1 Laˬsaˬbaˬ 15:12 - Akha

¹² Leˬbiˇ tsawˇ haˬ kʼoeˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ-aˬ, Leˬbiˇ aˇ jeuˬ deuˬ-euˬ aˬ yuiꞈ aˬ tsu deuˬ pyeuꞈ-eu meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ, ngaˬ neh lehˬ hmˬ taˬ-euˬ jawˇ duˬ-ahˇ naw maꞈ baꞈ keuˆ taˬ-eu gʼaˇ duˬ, naw maꞈ hawˇ-eu naw maꞈ-euˬ tsawˇ haˬ deuˬ gʼawˇ mawˇ shawˇ-eu zahˇ jahˇ-awˬ.

1 Laˬsaˬbaˬ 15:12 ပူးပေါင်းရင်းမြစ်များ

1 Laˬsaˬbaˬ 15:1

Daˬbiˇ-aˬ, aˬ yawꞈ jawˇ-eu gʼaˇ duˬ Daˬbiˇ-euˬ meuˬ lehˇ kuˇ-eu jawˇ duˬ-ahˇ, nymˇ gʼawˬ mya nymˇ tsoˆ-euˬ meh. Miˬyehˇ-euˬ Dawˬ ma saˇ jaˇ Bahˬ keuˆ bi jaˆ-eu gʼaˇ duˬ kʼawꞈ, jawˇ duˬ tiˬ tsahˇ aˬ yawꞈ laˆ saˆ-awˇ, sehˬ gʼawˆ tiˬ gʼawˆ gʼawˆ-euˬ meh.

1 Laˬsaˬbaˬ 15:14

Kʼoeˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ jiˆ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ gʼawˇ mawˇ shawˇ-eu zahˇ jahˇ-euˬ meh.

1 Laˬsaˬbaˬ 15:3

Kʼoeˇ naˇ, Daˬbiˇ-aˬ, aˬ yawꞈ neh lehˬ hmˬ taˬ-euˬ jawˇ duˬ-ahˇ Dawˬ ma saˇ jaˇ Bahˬ keuˆ baꞈ taˬ-euˬ gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ kuˇ uiˬ-euˬ meh.

1 Laˬsaˬbaˬ 16:1

Aˬ yawꞈ maꞈ Dawˬ ma saˇ jaˇ Bahˬ keuˆ kʼoeˇ baꞈ ahˇ laꞈ-awˇ, Daˬbiˇ neh gʼawˆ taˬ-euˬ sehˬ gʼawˆ laꞈ kʼoeˇ baꞈ taˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ, Sahˬpaˬ Miˬyehˇ -ahˇ lawˇ nehˬ-euˬ meh.

1 Laˬsaˬbaˬ 24:31

Aˬ yawꞈ maꞈ-euˬ aˇ jeuˬ Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ gaˇ biˇ nehˬ ngeh, shehˆ tsaˬ tsaˬ-awˇ biˇ nehˬ-euˬ loꞈ-ehˇ, aˬ yawꞈ maꞈ kʼawꞈ, aˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ geuꞈ-eu gʼaˬ hawˇ-eu aˬ yawꞈ-euˬ mehˇ nmˇ aˬ nyiˇ tiˬ gʼaˬ-ahˇ, shehˆ tsaˬ bi tsaˬ-eu laꞈ kʼoeˇ gaˇ biˇ nehˬ-euˬ meh. Sahˬ paˬ Daˬbiˇ, Zaˬdoˆ, Aˬhiˇmaˬlehˇ hawˇ-eu piˇ ma aˇ jeuˬ deuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ mehˬ shi, kʼoeˇ loꞈ-ehˇ gaˇ biˇ nehˬ-euˬ meh.

1 Laˬsaˬbaˬ 9:34

Laꞈ taˆ paw ehˇ taˬ-euˬ tsawˇ haˬ deuˬ-aˬ, yawˬ ha-euˬ tsuiꞈ yawˬ ha, Leˬbiˇ tsawˇ haˬ aˇ jeuˬ aˇ ca deuˬ kʼoeˇ taˆ aˬ yuiꞈ geuꞈ-euˬ tsawˇ haˬ deuˬ meh. Aˬ yawꞈ maꞈ-aˬ, Yeˬluˇsaˬlehˬ meuˬ-ahˇ jawˇ-euˬ aˬ yuiꞈ aˬ tsu deuˬ meh.

