1 Laˬsaˬbaˬ 11:2 - Akha

² Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu laꞈ kʼoeˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ saˇ jaˇ dzaˬ taˬ-euˬ meh.”

1 Laˬsaˬbaˬ 11:2 ပူးပေါင်းရင်းမြစ်များ

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

2 Saˬmeuˬlaˆ 7:7

Iˇsaˬleˬlaˆ tsawˇ jeuˬ nehˬ-ehˇ ngaˇ cah cah-ehˇ jawˇ-euˬ aˇ yamˬ kʼoeˇ myah ni gʼeh-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu tiˬ gʼaˬ-ahˇ-iˬ, aˬ jeˬ miˇ neh ngaˬ-euˬ gʼaˇ duˬ shuˬ liˇ neh uˬ duˬ tahˬ nymˇ tiˬ nymˇ maˬ tsoˆ nehˬ laꞈ te lehˇ ngaˇ maˬ ehˇ nehˬ haw-aˬ’ lehˇ ehˇ-eu meh lehˇ ehˇ nehˬ-awˬ.

1 Sahˬpaˬ 14:7

Yeˬyawˇbamˬ-ahˇ heu loꞈ-ehˇ ehˇ nehˬ leˇ-awˬ. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ heu loꞈ-ehˇ ehˇ-eu meh. ‘Tsawˇ haˬ heu myaˆ ni gʼeh-eu laꞈ kʼoeˇ nawˬ-ahˇ ngaˇ tseˇ doˆ-awˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ kʼoeˇ taˆ uˆ lahˇ-eu gʼaˬ bi geuꞈ-euˬ ma.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

Jaceuq 78:71

Aˬ yawꞈ yawˇ bo luꞈ gaˇ kuˇ kʼoꞈ laꞈ-awˇ, Miˬyehˇ-euˬ tsawˇ haˬ deuˬ-ahˇ bo-eu yawˇ bo-eu yaw sahˇ bi geuꞈ-eu lehˇ, Iˇsaˬleˬlaˆ tsawˇ jeuˬ-euˬ sahˬ paˬ ka nehˬ-euˬ meh.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Iˇsaˬyaˇ 55:4

Miˇ kʼahˬ tsawˇ jeuˬ deuˬ-ahˇ sheuˬ gʼeh-eu baoˬ aˬ yawꞈ-ahˇ ngaˇ biꞈ-awˇ, aˬ yawꞈ-ahˇ gʼoe-awˇ tsawˇ jeuˬ kʼoeˇ deuˬ-ahˇ, ngaˬ-euˬ baoˬ ngaˇ bi mawˇ-euˬ ma.

Yeˬlaˬmiˇ 3:15

Ngaˬ-euˬ ehˇ dawˬ naˇ haˬ-awˇ uˆ lahˇ-eu aˬ yuiꞈ aˬ tsu deuˬ, naw maꞈ-ahˇ ngaˇ biꞈ ma. Zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ tiˬ byah ni ahˇ-eu laꞈ kʼoeˇ, naw maꞈ kʼoeˇ taˆ aˬ yawꞈ maꞈ uˆ lahˇ tehꞈ-a.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Bawˇtsahˬ 27:17

Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

Maꞈtehˬ 2:6

‘Behˬlehˬhehˬ-oˇ, Yuˇdaˆ meuˬ deuˬ laꞈ kʼoeˇ, nawˇ maˬ nyiˇ teˬ dzehˬ-a. Aˬ jeˬ miˇ neh ehˇ naˇ, ngaˬ-euˬ tsawˇ jeuˬ pyeuꞈ-eu, Iˇsaˬleˬlaˆ kʼoeˇ taˆ, sheuˬ gʼeh uˆ lahˇ-eu gʼaˬ, nawˬ-euˬ laꞈ kʼoeˇ doˆ laˇ tehꞈ-a.”’

Yoˇhaˬ 10:4

Yawˇ deuˬ-ahˇ laꞈ nyiˇ sheuˬ doˆ jiˇ ngeh, aˬ yawꞈ mehˬ hu paw cah-awˇ, yawˇ deuˬ aˬ yawꞈ-euˬ mehˬ nah caw teh-eu meh. Aˬ jeˬ miˇ neh ehˇ naˇ, aˬ yawꞈ-euˬ teˇ saˇ-ahˇ yawˇ deuˬ siˬ nya-eu meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

1 Saˬmeuˬlaˆ 18:13

Kʼoeˇ miˇ neh, Daˬbiˇ-ahˇ aˬ yawꞈ jawˇ gaˇ neh bi doˆ-iˇ-awˇ, yehˇ tiˬ heˇ gʼaˬ kʼoeˇ taˆ haw-eu aˬ yuiꞈ bi geuꞈ-euˬ meh. Daˬbiˇ-aˬ, aˬ yawꞈ-euˬ yehˇ kʼoeˇ deuˬ sheuˬ-awˇ guiˇ deuˆ-iˇ-euˬ meh.