1 Laˬsaˬbaˬ 11:19 - Akha

¹⁹ “Sahˬpaˬ Miˬyehˇ-oˇ, Iˇ cuꞈ heu ngaˇ maˬ dawˇ ahˇ coeˇ nya. Iˇ cuꞈ heu ngaˇ dawˇ naˇ, yawˬ ha-euˬ saꞈ laˇ damˬ-awˇ iˇ cuꞈ kʼawꞈ doˆ laˬ-iˇ-euˬ tsawˇ haˬ heu smˇ gʼaˬ-euˬ shiˬ dawˇ gaˇ duˇ miˇ-a” lehˇ aˬ yawꞈ ehˇ-eu meh. Kʼoeˇ miˇ neh, iˇ cuꞈ kʼoeˇ aˬ yawꞈ maˬ dawˇ ni byehˇ-euˬ meh. Gaˇ heu deuˬ-aˬ, tsawˇ myahˇ doˆ dui dui-eu yehˇ kʼoeˇ smˇ gʼaˬ neh mˇ-euˬ ja ceuˬ dui dui paˬ-ehˇ gʼeh-eu gaˇ deuˬ meh.

1 Laˬsaˬbaˬ 11:19 ပူးပေါင်းရင်းမြစ်များ

Aˇ dahˬ 9:4

Ehˇ kʼawꞈ, naw maꞈ maˬ dzaˬ nya-eu tiˬ jeˬ-aˬ, shiˬ maˬ dzeˇ-iˇ-euˬ shaˬ jiˇ meh. Dehꞈ-eu saꞈ laˇ shiˬ laꞈ kʼoeˇ ahˇ-eu miˇ neh, naw maꞈ shiˬ taˬ dzaˬ lehˇ ngaˇ ehˇ-eu ma.

2 Saˬmeuˬlaˆ 23:17

“Sahˬpaˬ Miˬyehˇ-oˇ, iˇ cuꞈ heu ngaˇ maˬ dawˇ ahˇ coeˇ nya. Iˇ cuꞈ heu ngaˇ dawˇ naˇ, yawˬ ha-euˬ saꞈ laˇ daˬ-awˇ iˇ cuꞈ kʼawꞈ laˬ-iˇ-eu tsawˇ haˬ heu smˇ gʼaˬ-euˬ shiˬ dawˇ gaˇ duˇ-eu miˇ neh, ngaˇ aˬ joˆ-ehˇ dawˇ ahˇ coeˇ nmˇ” lehˇ aˬ yawꞈ ehˇ-eu meh. Kʼoeˇ miˇ neh, iˇ cuꞈ kʼoeˇ aˬ yawꞈ maˬ dawˇ ni byehˇ-euˬ meh. Gaˇ heu deuˬ-aˬ, tsawˇ myahˇ doˆ dui dui-eu yehˇ kʼoeˇ smˇ gʼaˬ neh mˇ-euˬ, ja ceuˬ dui dui paˬ-ehˇ gʼeh-eu gaˇ deuˬ meh.

1 Sahˬpaˬ 21:3

Naˬboˆ ehˇ-eu, “Aˬ gaꞈ yaˇ kmˇ heu kmˇ-aˬ, ngaˬ-euˬ aˬ poeˬ aˬ bawˇ deuˬ-euˬ jeˬ biˇ pyeuꞈ-eu miˇ neh, nawˬ-ahˇ biꞈ-eu gʼaˇ duˬ Sahˬpaˬ Miˬyehˇ nui ma maˬ tsaˬ-a.”