2 Laˬsaˬbaˬ 1:2

Tiˬ heˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ deuˬ, tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ deuˬ, yaˇ kʼaˬ daˇ-eu deuˬ, aˇ jeuˬ aˇ ca deuˬ kʼoeˇ taˆ aˬ yuiꞈ geuꞈ-eu deuˬ hawˇ-eu, Iˇsaˬleˬlaˆ tsawˇ haˬ dawˬ tawˆ luꞈ-ahˇ, Giˇbyoˬ meuˬ-ahˇ jaˆ-eu uˬ duˬ tahˬ-eu jawˇ duˬ-ahˇ aˬ yawꞈ nehˬ-ehˇ ya le meh lehˇ, sahˬ paˬ Sawˇlaˬmoˬ dawˬ biꞈ-euˬ meh. Sahˬpaˬ Miˬyehˇ-euˬ zaˬ kʼaˆ pyeuꞈ-eu Moˇseˬ neh bawˇ tsahˬ bawˇ dahˇ-ahˇ tsoˆ-euˬ Sahˬpaˬ Miˬyehˇ jawˇ-eu Sehˬ gʼawˆ kʼoeˇ gʼawˆ kʼoeˇ gaˇ jaˆ-eu miˇ neh, aˬ yawꞈ maꞈ kʼoeˇ gaˇ le-euˬ meh.

2 Laˬsaˬbaˬ 1:4

Ehˇ kʼawꞈ, Dawˬ ma saˇ jaˇ Bahˬ keuˆ hmˬ-aˬ, Yeˬluˇsaˬlehˬ meuˬ laꞈ kʼoeˇ jaˆ-eu meh. Dawˬ ma saˇ jaˇ Bahˬ keuˆ kʼoeˇ sahˬ paˬ Daˬbiˇ neh Giˇliˇyaˆyeˬlmˬ-ahˇ neh baꞈ kʼoꞈ laꞈ-awˇ, sehˬ gʼawˆ gʼawˆ-awˇ baꞈ ahˇ taˬ-euˬ gaˇ jaˆ luꞈ-eu meh.

2 Laˬsaˬbaˬ 30:15

Ba la kʼoeˇ siˬ tseˇ oeˬ nah tiˬ nah-ahˇ, Baˬsaˬkaˬ bawˬ-iˬ gʼaˇ duˬ yawˇ zaˬ deuˬ sehꞈ-euˬ meh. Zahˇ sahˇ kʼoꞈ-ahˇ tsaˬ ni maˬ shawˇ-eu piˇ ma deuˬ hawˇ-eu Leˬbiˇ tsawˇ haˬ deuˬ-aˬ, shaꞈ dawˇ dui dui-eu laꞈ kʼoeˇ, yawˬ ha-euˬ gʼawˇ mawˇ shawˇ-euˬ meh. Kʼoeˇ ngeh jawˇ, Uˬ duˬ tahˬ nymˇ nymˇ ma laꞈ kʼoeˇ miˬ dzaˬ dzah puiˆ-awˇ lawˇ-eu jeˬ, aˬ yawꞈ maꞈ lawˇ nya-euˬ meh.

2 Laˬsaˬbaˬ 35:6

Baˬsaˬkaˬ Bawˬ-iˬ-ahˇ geuꞈ-eu yawˇ deuˬ hawˇ-eu ciꞈ myehꞈ deuˬ-ahˇ naw maꞈ ya sehꞈ meh. Moˇseˬ-ahˇ gʼoe-awˇ Sahˬpaˬ Miˬyehˇ neh mehˬ taˬ tsoˆ taˬ yaꞈ-euˬ dawˬ deuˬ-ahˇ naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ caw teh nya ni, nymˬ-mˇ naw maꞈ-euˬ gʼawˇ mawˇ mˇ shawˇ-awˇ, lawˇ-eu shehˇ-eu jeˬ mˇ-eu gʼaˇ duˬ lehˬ hmˬ-awˬ.”

2 Laˬsaˬbaˬ 5:11

Kʼoeˇ naˇ, piˇ ma deuˬ Muiˬ-eu shawˇ-eu jawˇ duˬ-ahˇ neh jiˆ gʼoꞈ ka le-euˬ meh. Kʼoeˇ gaˇ kʼaˇ jawˇ-eu piˇ ma dawˬ tawˆ luꞈ, aˇ muˇ maˬ biˇ paˆ ni, yawˬ ha-euˬ gʼawˇ mawˇ Miˬyehˇ-ahˇ a nehˬ gʼaˬ-euˬ meh.

2 Laˬsaˬbaˬ 5:2

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ aˬ yawꞈ jawˇ gaˇ uiˬ laˇ-awˬ lehˇ sahˬ paˬ Sawˇlaˬmoˬ kuˇ-euˬ meh.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Yeˬsaˬgeˬlaˇ 48:11

Miˇ tsaˬ heu tsahˇ-aˬ, Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ gʼaˇ duˬ meh. Iˇsaˬleˬlaˆ tsawˇ jeuˬ gaˇ ma cah bahˬ ngeh, Leˬbiˇ tsawˇ jeuˬ pyeuꞈ-eu piˇ ma nui deuˬ loꞈ-ehˇ aˬ yawꞈ maꞈ gaˇ ma maˬ bahˬ ni saˇ jaˇ ziꞈ-euˬ meh.

Yoˇhaˬ 17:17

Yaw tsaˬ yaw dawˇ jeˬ-ahˇ gʼoe-awˇ, aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ha ahˇ geuꞈ-awˬ. Nawˬ-euˬ dawˬ-aˬ, yaw tsaˬ yaw dawˇ jeˬ meh.