˬ pyeuꞈ-eu, Iˇsaˬleˬlaˆ-euˬ zaˬ deuˬ-oˇ, Miˬyehˇ mˇ-euˬ kʼaˆ-eu gaˇ deuˬ, Miˬyehˇ yaˇ kʼaˬ daˇ dzeuˇ-euˬ deuˬ, maˬ ngehˇ ni noeˬ taˬ juiˇ taˬ yawˬ.

1 Laˬsaˬbaˬ 16:12 ပူးပေါင်းရင်းမြစ်များ

1 Laˬsaˬbaˬ 16:14

Aˬ dui-euˬ Sahˬpaˬ Miˬyehˇ-aˬ, aˬ dui Miˬyehˇ maˇ maˇ ni ma. Aˬ yawꞈ neh ngehˬ-euˬ dawˬ deuˬ-aˬ, miˇ tsaˬ dawˬ tawˆ luꞈ gʼaˇ duˬ meh.

Jaceuq 103:2

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya dui dui gaˇ taˬ ngehˇ.

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 119:13

Nawˬ neh biꞈ laꞈ-euˬ zahˇ dawˬ kʼoꞈ dawˬ dawˬ tawˆ luꞈ, ngaˇ gui poˆ poˆ ma.

Jaceuq 119:137

Sahˬpaˬ Miˬyehˇ-oˇ, nawˇ tsaˬ dui dawˇ dui dui-awˇ, nawˬ-euˬ zahˇ dawˬ kʼoꞈ dawˬ yaw sui yaw dawˇ meh.

Jaceuq 119:20

Nawˇ yaˇ kʼaˬ daˇ-euˬ jeˬ-ahˇ siˬ mawꞈ mawˇ mawꞈ-eu nui kʼahˇ, ngaˬ-euˬ nui ma laꞈ kʼoeˇ aˬ myah luꞈ jaˆ luꞈ ma.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 19:9

SahˬpaˬMiˬyehˇ-ahˇzeu-eu jeˬ, muiˬ-eu jaˬ-eu tiˬjeˬ pyeuꞈ-awˇ, mˬmaˬmaˬbyaˆzaˇziˇgmˬmeh. SahˬpaˬMiˬyehˇyaˇkʼaˬ daˇ-eu, tsaˬdui dawˇdui muiˬdui dui-awˇ, tiˬpawꞈ-iˬ ehˇkʼaˇmaˬza-a.

Jaceuq 77:11

Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ-ahˇ ngaˇ noeˬ keuˆ ma. Dzeuˇ laˇ ngeh nawˬ neh mˇ yaꞈ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ngaˇ noeˬ mawˇ ma.

Jaceuq 78:43

Iˇjiˇtuˆ miˇ kʼahˬ Zoˇnaˆ deh ga-ahˇ, aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu huiˬ-eu gaˇ-ahˇ kʼawꞈ, aˬ yawꞈ maꞈ ngehˇ byoˆ jiˇ-euˬ meh.

Doˆ-iˇ 13:14

Mehˬ hu paw dehꞈ daˆ leꞈ ngeh, ‘Bawˬ-iˬ heu hmˬ-euˬ dawˬ tsuiꞈ aˬ jeˬ-a’ lehˇ, naw maꞈ-euˬ aˬ li deuˬ naw maꞈ-ahˇ naˇ haˬ laˇ naˇ, heu loꞈ-ehˇ ehˇ kʼoꞈ nehˬ-awˬ. ‘Iˇjiˇtuˆ miˇ kʼahˬ laꞈ kʼoeˇ, nga maꞈ aˬ cawˬ zaˬ kʼaˆ geuꞈ luꞈ ngeh, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, nga maꞈ-ahˇ sheuˬ doˆ nehˬ laꞈ-euˬ meh.,

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Panmaeq 16:7

Kʼoeˇ naˇ, lawˇ duˬ jaˆ gaˇ neh heu loꞈ-ehˇ ehˇ doˆ laꞈ gaˇ ngaˇ ya gaˬ-euˬ ma. “Baoˬhuiˬ-eu Sahˬpaˬ Miˬyehˇ-oˇ, nawˬ neh yaˇ kʼaˬ daˇ-euˬ heu-aˬ, tsaˬ dui dawˇdui dui meh.”

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”