1 Laˬsaˬbaˬ 14:12 - Akha

¹² Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ byehˇ dzeh yaꞈ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ keuˬ dzeh-eu gʼaˇ duˬ, Daˬbiˇ dawˬ biꞈ-euˬ meh.

1 Laˬsaˬbaˬ 14:12 ပူးပေါင်းရင်းမြစ်များ

2 Saˬmeuˬlaˆ 5:21

Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ byehˇ dzeh yaꞈ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tahˬ pahˬ aˬ ma mawˇ kawˇ kʼoeˇ deuˬ yuˇ kʼoꞈ gʼeh-euˬ meh.

2 Sahˬpaˬ 10:26

Kʼoeˇ gaˇ jaˆ-eu muiˬ-eu shawˇ-eu kʼawˇ zeuˇ baꞈ doˆ-awˇ, miˬ dzaˬ dzah puiˆ dzeh-euˬ meh.

2 Sahˬpaˬ 19:18

Miˇ kʼahˬ kʼoeˇ deuˬ-euˬ miˬ yehˇ deuˬ-ahˇ kʼawꞈ, miˬ dzaˬ keuˬ dzeh-euˬ meh. Miˬyehˇ kʼoeˇ deuˬ-aˬ, Miˬyehˇ maˬ ngeuˇ-a. Tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ tehꞈ meh.

1 Laˬsaˬbaˬ 14:11

Kʼoeˇ naˇ, Baˬlaˇpeˬlaˬzmˬ lehˇ kuˇ-eu jawˇ duˬ-ahˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ deuˆ-iˇ-awˇ, deuˆ gʼaˬ-euˬ meh. Kʼoeˇ ngeh jawˇ, “Miˬyehˇ ngaˬ-ahˇ zmˬ-awˇ, muiˇ-eu tsawˇ haˬ kʼoeˇ deuˬ-ahˇ iˇ jeuˬ jeuˬ-euˬ loꞈ-ehˇ dehˬ paˆ doˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

1 Laˬsaˬbaˬ 14:13

Gʼawˬ myahˇ maˬ gʼeh-ehˇ, Piˇliˇtiˆ tsawˇ haˬ deuˬ deh kʼawꞈ kʼoeˇ kʼawꞈ-ahˇ paˇ oe-awˇ, mˇ myawˬ paˇ ceh geuꞈ le-euˬ meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 32:20

Aˬ yawꞈ maꞈ neh jahˇ taˬ-euˬ mawˇ neˇ mawˇ kawˇ kʼoeˇ aˬ yawꞈ yuˇ-awˇ, miˬ dzaˬ-ahˇ puiˆ guiˇ-euˬ meh. Kʼoeˇ naˇ, lehˬ meuˇ lehˬ loeˇ jiˇ-awˇ, iˇ cuꞈ laꞈ kʼoeˇ byaˆ ahˇ-awˇ, Iˇsaˬleˬlaˆ tsawˇ haˬ deuˬ-ahˇ, iˇ cuꞈ kʼoeˇ bi dawˇ-euˬ meh.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

Dawˬmehˬ 7:5

Kʼoeˇ miˇ neh, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ deuˬ kʼawꞈ laˆ cawˆ nehˬ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˬ.