1 Laˬsaˬbaˬ 11:16 - Akha

¹⁶ Aˇ yamˬ kʼoeˇ yamˬ laꞈ kʼoeˇ, ziꞈ dah ni tsoˆ taˬ-euˬ taˆ jaˆ-eu gawˬ duˇ tiˬ duˇ-ahˇ Daˬbiˇ jawˇ luꞈ-awˇ, Piˇliˇtiˆ tsawˇ haˬ deuˬ Yeˬluˇsaˬlehˬ meuˬ-ahˇ uˇ laˇ-awˇ jawˇ luꞈ-eu meh.

1 Laˬsaˬbaˬ 11:16 ပူးပေါင်းရင်းမြစ်များ

2 Saˬmeuˬlaˆ 5:17

Daˬbiˇ Iˇsaˬleˬlaˆ sahˬ paˬ pyeuꞈ laˇ-euˬ gaˇ kawˆ Piˇliˇtiˆ tsawˇ haˬ deuˬ ya gaˬ ngeh, Daˬbiˇ-ahˇ nyehꞈ-eu lehˇ aˬ yawꞈ maꞈ-euˬ guiˇ maꞈ deuˬ oe-euˬ meh. Gaˇ kawˆ kʼoeˇ Daˬbiˇ ya gaˬ ngeh, ziꞈ dah ni gʼeh-eu jawˇ duˬ-ahˇ yahˇ jawˇ-euˬ meh.

1 Laˬsaˬbaˬ 11:17

Kʼoeˇ ngeh, Daˬbiˇ iˇ kahˇ-ahˇ noeˬ mawˇ laˇ-awˇ, “Tsawˇ haˬ tiˬ gʼaˬ na Behˬlehˬhehˬ meuˬ-euˬ lahˇ kʼehˬ dawˬ peh jaˆ-eu lah duˬ-ahˇ iˇ-awˇ, iˇ cuꞈ tiˬ kʼmˬ kʼawꞈ laꞈ-awˇ bi dawˇ laꞈ law nmˇ-aˬ lehˇ noeˬ nya” lehˇ ehˇ-eu meh.

Jaceuq 142:1

Caw ba nehˬ laꞈ lehˇ Sahˬpaˬ Miˬyehˇ-ahˇ kuˇ-awˇshaˇ-euˬ ma.

1 Saˬmeuˬlaˆ 10:5

Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.

1 Saˬmeuˬlaˆ 13:23

Piˇliˇtiˆ tsawˇ haˬ deuˬ-aˬ, aˬ yawꞈ maꞈ-euˬ yehˇ tiˬ muˇ-ahˇ, Miˇkaˬmaˆ gʼaˬ lahˇ-ahˇ bi loꞈ tsoeˬ taˬ-euˬ meh.

1 Saˬmeuˬlaˆ 13:4

Piˇliˇtiˆ guiˇ maꞈ kʼoeˇ taˆ uˆ lahˇ-eu yaw huiˬ gʼaˬ-ahˇ Sawˇluˆ neh sehꞈ-euˬ miˇ neh, Piˇliˇtiˆ tsawˇ haˬ deuˬ aˬ yawꞈ maꞈ-ahˇ muiˇ luꞈ-eu gaˇ kawˆ, Iˇsaˬleˬlaˆ tsawˇ haˬ dawˬ tawˆ luꞈ-ahˇ ehˇ gaˬ-euˬ meh. Kʼoeˇ ngeh, Iˇsaˬleˬlaˆ deuˬ, Giˇlaˇgaˬlaˇ meuˬ-ahˇ Sawˇluˆ jawˇ gaˇ uiˬ laˇ-euˬ meh.

1 Saˬmeuˬlaˆ 22:1

Daˬbiˇ-aˬ, Gaˬdaˇ meuˬ-ahˇ neh cehˆ doˆ-awˇ, Aˬduˬlamˬ meuˬ dawˬ peh jaˆ-eu lo kʼahˬ-ahˇ iˇ-euˬ meh. Aˬ yawꞈ kʼoeˇ gaˇ jawˇ-eu gaˇ kawˆ aˬ yawꞈ-euˬ aˇ doˆ deuˬ hawˇ-eu aˬ yuiꞈ aˬ nyiˇ deuˬ ya siˬ ngeh, aˬ yawꞈ jawˇ gaˇ jawˇ leˇ-euˬ meh.

1 Saˬmeuˬlaˆ 22:4

Kʼoeˇ naˇ, aˬ yawꞈ-euˬ aˬ da aˬ ma-ahˇ Mawˇbaˆ sahˬ paˬ nehˬ-ehˇ taˬ yaꞈ-awˇ, lo kʼahˬ kʼoeˇ kʼahˬ laꞈ kʼoeˇ aˬ yawꞈ kʼaˇ dzuˇ zaꞈ luꞈ kʼoeˇ keuˆ ni, kʼoeˇ gaˇ bi jawˇ-euˬ meh.

1 Saˬmeuˬlaˆ 22:5

Kʼoeˇ naˇ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu, Gaˆ lehˇ myahˇ-euˬ tiˬ gʼaˬ Daˬbiˇ jawˇ gaˇ oe-awˇ, “Nawˇ heu gaˇ maˬ paˇ jawˇ ni Yuˇdaˆ miˇ kʼahˬ-ahˇ yaw kawˇ-ehˇ iˇ-awˬ” lehˇ ehˇ le-euˬ meh. Kʼoeˇ ngeh, Daˬbiˇ doˆ-iˇ-awˇ, Hehˇyehˆ lehˇ kuˇ-eu bawˇ tsahˬ bawˇ dahˇ-ahˇ jawˇ-iˇ-euˬ meh.

1 Saˬmeuˬlaˆ 23:25

Kʼoeˇ ngeh, Sawˇluˆ hawˇ-eu aˬ yawꞈ-euˬ tsawˇ haˬ deuˬ Daˬbiˇ-ahˇ poˆ leˇ-euˬ meh. Ehˇ kʼawꞈ, gaˇ kawˆ kʼoeˇ Daˬbiˇ ya gaˬ-awˇ, Maˬoˬ bawˇ tsahˬ bawˇ dahˇ laꞈ kʼoeˇ jaˆ-eu lo guˇ tehꞈ-ehˇ gʼeh-eu gawˬ jawˬ tiˬ jawˬ kʼoeˇ taˆ le daˆ-euˬ meh. Kʼoeˇ loꞈ-ehˇ le daˆ taˬ-euˬ gaˇ kawˆ Sawˇluˆ paˇ ya gaˬ ngeh, Daˬbiˇ-euˬ mehˬ nah paˇ teh leˇ-euˬ meh.