1 Laˬsaˬbaˬ 15:2 - Akha

² Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Leˬbiˇ tsawˇ haˬ deuˬ tehꞈ-ehˇ Dawˬ ma saˇ jaˇ Bahˬ keuˆ ya baꞈ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ baꞈ-awˇ mˬ maˬ maˬ byaˆ zaˇ ziˇ Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Leˬbiˇ tsawˇ haˬ deuˬ-ahˇ Sahˬpaˬ Miˬyehˇ neh tseˇ doˆ taˬ-euˬ meh.”

1 Laˬsaˬbaˬ 15:2 ပူးပေါင်းရင်းမြစ်များ

2 Saˬmeuˬlaˆ 6:13

Dawˬ ma saˇ jaˇ Bahˬ keuˆ baꞈ luꞈ-eu deuˬ kuiˇ toꞈ koꞈ toꞈ kʼaˇ ciˬ ngeh, aˬ yawꞈ maꞈ-ahˇ Daˬbiˇ bi naˬ tawˬ-awˇ, mawˇ neˇ mawˇ gaw tiˬ mawˇ hawˇ-eu tsuˇ dui dui-eu mawˇ neˇ mawˇ kʼaˇ tiˬ mawˇ, Sahˬpaˬ Miˬyehˇ-ahˇ aˬ yawꞈ lawˇ nehˬ-euˬ meh.

2 Laˬsaˬbaˬ 35:3

Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu deuˬ pyeuꞈ-eu Sahˬpaˬ Miˬyehˇ-ahˇ gʼawˇ mawˇ a nehˬ taˬ-euˬ Leˬbiˇ tsawˇ haˬ deuˬ-ahˇ kʼawꞈ, aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Muiˬ-eu shawˇ-eu Dawˬ ma saˇ jaˇ Bahˬ keuˆ-ahˇ, Daˬbiˇ-euˬ aˬ li sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ baꞈ taˬ-euˬ meh. Naw maꞈ-aˬ, bahˬ keuˆ kʼoeˇ-ahˇ doe doe-ehˇ baꞈ baꞈ-ehˇ maˬ paˇ ya cah ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu aˬ yawꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ gaˇ ya mˇ meh.

Doˆ-iˇ 25:14

Bahˬ keuˆ-ahˇ baꞈ-eu gʼaˇ duˬ, bahˬ keuˆ kʼoeˇ paˆ maˇ paˆ tsoꞈ-eu shuiˇ laꞈ naˬ laꞈ kʼoeˇ, kʼaˆ baꞈ kawˬ cawˬ ahˇ taˬ-awˬ.

Iˇsaˬyaˇ 66:21

Aˬ yawꞈ maꞈ tiˬ paˆ na deuˬ-ahˇ piˇ ma hawˇ-eu Leˬbiˇ tsawˇ haˬ bi geuꞈ ma.

Bawˇtsahˬ 3:6

“Leˬbiˇ tsawˇ jeuˬ-ahˇ mehˬ hu paw kuˇ doˆ-awˇ, Aˬloˬ-ahˇ caw ba-eu tsawˇ haˬ deuˬ bi geuꞈ-awˬ.

Bawˇtsahˬ 3:9

Leˬbiˇ tsawˇ haˬ deuˬ-euˬ gaˇ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ caw ba-eu gaˇ kʼoeˇ tiˬ jeˬ tehꞈ meh.

Bawˇtsahˬ 7:9

Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Dawˬmehˬ 31:9

Kʼoeˇ naˇ, Miˬyehˇ-euˬ zahˇ dawˬ kʼoꞈ dawˬ deuˬ Moˇseˬ boꞈ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ haw-eu pyaˆ-eu Leˬbiˇ tsawˇ haˬ piˇ ma deuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ biꞈ-euˬ meh.

Yawˇshuˆ 3:3

Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ piˇ ma deuˬ baꞈ-awˇ doˆ-iˇ-eu naw maꞈ ya mawˇ ngeh, yawˬ ha-euˬ sehˬ gʼawˆ laˆ luiˆ-awˇ caw teh gʼeh-awˬ.

Yawˇshuˆ 6:6

Yawˇshuˆ piˇ ma deuˬ-ahˇ kuˇ-awˇ ehˇ nehˬ-eu, “Dawˬ ma saˇ jaˇ Bahˬ keuˆ baꞈ-awˇ, kʼoeˇ-euˬ mehˬ hu paw piˇ ma shiꞈ gʼaˬ daˇ heh baꞈ-awˇ cah-awˬ.”