1 Laˬsaˬbaˬ 15:23 - Akha

^23-24 Beˬleˬkiˇ hawˇ-eu Eˇlaˬkaˬnaˬ aˬ nyaꞈ-ahˇ, AwˇbehˆEˬdoˬ hawˇ-eu Yeˬhiˇyaˬ nehˬ-ehˇ tiˬ kawˆ loꞈ-ehˇ, Dawˬ ma saˇ jaˇ Bahˬ keuˆ-ahˇ bi loꞈ-eu gʼaˇ duˬ tseˇ doˆ-euˬ meh. Piˇ ma deuˬ pyeuꞈ-eu Sheˬbaˬniˇ, Yoˇshaˬpaˇ, Naˬdaˬneˬlaˇ, Aˬmaˬsehˇ, Zaˬkaˬliˇ, Baˬnaˇyaˬ, Eˇliˇzaˬ aˬ ha maꞈ-ahˇ, Dawˬ ma saˇ jaˇ Bahˬ keuˆ mehˬ shi daˇ heh bi baw-eu gʼaˇ duˬ tseˇ doˆ-euˬ meh.

1 Laˬsaˬbaˬ 15:23 ပူးပေါင်းရင်းမြစ်များ

2 Sahˬpaˬ 22:4

“Piˇ ma yaw huiˬ gʼaˬ pyeuꞈ-eu Hiˇlaˬkiˇ jawˇ gaˇ le-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ gaˇ mˇ luꞈ-eu piˇ ma deuˬ neh, miˇ kʼahˬ zaˬ deuˬ-ahˇ gʼoˆ uiˬ-euˬ pyuˇ aˇ myaˆ ni jaˆ nga lehˇ haw leˇ sheˇ.

2 Sahˬpaˬ 25:18

Kʼoeˇ uˬ taꞈ, guiˇ maꞈ-ahˇ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ-aˬ, piˇ ma yaw huiˬ gʼaˬ pyeuꞈ-eu Seˬlehˇyaˬ-ahˇ maˬ ehˇ, piˇ ma nyiˬ gʼaˬ tiˬ gʼaˬ pyeuꞈ-eu Zeˬpaˬniˇ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu yaw huiˬ smˇ gʼaˬ-ahˇ maˬ ehˇ, sheuˬ geuꞈ gʼeh-euˬ meh.

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”

1 Laˬsaˬbaˬ 15:22

Sheˬnaˬniˇyaˆ-aˬ, caˇ dawˬ caˇ-eu paw nya dui dui-eu miˇ neh, caˇ dawˬ caˇ-eu Leˬbiˇ tsawˇ haˬ deuˬ kʼoeˇ taˆ, aˬ yawꞈ-ahˇ aˬ yuiꞈ bi geuꞈ-euˬ meh.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

1 Saˬmeuˬlaˆ 3:15

Saˬmeuˬlaˆ-aˬ, uˬ shawˬ uˬ bya bya laˇ ngeh keuˆ ni yuꞈ-euˬ meh. Kʼoeˇ naˇ, aˬ yawꞈ tuˇ-awˇ, Sahˬpaˬ Miˬyehˇ-euˬ nymˇ laˇ gʼoˆ pah-euˬ meh. Yaw sahˇ laꞈ kʼoeˇ aˬ yawꞈ ya siˬ ya mawˇ-euˬ je, Eˇliˆ-ahˇ aˬ yawꞈ maˬ dzawˇ nehˬ peuˬ-a.