1 Laˬsaˬbaˬ 15:28 - Akha

²⁸ Iˇsaˬleˬlaˆ tsawˇ haˬ dawˬ tawˆ luꞈ, daˇ heh baw, coiˇ doi baw, cehˇ lehˇ ciˆ-awˇ deuˇ-mˬ diˬ-euˬ laꞈ kʼoeˇ, laˬ kʼaˬ cehˇ-awˇ guˇ guˇ-ehˇ, Dawˬ ma saˇ jaˇ Bahˬ keuˆ mehˬ nah caw teh-euˬ meh.

1 Laˬsaˬbaˬ 15:28 ပူးပေါင်းရင်းမြစ်များ

2 Saˬmeuˬlaˆ 6:15

Kʼoeˇ loꞈ-ehˇ, Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ, daˇ heh baw-awˇ guˇ guˇ-ehˇ, Dawˬ ma saˇ jaˇBahˬ keuˆ kʼoeˇ Yeˬluˇsaˬlehˬ meuˬ-ahˇ baꞈ gʼeh-euˬ meh.

2 Saˬmeuˬlaˆ 6:5

Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, gʼaˬ kʼaˇ jaˆ-eu shaˇ-awˇ gaˇ nyeh nyeh nyeh-ehˇ caˇ-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ maꞈ tahˬ diˬ, boe loe diˬ, cehˇ lehˇ ciˆ-awˇ, deuˇ-mˬ yaw huiˬ yaw nyiˇ gʼawˬ mya jeˬ diˬ-euˬ meh.

1 Laˬsaˬbaˬ 13:8

Daˬbiˇ hawˇ-eu Iˇsaˬleˬlaˆ tsawˇ haˬ deuˬ-aˬ, deuˇ-mˬ diˬ, tahˬ diˬ, cehˇ lehˇ ciˆ-awˇ, daˇ heh baw-eu laꞈ kʼoeˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-euˬ meh.

1 Laˬsaˬbaˬ 15:16

“Leˬbiˇ tsawˇ haˬ gʼawˬ mya ni, deuˇ-mˬ diˬ, cehˇ lehˇ ciˆ-awˇ, laˬ kʼaˬ tiˬ cehˇ caˇ dawˬ bi caˇ-awˬ” lehˇ, aˬ yuiꞈ aˬ tsu kʼoeˇ deuˬ-ahˇ Daˬbiˇ dawˬ biꞈ-euˬ meh.

1 Laˬsaˬbaˬ 15:27

Daˬbiˇ-aˬ, shawˇ jehˆ ni gʼeh-eu saˬ paˇ paˇ pyuˇ neh guꞈ taˬ-euˬ muiˬ dui dui-eu pehˇ kʼahˬ pehˇ mahˇ dm-awˇ, caˇ dawˬ caˇ-eu deuˬ maˬ ehˇ, aˬ yawꞈ maꞈ kʼoeˇ taˆ aˬ yuiꞈ geuꞈ-eu Sheˬnaˬniˇyaˆ maˬ ehˇ, Dawˬ ma saˇ jaˇ Bahˬ keuˆ baꞈ-eu Leˬbiˇ tsawˇ haˬ deuˬ maˬ ehˇ, kʼoeˇ loꞈ-ehˇ dm luꞈ-eu meh. Daˬbiˇ-aˬ, pehˇ kʼahˬ pehˇ nymˇ tiˬ kahˇ kʼawꞈ dm luꞈ-eu meh.

1 Laˬsaˬbaˬ 15:29

Dawˬ ma saˇ jaˇ Bahˬ keuˆ-ahˇ Yeˬluˇsaˬlehˬ meuˬ laꞈ kʼoeˇ baꞈ ahˇ laꞈ ngeh, Sawˇluˆ-euˬ aˬ buˇ Miˇkaˬlaˇ gʼaˬ, laˇ gʼoˆ gʼoˆ zaˬ-ahˇ neh haw ka gʼeh-awˇ, sahˬ paˬ Daˬbiˇ gaˇ nyeh nyeh-ehˇ tsawˬ luꞈ gaˇ ya mawˇ-awˇ, haw bye dui dui-euˬ meh.

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

Neˬhaˬmiˇ 12:27

Yeˬluˇsaˬlehˬ meuˬ lahˇ Miˬyehˇ-ahˇ a nehˬ ngeh, cehˇ lehˇ ciˆ, deuˇ-mˬ diˬ-awˇ ja ceuˬ-eu caˇ dawˬ bi caˇ-eu gʼaˇ duˬ, doe doe-ehˇ jawˇ luꞈ-eu Leˬbiˇ tsawˇ haˬ deuˬ-ahˇ meuˬ lahˇ a nehˬ-eu bawˬ-iˬ jahˇ gaˇ bi laˇ uiˬ-euˬ meh.

Jaceuq 47:6

Miˬyehˇ-ahˇ caˇ-awˇ ja ceuˬ-awˬ. Aˬ dui-euˬ sahˬ paˬ-ahˇ caˇ-awˇ ja ceuˬ-awˬ.

Jaceuq 68:25

Caˇ dawˬ caˇ-eu deuˬ mehˬ hu paw cah-awˇ, bawˬ law baw, deuˇ-mˬ diˬ-eu deuˬ mehˬ nah paw cah-awˇ, cehˇ lehˇ ciˆ-eu zaˬ miˬ aˬ buˇ deuˬ gʼahˇ ceh cah luꞈ meh.