1 Laˬsaˬbaˬ 12:18 - Akha

¹⁸ Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.

1 Laˬsaˬbaˬ 12:18 ပူးပေါင်းရင်းမြစ်များ

2 Saˬmeuˬlaˆ 15:21

Ehˇ kʼawꞈ, Iˇtehˇ ehˇ-eu, “Sahˬ paˬ-oˇ, nawˇ kʼaˇ iˇ gaˇ nawˬ-euˬ mehˬ nah ngaˇ aˬ myah luꞈ caw teh ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ ngaˇ saˇ jaˇ dzaˬ-eu ma. Shiˇ-eu jeˬ keuˆ le kʼawꞈ ehˬ ngeuˇ luꞈ-uˇ.”

2 Saˬmeuˬlaˆ 17:25

Aˬbaˇsaˬloˬ-aˬ, Aˬmaˬsaˬ-ahˇ Yoˇbaˬ-euˬ dah zaˇ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ bi geuꞈ-euˬ meh. Aˬmaˬsaˬ-aˬ, Iˇshaˬmeˬlaˇ tsawˇ jeuˬ Yeˬdeuˬ-euˬ aˬ li pyeuꞈ-eu meh. Aˬ yawꞈ-euˬ aˬ ma Aˬbiˇgeˬlaˆ hawˇ-eu Yoˇbaˬ-euˬ aˬ ma Zeˬluˇyaˆ aˬ nyaꞈ nmˇ-aˬ, Naˬhaˇ-euˬ aˬ buˇ pyeuꞈ-eu meh.

2 Saˬmeuˬlaˆ 19:13

Aˬmaˬsaˬ-ahˇ kʼawꞈ heu loꞈ-ehˇ bi ehˇ gaˬ-iˇ-eu gʼaˇ duˬ, aˬ yawꞈ nyaꞈ-ahˇ Daˬbiˇ ehˇ nehˬ-euˬ meh. “Nawˇ-aˬ, ngaˬ-euˬ aˬ yuiꞈ aˬ nyiˇ ma. Iˬ nah neh dahˬ beh-awˇ, Yoˇbaˬ-euˬ dah zaˇ, ngaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ nawˬ-ahˇ ngaˇ bi geuꞈ ma. Ngaˬ neh ehˇ taˬ-euˬ loꞈ-ehˇ ngaˇ maˬ jahˇ naˇ, Miˬyehˇ ngaˬ-ahˇ sehꞈ luꞈ-uˇ lehˇ ehˇ nehˬ-awˬ.”

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

1 Sahˬpaˬ 9:22

Sawˇlaˬmoˬ-aˬ, Iˇsaˬleˬlaˆ tsawˇ haˬ deuˬ-ahˇ zaˬ kʼaˆ maˬ bi geuꞈ ni, aˬ yawꞈ-euˬ yehˇ deuˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ, mahˬ laˆ lawˬ teh-eu yehˇ deuˬ hawˇ-eu, mahˬ bo saˆ-eu yehˇ deuˬ bi geuꞈ-euˬ meh.

2 Sahˬpaˬ 10:15

Mehˬ hu paw Yeˬhuˇ paˇ le leꞈ ngeh, Leˬkaˆ-euˬ aˬ li Yawˇnaˬdehˇ-ahˇ gaˇ pehˇ tahˬ puˬ-euˬ meh. “Aˇ nyaꞈ nui noeˬ tiˬ jeˬ tehꞈ ma. Nawˇ ngaˇ jawˇ paw pyawˬ ma loˇ” lehˇ, Yawˇnaˬdehˇ-ahˇ Yeˬhuˇ naˇ haˬ ngeh, “Pyawˬ ma” lehˇ Yawˇnaˬdehˇ ehˇ-eu meh. Kʼoeˇ naˇ, “Nawˬ-euˬ aˬ laꞈ cawˬ ja leꞈ-awˬ” lehˇ Yeˬhuˇ ehˇ-awˇ, Yawˇnaˬdehˇ-euˬ aˬ laꞈ-ahˇ gʼeu-awˇ, mahˬ laˆ lawˬ kʼoeˇ taˆ gʼeu daˆ nehˬ-euˬ meh.

2 Sahˬpaˬ 10:5

Kʼoeˇ miˇ neh, sahˬ paˬ-euˬ nymˇ-ahˇ haw luꞈ pyaˆ luꞈ-eu yaw huiˬ yaw mahˇ deuˬ maˬ ehˇ, meuˬ-ahˇ uˆ lahˇ-eu yaw huiˬ yaw mahˇ deuˬ maˬ ehˇ, aˬ yuiꞈ aˬ tsu geuꞈ luꞈ-eu deuˬ maˬ ehˇ, sahˬ paˬ-euˬ zaˬ deuˬ uˆ deuˬ-ahˇ haw luꞈ pyaˆ luꞈ-eu deuˬ maˬ ehˇ, tiˬ gaˇ uiˬ leˇ jiˇ-awˇ, Yeˬhuˇ-ahˇ heu loꞈ-ehˇ bi tsaꞈ gaˬ-iˇ-euˬ meh. “Nga maꞈ nawˬ-euˬ zaˬ kʼaˆ ma. Nawˬ neh kʼaˇ kʼehˇ-euˬ jeˬ mˇ ma. Tsawˇ haˬ tiˬ gʼaˬ-ahˇ-iˬ nga maꞈ sahˬ paˬ maˬ ka nehˬ. Nawˬ-euˬ nui noeˬ tiˬ byah ni geuꞈ-awˬ.”

2 Sahˬpaˬ 9:32

Yeˬhuˇ baꞈ leuˇ-awˇ, “Ngaˇ jawˇ paw aˬ suˇ gʼaˬ pyawˬ nmˇ” lehˇ guˇ ngeh, sahˬ paˬ-euˬ gaˇ mˇ-eu yaw huiˬ yaw mahˇ nyiˬ gʼaˬ smˇ gʼaˬ byah ni, laˇ gʼoˆ gʼoˆ zaˬ-ahˇ cu hu le-euˬ meh.

1 Laˬsaˬbaˬ 11:11

Yaw beh gʼaˬ-aˬ, Haˬkaˬmoˬ aˇ jeuˬ Yaˬshawˇbamˬ meh. Aˬ yawꞈ-aˬ, tsawˇ myahˇ doˆ dui dui-eu “Yehˇ smˇ gʼaˬ” kʼoeˇ taˆ aˬ yuiꞈ geuꞈ-euˬ gʼaˬ meh. Aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ deuˆ-awˇ, guiˇ tiˬ poˆ deuˆ-euˬ aˇ yamˬ laꞈ kʼoeˇ tehꞈ-ehˇ, aˬ yawꞈ maꞈ dawˬ tawˆ luꞈ-ahˇ aˬ yawꞈ sehꞈ jiˇ-euˬ meh.

1 Laˬsaˬbaˬ 12:17

Daˬbiˇ aˬ yawꞈ maꞈ-ahˇ tahˬ puˬ-iˇ-awˇ ehˇ-eu, “Naw maꞈ cawˬ cawˬ mawꞈ-euˬ nui ma ahˇ-awˇ, ngaˬ-ahˇ caw ba le-eu lehˇ laˇ-euˬ ngeuˇ naˇ, naw maꞈ-ahˇ ngaˇ ha geuꞈ ma. Ehˇ kʼawꞈ, muiˇ-eu deuˬ-euˬ aˬ laꞈ laꞈ kʼoeˇ, naw maꞈ ngaˬ-ahˇ a ahˇ nehˬ-eu lehˇ noeˬ taˬ-euˬ jaˆ naˇ, ngaˇ naw maꞈ-ahˇ tiˬ jeˬ-iˬ maˬ jahˇ kʼawꞈ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ siˬ nya-awˇ, naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a.”

1 Laˬsaˬbaˬ 2:17

Yeˬshehˇ-euˬ aˬ buˇ Aˬbiˇgeˬlaˆ gʼaˬ-aˬ, Iˇshaˬmeˬlaˇ-euˬ zaˬ deuˬ uˆ deuˬ laꞈ kʼoeˇ Yeˬdeuˬ lehˇ myahˇ-euˬ gʼaˬ-ahˇ dahˬ dzaˬ-iˇ-awˇ, Aˬmaˬsaˬ lehˇ myahˇ-euˬ aˬ li tiˬ li jawˇ le-euˬ meh.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Zaˬkaˬliˇ 8:23

Aˇ nah aˇ yamˬ kʼoeˇ keuˆ le ngeh, Yuˇdaˆ tsawˇ haˬ tiˬ gʼaˬ jawˇ gaˇ aˬ cawˬ tsawˇ jeuˬ tseˇ gʼaˬ laˇ-awˇ, ‘Miˬyehˇ nawˬ nehˬ-ehˇ jawˇ meh lehˇ nga maꞈ ya gaˬ-euˬ miˇ neh, nga maꞈ-ahˇ nawˬ nehˬ-ehˇ bi taꞈ laꞈ-awˬ’ lehˇ ehˇ tehꞈ-a.”

Maꞈtehˬ 12:30

“Ngaˇ jawˇ paw maˬ pyawˬ-eu tsawˇ haˬ-aˬ, ngaˬ-ahˇ muiˇ-eu tsawˇ haˬ meh. Ngaˬ nehˬ-ehˇ tiˬ kawˆ loꞈ-ehˇ maˬ gʼoˆ uiˬ maˬ gʼoˆ bymˇ-eu tsawˇ haˬ-aˬ, byaˆ dzeh-eu tsawˇ haˬ meh.

Gaˬlaˬtiˆ 6:16

Yaw dehꞈ dehꞈ ngeh zahˇ sahˇ kʼoꞈ heu hmˬ mehˬ nah kʼaˇ caw teh-eu tsawˇ haˬ deuˬ kʼoeˇ taˆ, nui saˇ oꞈ-eu jeˬ hawˇ-eu Miˬyehˇ-euˬ gʼawˬ shaˬ gaˬ-eu guiˬ lahˬ jaˆ luꞈ-uˇ. Aˬ yawꞈ maꞈ hawˇ-eu Miˬyehˇ-euˬ tsawˇ haˬ dawˬ tawˆ luꞈ kʼoeˇ taˆ jaˆ luꞈ-uˇ.

Yaˇ kʼaˬ daˇ 13:25

Zoˇlahˬ hawˇ-eu Eˇshaˬtawˇlaˆ meuˬ-euˬ yaw kaˬ-ahˇ jaˆ-eu Daˬ-euˬ taˆ-ahˇ aˬ yawꞈ jawˇ luꞈ ngeh, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ biꞈ lahˬ-euˬ meh.

Yaˇ kʼaˬ daˇ 3:10

Sahˬpaˬ Miˬyehˇ-euˬ yaw sahˇ aˬ yawꞈ kʼoeˇ taˆ zaꞈ le-awˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu bi pyeuꞈ laˇ-euˬ meh. Awˇdaˬneˬlaˇ guiˇ deuˆ-iˇ-awˇ, Sahˬpaˬ Miˬyehˇ neh aˬ yawꞈ-ahˇ, Maˬsoˬpoˬtaˬmiˇ sahˬ paˬ-ahˇ bi gʼaˬ leˇ-euˬ meh.

Yaˇ kʼaˬ daˇ 6:34

Sahˬpaˬ Miˬyehˇ-euˬ yaw sahˇ Giˇdoˬ-ahˇ uˆ lahˇ-awˇ, aˬ yawꞈ daˇ heh baw-awˇ, Aˬbyeˇzaˬ aˇ jeuˬ-ahˇ aˬ yawꞈ-euˬ mehˬ nah caw teh laˇ-eu gʼaˇ duˬ kuˇ-euˬ meh.

Luˇta 1:16

Ehˇ kʼawꞈ, Luˇta ehˇ-eu, “Ngaˬ-ahˇ maˬ bi gʼoꞈ-iˇ laꞈ-ehˇ, nawˬ nehˬ-ehˇ bi laˇ nehˬ laꞈ-awˬ. Nawˇ kʼaˇ iˇ gaˇ ngaˇ iˇ-awˇ, nawˇ kʼaˇ jawˇ gaˇ ngaˇ jawˇ ma. Nawˬ-euˬ tsawˇ jeuˬ tsawˇ ca-aˬ, ngaˬ-euˬ tsawˇ jeuˬ tsawˇ caˬ pyeuꞈ-awˇ, nawˬ-euˬ Miˬyehˇ kʼawꞈ, ngaˬ-euˬ Miˬyehˇ pyeuꞈ luꞈ-uˇ.

