1 Laˬsaˬbaˬ 14:11 - Akha

¹¹ Kʼoeˇ naˇ, Baˬlaˇpeˬlaˬzmˬ lehˇ kuˇ-eu jawˇ duˬ-ahˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ deuˆ-iˇ-awˇ, deuˆ gʼaˬ-euˬ meh. Kʼoeˇ ngeh jawˇ, “Miˬyehˇ ngaˬ-ahˇ zmˬ-awˇ, muiˇ-eu tsawˇ haˬ kʼoeˇ deuˬ-ahˇ iˇ jeuˬ jeuˬ-euˬ loꞈ-ehˇ dehˬ paˆ doˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

1 Laˬsaˬbaˬ 14:11 ပူးပေါင်းရင်းမြစ်များ

2 Saˬmeuˬlaˆ 5:20

Kʼoeˇ naˇ, Baˬlaˇpeˬlaˬzmˬ-ahˇ Daˬbiˇ iˇ-awˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. “Ngaˬ-ahˇ muiˇ-eu deuˬ-ahˇ Sahˬpaˬ Miˬyehˇ neh iˇ jeuˬ jeuˬ-eu loꞈ-ehˇ tahˬ paˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

1 Laˬsaˬbaˬ 14:10

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-eu tsaˬ meh loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Miˬyehˇ-ahˇ Daˬbiˇ naˇ haˬ haw ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ Sahˬpaˬ Miˬyehˇ ehˇ-eu meh.

1 Laˬsaˬbaˬ 14:12

Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ byehˇ dzeh yaꞈ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ keuˬ dzeh-eu gʼaˇ duˬ, Daˬbiˇ dawˬ biꞈ-euˬ meh.

Yawˇbaˆ 30:14

Ngaˇ aˬ yawꞈ maꞈ-ahˇ laˆ tsoeˬ taˬ kʼawꞈ, maˇ pehꞈ-ahˇ neh yoeˇ ahˇ leꞈ-awˇ, ngaˬ-euˬ kʼoeˇ taˆ ga daˆ le-eu meh.

Jaceuq 144:1

Ngaˬ-ahˇ haw piˇ-eu gʼaˬ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ ngaˬ-ahˇ guiˇ deuˆ-eu tsawˇ gahˇ mehˬ nehˬ laꞈ-awˇ, guiˇ deuˆ-eu gʼaˇ duˬ lehˬ hmˬ nehˬ laꞈ-euˬ meh.

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Doˆ-iˇ 14:28

Iˇ cuꞈ kʼoeˇ paˇ dahˬ pymˬ-awˇ, Iˇsaˬleˬlaˆ tsawˇ haˬ deuˬ mehˬ nah caw teh luꞈ-eu mahˬ laˆ lawˬ deuˬ-ahˇ maˬ ehˇ, mahˬ laˆ lawˬ teh-eu tsawˇ haˬ deuˬ hawˇ-eu Iˇjiˇtuˆ guiˇ maꞈ dawˬ tawˆ luꞈ-ahˇ maˬ ehˇ,dahˬ pymˬ byoˆ jiˇ-euˬ meh. Dzeuˇ-iˇ-euˬ tiˬ gʼaˬ-iˬ maˬ jawˇ-a.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Maꞈtehˬ 7:27

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ ngeh, nymˇ kʼoeˇ nymˇ coˬ dzeh-iˇ-eu meh. Coˬ dzeh-iˇ-eu kʼoeˇ-aˬ, coˬ pyaˆ coˬ shaˆ jiˇ-eu meh.”