1 Laˬsaˬbaˬ 11:18

Tsawˇ myahˇ doˆ dui dui-eu yehˇ kʼoeˇ smˇ gʼaˬ Piˇliˇtiˆ tsawˇ haˬ deuˬ-euˬ taˆ nyiꞈ tsehˆ-ehˇ tahˬ doˆ gʼeh-awˇ, lah duˬ-ahˇ iˇ cuꞈ kʼawꞈ-awˇ, Daˬbiˇ jawˇ gaˇ yuˇ laꞈ nehˬ-euˬ meh. Ehˇ kʼawꞈ, iˇ cuꞈ kʼoeˇ aˬ yawꞈ maˬ dawˇ-ehˇ, shehˆ kʼaˇ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

1 Laˬsaˬbaˬ 11:20

Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ-aˬ, “Tsawˇ myahˇ doˆ-eu yehˇ smˬ tseˇ gʼaˬ” laꞈ kʼoeˇ, aˬ yuiꞈ geuꞈ-euˬ gʼaˬ meh. Aˬ yawꞈ-aˬ, aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ deuˆ ceh ceh-awˇ sehꞈ jiˇ-euˬ miˇ neh, “Smˬ tseˇ gʼaˬ” laꞈ kʼoeˇ tsawˇ myahˇ doˆ-eu gʼaˬ pyeuꞈ laˇ-eu meh.

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

Jaceuq 72:14

Aˬ cawˬ kʼehˬ nehˬ kʼaˆ nehˬ-awˇ yehˬ bawˬ-ehˇ bi jahˇ-eu laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-eu meh. Aˬ yawꞈ maꞈ-euˬ saꞈ laˇ-ahˇ aˬ yawꞈ taˬ huiˬ-eu meh.

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

Maˬkuˆ 14:24

Yeˬsuˇ ehˇ-eu, “Heu-aˬ, tsawˇ haˬ gʼawˬ mya ni gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Yoˇhaˬ 6:55

Aˬ jeˬ miˇ neh ehˇ naˇ, ngaˬ-euˬ shaˬ jiˇ-aˬ, maˇ maˇ ni gʼeh-eu dzaˬ-eu jeˬ pyeuꞈ-awˇ, ngaˬ-euˬ shiˬ-aˬ, maˇ maˇ ni gʼeh-eu dawˇ-eu jeˬ pyeuꞈ-eu ma.

Lormav 16:4

Aˬ yawꞈ nyaꞈ dzeˇ zaˬ ngaˬ-euˬ gʼaˇ duˬ gʼawˇ mawˇ shiˇ dah tsaˇ-i caw ba nehˬ laꞈ-euˬ meh. Ngaˇ aˬ yawꞈ nyaꞈ dzeˇ zaˬ-ahˇ guiˬ lahˬ huiˬ dui dui-eu ma. Ngaˇ tehꞈ-ehˇ maˬ ngeuˇ ni, Yuˇdaˆ tsawˇ haˬ maˬ ngeuˇ-eu Ka li zaˬ aˇ muˇ dawˬ tawˆ luꞈ kʼawꞈ, aˬ nyaꞈ dzeˇ zaˬ-ahˇ guiˬ lahˬ huiˬ luꞈ meh.

1 Gawˇliˬtu 15:30

Bi gʼoꞈ dehꞈ laˇ-eu jeˬ maˬ jaˆ-a lehˇ ngeuˇ naˇ, aˬ dui maꞈ kʼawꞈ aˬ jeˬ miˇ neh naˬ liˬ yawˬ laꞈ na luꞈ yawˬ ha-euˬ uˬ kʼawˇ gʼaˇ duˬ kʼahˬ ya lahˇ luꞈ ta.

Yaˇ kʼaˬ daˇ 5:18

Ehˇ kʼawꞈ, Zeˬbuˬluˬ tsawˇ haˬ hawˇ-eu Naˬtaˬliˇ tsawˇ haˬ deuˬ, shiˇ gaˇ maˬ guˆ ni guiˇ deuˆ-euˬ meh.

Yaˇ kʼaˬ daˇ 9:17

Naw maꞈ gʼaˇ duˬ ngaˬ da neh guiˇ deuˆ yaꞈ-euˬ gaˇ taˬ ngehˇ. Aˬ yawꞈ-euˬ gʼawˇ mawˇ damˬ nehˬ-eu laꞈ kʼoeˇ, Miˇdiˬyaˬ tsawˇ haˬ-euˬ aˬ laꞈ laꞈ kʼoeˇ naw maꞈ-ahˇ ka kʼoꞈ-euˬ meh.

1 Saˬmeuˬlaˆ 19:5

Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”