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

1 Saˬmeuˬlaˆ 16:5

Aˬ yawꞈ ehˇ-eu, “Yaw lehˬ doˆ laˇ-euˬ miˇ neh oe-euˬ maˬ ngeuˇ. Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ tehꞈ ma. Naw maꞈ-euˬ gʼawˇ mawˇ shawˇ-awˇ ngaˬ nehˬ-ehˇ laˇ-awˬ.” Yeˬshehˇ hawˇ-eu aˬ yawꞈ-euˬ aˬ li deuˬ kʼawꞈ, gʼawˇ mawˇ shawˇ-awˇ lawˇ gaˇ shehˇ gaˇ laˇ-eu gʼaˇ duˬ aˬ yawꞈ kuˇ-euˬ meh.

1 Saˬmeuˬlaˆ 22:7

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Beˬyaˬmiˬ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Daˬbiˇ-aˬ, naw maꞈ dawˬ tawˆ luꞈ-ahˇ deh yaˇ hawˇ-eu aˬ gaꞈ yaˇ kmˇ biˇ nehˬ laꞈ-awˇ, naw maꞈ-ahˇ aˬ yawꞈ-euˬ guiˇ maꞈ kʼoeˇ taˆ uˆ lahˇ-eu yaw huiˬ deuˬ bi geuꞈ nehˬ laꞈ tehꞈ-a lehˇ noeˬ luꞈ te loˇ.

1 Saˬmeuˬlaˆ 24:12

Aˇ nyaꞈ aˬ geu gʼaˬ lehˬ-eu nga lehˇ, Sahˬpaˬ Miˬyehˇ yaˇ kʼaˬ daˇ luꞈ-uˇ. Nawˬ neh ngaˬ-ahˇ mˇ lehˬ-euˬ jeˬ baˬ da neh, Sahˬpaˬ Miˬyehˇ nawˬ-ahˇ jahˇ kʼoꞈ nehˬ luꞈ-uˇ. Ehˇ kʼawꞈ, ngaˇ nawˬ-ahˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ ni jawˇ ma.

1 Saˬmeuˬlaˆ 24:13

Haiˬ-eu tsawˇ haˬ deuˬ tehꞈ-ehˇ yaw haiˬ jeˬ mˇ-eu meh lehˇ ehˇ-eu tsawˇ mawˬ dawˬ daˬ nawˇ siˬ nya meh. Kʼoeˇ miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ.

1 Saˬmeuˬlaˆ 24:16

Sawˇluˆ-ahˇ Daˬbiˇ kʼoeˇ loꞈ-ehˇ ehˇ nehˬ gʼaˬ ngeh, “Ngaˬ li Daˬbiˇ-oˇ, toˆ-ehˇ ehˇ luꞈ-eu teu aˬ diˇ aˬ maˇ nawˇ ma loˇ” lehˇ Sawˇluˆ ehˇ-awˇ ngoeˇ-euˬ meh.

1 Saˬmeuˬlaˆ 8:12

Tiˬ paˆ na deuˬ-ahˇ tiˬ heˇ gʼaˬ kʼoeˇ taˆ uˆ lahˇ-eu aˬ yuiꞈ bi geuꞈ-awˇ, tiˬ paˆ na deuˬ-ahˇ ngaˬ tseˇ gʼaˬ kʼoeˇ taˆ uˆ lahˇ-eu aˬ yuiꞈ bi geuꞈ tehꞈ-a. Aˬ yawꞈ-euˬ deh yaˇ tsehˬ-eu, cehˇ yehˬ-eu, guiˇ deuˆ-eu keu ka hawˇ-eu mahˬ laˆ lawˬ keu ka tehˆ-eu gaˇ heu deuˬ-ahˇ, naw maꞈ-euˬ aˬ li deuˬ aˬ yawꞈ gʼaˇ duˬ ya mˇ nehˬ tehꞈ-a.