1 Laˬsaˬbaˬ 13:5 - Akha

⁵ Giˇliˇyaˆyeˬlmˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Yeˬluˇsaˬlehˬ meuˬ-ahˇ baꞈ kʼoꞈ keuˆ laꞈ-eu gʼaˇ duˬ, laꞈ oˆ paw Iˇjiˇtuˆ miˇ kʼahˬ-ahˇ neh, laꞈ taˆ paw Haˬmaˆ gʼaˬ lahˇ-ahˇ keuˆ ni jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, Daˬbiˇ neh kuˇ uiˬ-euˬ meh.

1 Laˬsaˬbaˬ 13:5 ပူးပေါင်းရင်းမြစ်များ

2 Saˬmeuˬlaˆ 6:1

Iˇsaˬleˬlaˆ miˇ kʼahˬ laꞈ kʼoeˇ nya dui dui-eu yehˇ deuˬ-ahˇ Daˬbiˇ tiˬ poˆ paˇ kuˇ uiˬ-awˇ, dawˬ tawˆ luꞈ smˬ muiˇ gʼaˬ byah ni uiˬ laˇ taˬ-euˬ meh.

1 Sahˬpaˬ 4:21

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ-ahˇ keuˆ ni hawˇ-eu , Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni kʼaˇ jaˆ-eu miˇ kʼahˬ dawˬ tawˆ luꞈ, Sawˇlaˬmoˬ-euˬ miˇ kʼahˬ pyeuꞈ-eu meh. Aˬ yawꞈ-euˬ tiˬ ziˇ, aˬ yawꞈ maꞈ aˬ yawꞈ-ahˇ kawˬ doˆ nehˬ-awˇ, aˬ yawꞈ uˆ lahˇ-eu uˬ moˆ jawˇ-euˬ meh.

1 Sahˬpaˬ 8:65

Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma-ahˇ shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ leˇ-awˇ, tsawˇ haˬ aˇ maꞈ myaˬ dui dui-euˬ meh.

2 Sahˬpaˬ 25:21

Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ, Baˬbuˇloˬ sahˬ paˬ neh aˬ yawꞈ maꞈ-ahˇ sehꞈ-euˬ meh. Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ laꞈ kʼoeˇ neh, aˬ cawˬ neh kʼoeˇ loꞈ-ehˇ bi nyehꞈ byoˆ gʼeh jiˇ-euˬ meh.

1 Laˬsaˬbaˬ 13:4

Aˬ yawꞈ kʼoeˇ loꞈ-ehˇ ehˇ gaˇ tsawˇ haˬ dawˬ tawˆ luꞈ nui kʼahˇ shiˇ-awˇ, nui ma tsaˬ-eu meh.

1 Laˬsaˬbaˬ 13:6

Kʼoeˇ naˇ, Jeˬluˇbeˬ mawˇ kawˇ kʼoeˇ taˆ Sahˬpaˬ Miˬyehˇ-euˬ tsawˇ myahˇ jaˆ-eu Dawˬ ma saˇ jaˇ Bahˬ keuˆ baꞈ kʼoꞈ laˬ-iˇ-eu gʼaˇ duˬ,Giˇliˇyaˆyeˬlmˬ lehˇ kuˇ-eu Yuˇdaˆ miˇ kʼahˬ Baˬlahˬ meuˬ-ahˇ, Daˬbiˇ hawˇ-eu Iˇsaˬleˬlaˆ tsawˇ haˬ deuˬ iˇ-euˬ meh.

1 Laˬsaˬbaˬ 15:3

Kʼoeˇ naˇ, Daˬbiˇ-aˬ, aˬ yawꞈ neh lehˬ hmˬ taˬ-euˬ jawˇ duˬ-ahˇ Dawˬ ma saˇ jaˇ Bahˬ keuˆ baꞈ taˬ-euˬ gʼaˇ duˬ, Iˇsaˬleˬlaˆ tsawˇ haˬ dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ kuˇ uiˬ-euˬ meh.

Iˇsaˬyaˇ 23:3

Siˇdoˬ meuˬ-ahˇ jawˇ-eu baw gaꞈ deuˬ-oˇ, noeˬ shaˬ-awˇ ngoeˇ-awˬ. Naw maꞈ iˬ ma laˆ shaˆ-ahˇ tsawˇ haˬ pyehˬ gʼeh-awˇ, Iˇjiˇtuˆ miˇ kʼahˬ-ahˇ cehˇ tawˬ laˬ-iˇ-awˇ, miˇ kʼahˬ doe ni ahˬ nehˬ-euˬ meh.

Yeˬlaˬmiˇ 2:18

Iˇjiˇtuˆ miˇ kʼahˬ-ahˇ iˇ-eu aˬ jeˬ gaˇ dahˇ tsoeˬ nmˇ. Niˬlaˇ lawˇ baˬ iˇ cuꞈ dawˇ-iˇ-eu la. Aˇshuˇliˆ miˇ kʼahˬ-ahˇ le-eu aˬ jeˬ gaˇ dahˇ tsoeˬ nmˇ. Uˇpaˬlaˇ lawˇ baˬ-ahˇ iˇ cuꞈ dawˇ leˇ-eu la.

Yawˇshuˆ 9:17

Kʼoeˇ naˇ, Iˇsaˬleˬlaˆ tsawˇ haˬ deuˬ gaˇ ma paˇ doˆ-iˇ-awˇ, smˬ nah gaˇ ma le ngeh, tsawˇ haˬ kʼoeˇ deuˬ jawˇ-eu meuˬ deuˬ pyeuꞈ-eu Giˇbyoˬ meuˬ, Sheˬpiˇlaˬ meuˬ, Biˇyoˆ meuˬ hawˇ-eu, Giˇliˇyaˆyeˬlmˬ meuˬ heu deuˬ-ahˇ le keuˆ-euˬ meh.

1 Saˬmeuˬlaˆ 6:21

Kʼoeˇ naˇ, Giˇliˇyaˆyeˬlmˬ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ maꞈ tsawˇ haˬ pyehˬ gʼeh-awˇ, “Piˇliˇtiˆ tsawˇ haˬ deuˬ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ kʼoꞈ ha laˇ gʼaˬ-euˬ meh. Naw maꞈ oe-awˇ baꞈ kʼoꞈ laˬ le-awˬ” lehˇ bi ehˇ gaˬ-iˇ-euˬ meh.

1 Saˬmeuˬlaˆ 7:1

Kʼoeˇ ngeh, Giˇliˇyaˆyeˬlmˬ meuˬ-ahˇ jawˇ-eu tsawˇ haˬ deuˬ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ laˬ le-awˇ, gawˬ duˇ kʼoeˇ taˆ tsoˆ taˬ-euˬ Aˬbiˇnaˬdehˇ-euˬ nymˇ-ahˇ baꞈ taˬ-euˬ meh. Kʼoeˇ naˇ, aˬ yawꞈ-euˬ aˬ li Eˇlaˬzaˬ gʼaˬ-ahˇ Sahˬpaˬ Miˬyehˇ-ahˇ a nehˬ-awˇ, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˬ bi geuꞈ-euˬ meh.

1 Saˬmeuˬlaˆ 7:2

Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, Giˇliˇyaˆyeˬlmˬ meuˬ laꞈ kʼoeˇ, nyiˬ tseˇ kʼoꞈ ehˇ gʼaˬ ni jaˆ-euˬ meh. Aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ haˬ dawˬ tawˆ luꞈ Sahˬpaˬ Miˬyehˇ bi caw ba le-eu gʼaˇ duˬ guˇ guˇ-ehˇ shaˇ-euˬ meh.