1 Laˬsaˬbaˬ 11:17 - Akha

¹⁷ Kʼoeˇ ngeh, Daˬbiˇ iˇ kahˇ-ahˇ noeˬ mawˇ laˇ-awˇ, “Tsawˇ haˬ tiˬ gʼaˬ na Behˬlehˬhehˬ meuˬ-euˬ lahˇ kʼehˬ dawˬ peh jaˆ-eu lah duˬ-ahˇ iˇ-awˇ, iˇ cuꞈ tiˬ kʼmˬ kʼawꞈ laꞈ-awˇ bi dawˇ laꞈ law nmˇ-aˬ lehˇ noeˬ nya” lehˇ ehˇ-eu meh.

1 Laˬsaˬbaˬ 11:17 ပူးပေါင်းရင်းမြစ်များ

1 Laˬsaˬbaˬ 11:16

Aˇ yamˬ kʼoeˇ yamˬ laꞈ kʼoeˇ, ziꞈ dah ni tsoˆ taˬ-euˬ taˆ jaˆ-eu gawˬ duˇ tiˬ duˇ-ahˇ Daˬbiˇ jawˇ luꞈ-awˇ, Piˇliˇtiˆ tsawˇ haˬ deuˬ Yeˬluˇsaˬlehˬ meuˬ-ahˇ uˇ laˇ-awˇ jawˇ luꞈ-eu meh.

1 Laˬsaˬbaˬ 11:18

Tsawˇ myahˇ doˆ dui dui-eu yehˇ kʼoeˇ smˇ gʼaˬ Piˇliˇtiˆ tsawˇ haˬ deuˬ-euˬ taˆ nyiꞈ tsehˆ-ehˇ tahˬ doˆ gʼeh-awˇ, lah duˬ-ahˇ iˇ cuꞈ kʼawꞈ-awˇ, Daˬbiˇ jawˇ gaˇ yuˇ laꞈ nehˬ-euˬ meh. Ehˇ kʼawꞈ, iˇ cuꞈ kʼoeˇ aˬ yawꞈ maˬ dawˇ-ehˇ, shehˆ kʼaˇ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

Jaceuq 143:6

Ngaˬ-euˬ aˬ laꞈ cawˬ diˇ-awˇ nawˬ-ahˇ guiˬ lahˬ shaˇ luꞈ-eu ma. Miˇ tsaˬ yaw gui iˇ cuꞈ mehꞈ-eu loꞈ-ehˇ, nawˬ-ahˇ ngaˇ mehꞈ luꞈ-eu ma.

Jaceuq 60:9

Miˬyehˇ-oˇ, ziꞈ dah ni gawˬ ziꞈ taˬ-euˬ meuˬ-ahˇ aˬ suˇ gʼaˬ ngaˬ-ahˇ sheuˬ gʼeh nehˬ laꞈ nmˇ. Eˬdoˬ miˇ kʼahˬ-ahˇ aˬ suˇ gʼaˬ ngaˬ-ahˇ sheuˬ gʼeh nmˇ.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Iˇsaˬyaˇ 12:3

Iˇ cuꞈ mehꞈ luꞈ-eu tsawˇ haˬ deuˬ, lah duˬ iˇ cuꞈ-ahˇ laˬ kʼaˬ cehˇ-eu loꞈ-ehˇ, Miˬyehˇ-euˬ tsawˇ haˬ deuˬ, aˬ yawꞈ ka kʼoꞈ nehˬ gaˇ laˬ kʼaˬ cehˇ-eu meh.”

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”