1 Laˬsaˬbaˬ 14:8 - Akha

⁸ Iˇsaˬleˬlaˆ miˇ kʼahˬ tiˬ kʼahˬ kʼahˬ lah ni kʼoeˇ taˆ Daˬbiˇ sahˬ paˬ pyeuꞈ laˇ-euˬ gaˇ kawˆ, Piˇliˇtiˆ tsawˇ haˬ deuˬ ya gaˬ ngeh, aˬ yawꞈ maꞈ Daˬbiˇ-ahˇ nyehꞈ-eu lehˇ doˆ-iˇ-euˬ meh. Daˬbiˇ gʼeh aˬ yawꞈ maꞈ-ahˇ ciˬ daˬ-iˇ-eu gʼaˇ duˬ guiˇ maꞈ sheuˬ-awˇ doˆ-iˇ-euˬ meh.

1 Laˬsaˬbaˬ 14:8 ပူးပေါင်းရင်းမြစ်များ

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

1 Laˬsaˬbaˬ 11:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Saˬmeuˬlaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-euˬ meh.

1 Laˬsaˬbaˬ 14:7

Eˇliˇshaˬmaˇ, Beˬliˇdaˬ, Eˇliˇpaˬlehˇ aˬ ha mehˇ nmˇ meh.

1 Laˬsaˬbaˬ 14:9

Piˇliˇtiˆ tsawˇ haˬ deuˬ Leˬpeˬ deh kʼawꞈ-ahˇ oe keuˆ-awˇ, miˇ kʼahˬ zaˬ-euˬ myawˬ gahˬ deuˬ ceh geuꞈ luꞈ-eu meh.

1 Saˬmeuˬlaˆ 21:11

Sahˬ paˬ-euˬ gaˇ mˇ-eu yaw huiˬ yaw mahˇ deuˬ sahˬ paˬ Aˬkiˇ-ahˇ ehˇ nehˬ-eu, “Tsawˇ haˬ heu gʼaˬ aˬ yawꞈ maꞈ-euˬ miˇ kʼahˬ kʼoeˇ taˆ sahˬ paˬ sahˬ ma geuꞈ luꞈ-eu Daˬbiˇ lehˇ ehˇ-eu kʼoeˇ gʼaˬ maˬ ngeuˇ nga loˇ. Zaˬ mi zaˬ deuˬ gaˇ nyeh nyeh nyeh-ehˇ, ‘Sawˇluˆ aˇ heˇ gʼaˬ sehꞈ-awˇ, Daˬbiˇ aˇ muiˇ gʼaˬ sehꞈ-euˬ meh’ lehˇ caˇ-eu kʼoeˇ, aˬ yawꞈ-ahˇ caˇ nehˬ-euˬ maˬ ngeuˇ-a loˇ.”