1 Laˬsaˬbaˬ 13:2 - Akha

² Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ kʼawꞈ nui ma tsaˬ-awˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ kʼawꞈ nui ma tsaˬ naˇ, dzeˇ luꞈ-eu aˬ dui-euˬ miˇ kʼahˬ zaˬ deuˬ jawˇ gaˇ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ jawˇ-eu meuˬ deuˬ-ahˇ maˬ ehˇ tsawˇ haˬ pyehˬ gʼeh-awˇ, heu gaˇ uiˬ laˇ ni bi kuˇ gaˬ-iˇ kaˇ-euˇ.

1 Laˬsaˬbaˬ 13:2 ပူးပေါင်းရင်းမြစ်များ

1 Sahˬpaˬ 12:7

Aˬ yawꞈ maꞈ ehˇ-eu, “Tsawˇ haˬ kʼoeˇ deuˬ-ahˇ nawˇ yaw muiˬ paˬ-ehˇ haw nehˬ pyaˆ nehˬ mawꞈ te lehˇ ngeuˇ naˇ, aˬ yawꞈ maꞈ shaˇ laˇ-euˬ jeˬ-ahˇ yaw muiˬ paˬ-ehˇ shaˇ noeˬ nehˬ-eu tsaˬ tehꞈ-a. Kʼoeˇ loꞈ-ehˇ shaˇ noeˬ nehˬ naˇ, aˬ myah luꞈ aˬ yawꞈ maꞈ nawˬ-ahˇ saˇ jaˇ ziꞈ tehꞈ-a.”

2 Sahˬpaˬ 9:15

Ehˇ kʼawꞈ, Suˇliˆ sahˬ paˬ Haˬzeˬlaˇ nehˬ-ehˇ deuˆ ceh ceh ngeh, Yoˇlamˬ-ahˇ Suˇliˆ tsawˇ haˬ deuˬ neh bi deuˆ tahˬ-awˇ, jawˇ saˇ doˆ laˇ ni Yeˬzaˬleˬlaˇ meuˬ-ahˇ gʼoꞈ jawˇ-iˇ-euˬ meh. Kʼoeˇ ngeh, Yeˬhuˇ-euˬ cawˬ yaw huiˬ yaw mahˇ kʼoeˇ deuˬ-ahˇ Yeˬhuˇ ehˇ nehˬ-eu, “Naw maꞈ ngaˇ jawˇ paw pyawˬ ma lehˇ ngeuˇ naˇ, tsawˇ haˬ tiˬ gʼaˬ-iˬ Laˬmoˆ meuˬ-ahˇ neh cehˆ doˆ-awˇ Yeˬzaˬleˬlaˇ meuˬ-ahˇ gaˇ kawˆ heu maˬ ya tsaꞈ gaˬ-iˇ ni, yaw kʼaˆ kʼaˆ-ehˇ yahˇ-awˬ.”

1 Laˬsaˬbaˬ 10:7

Iˇsaˬleˬlaˆ guiˇ maꞈ cehˆ byaˆ jiˇ-awˇ, Sawˇluˆ hawˇ-eu aˬ yawꞈ-euˬ aˬ li deuˬ bi sehꞈ jiˇ-euˬ gaˇ kawˆ, Yeˬzaˬleˬlaˇ deh kʼawꞈ-ahˇ jawˇ-eu Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ maꞈ-euˬ meuˬ deuˬ-ahˇ byehˇ -awˇ cehˆ-euˬ meh. Kʼoeˇ naˇ Piˇliˇtiˆ tsawˇ haˬ deuˬ oe-awˇ, meuˬ kʼoeˇ deuˬ-ahˇ jawˇ-euˬ meh.

1 Laˬsaˬbaˬ 13:1

Tiˬ heˇ gʼaˬ kʼoeˇ taˆ uˆ lahˇ-eu aˬ yuiꞈ deuˬ hawˇ-eu, tiˬ yaˇ gʼaˬ kʼoeˇ taˆ uˆ lahˇ-eu aˬ yuiꞈ deuˬ nehˬ-ehˇ, sahˬ paˬ Daˬbiˇ mehˬ bawˬ mˇ-euˬ meh.

1 Laˬsaˬbaˬ 13:3

Kʼoeˇ naˇ, Sawˇluˆ sahˬ paˬ geuꞈ ngeh kʼahˇ maˬ kʼoꞈ ni bi jaˆ-euˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ kʼoꞈ laꞈ-iˇ kaˇ-euˇ.”

Doˆ-iˇ 18:23

Miˬyehˇ nawˬ-ahˇ dawˬ biꞈ-euˬ loꞈ-ehˇ, nawˇ kʼoeˇ loꞈ-ehˇ mˇ naˇ, gʼaˬ doeˇ maˬ doeˇ-eu uˬ taꞈ, tsawˇ haˬ heu deuˬ dawˬ tawˆ luꞈ kʼawꞈ, tiˬ gʼaˬ tiˇ gʼaˬ kʼaˇ ja dzaˬ-eu jeˬ dawˬ tawˆ luꞈ, laˆ tsaˬ geuꞈ jiˇ-awˇ ya gʼoꞈ-iˇ tehꞈ-a.”

Dawqdaq 15:22

Suˇ dawˬ maˬ naˇ-aˬ, yaw lehˬ myaˬ-awˇ, tseˇ dawˬ yaˇ dawˬ naˇ-eu guiˬ lahˬ baw-eu meh.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

1 Saˬmeuˬlaˆ 31:1

Piˇliˇtiˆ tsawˇ haˬ deuˬ hawˇ-eu Iˇsaˬleˬlaˆ tsawˇ haˬ deuˬ, Giˇlaˬbawˬ gawˬ jawˬ kʼoeˇ taˆ guiˇ deuˆ-euˬ meh. Iˇsaˬleˬlaˆ tsawˇ haˬ deuˬ gʼawˬ mya ni kʼoeˇ gaˇ bi deuˆ sehꞈ-awˇ, maˬ bi deuˆ sehꞈ-ehˇ dzeˇ-eu deuˬ-aˬ, Sawˇluˆ hawˇ-eu aˬ yawꞈ-euˬ aˬ li deuˬ nehˬ-ehˇ tiˬ kawˆ loꞈ-ehˇ cehˆ-euˬ meh.