1 Laˬsaˬbaˬ 11:8 - Akha8 Gawˬ duˇ-euˬ nahˇ ma doˆ kʼehˬ paw dzeˇ jaˆ-eu tsaˬ duˬ duˬ dzm taˬ-euˬ jawˇ duˬ-ahˇ neh aˇ dahˬ beh -awˇ, aˬ yawꞈ meuˬ tsoˆ-euˬ meh. Dzeˇ-eu meuˬ pehˇ tsahˇ deuˬ-ahˇ, Yoˇbaˬ gʼaˬ neh laˆ saˆ muiˬ-euˬ meh. အခန်းကိုကြည့်ပါ။ |
1 Laˬsaˬbaˬ 11:8
8 ပူးပေါင်းရင်းမြစ်များ
Sahˬ paˬ Sawˇlaˬmoˬ-aˬ, Uˬ duˬ tahˬ nymˇ nymˇ ma tsoˆ gaˇ maˬ ehˇ, sahˬ paˬ jawˇ-eu hawˇ nymˇ tsoˆ gaˇ maˬ ehˇ, meuˬ-euˬ nahˇ ma doˆ kʼehˬ paw coeˇ-ahˇ miˇ tsaˬ pi dzm gaˇ maˬ ehˇ, Haˬzawˇ meuˬ, Meˬgiˇdoˬ meuˬ hawˇ-eu Geˬzeuˬ meuˬ heu deuˬ tsoˆ muiˬ gaˇ maˬ ehˇ, tsawˇ haˬ paˆ nehˬ-awˇ myawˬ kʼaˆ bi mˇ-euˬ meh.
Aˬ yawꞈ-euˬ cawˬ deuˬ hawˇ-eu Saˬmaˬliˆ guiˇ maꞈ mehˬ shi aˬ yawꞈ heu loꞈ-ehˇ ehˇ-eu meh. “Aˇ gʼehˇ maˬ gʼehˇ-eu Yuˇdaˆ tsawˇ haˬ tsawˇ teˬ zaˬ teu deuˬ aˬ pa jeˬ mˇ luꞈ-eu nga. Meuˬ teu meuˬ-ahˇ paˇ tsoˆ muiˬ geuꞈ-eu lehˇ gʼeh ta loˇ. Lawˇ-eu shehˇ-eu jeˬ mˇ-awˇ tiˬ nah laꞈ kʼoeˇ tehꞈ-ehˇ paˇ tsoˆ muiˬ nya ma lehˇ aˬ yawꞈ maꞈ noeˬ ta loˇ. Bi puiˆ byoˆ jiˇ-euˬ kʼaˬ lo tsaˬ byaˆ kʼoeˇ deuˬ tsaˬ byaˆ paˇ pyeuꞈ laˇ ni aˬ yawꞈ maꞈ jahˇ doˆ nya te jeˇ loˇ.”
Ehˇ kʼawꞈ, naw maꞈ neh mˇ-euˬ heu maˬ sui maˬ dawˇ naˇ, Aˬbiˇmaˬlehˆ laꞈ kʼoeˇ neh miˬ dzaˬ doꞈ doˆ laˇ-awˇ, Sheˬkmˬ meuˬ hawˇ-eu Behˬmiˇloˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ puiˆ-awˇ, Sheˬkmˬ meuˬ hawˇ-eu Behˬmiˇloˬ meuˬ-ahˇ jawˇ-eu tsawˇ haˬ deuˬ laꞈ kʼoeˇ neh kʼawꞈ, miˬ dzaˬ doꞈ doˆ laˇ-awˇ, Aˬbiˇmaˬlehˆ-ahˇ puiˆ luꞈ-uˇ.”
ကြော်ငြာတွေ