1 Laˬsaˬbaˬ 10:9 - Akha

⁹ Sawˇluˆ-euˬ uˬ duˬ aˬ yawꞈ maꞈ deuˆ tsehˆ-awˇ, aˬ yawꞈ-euˬ guiˇ deuˆ-eu mehˬ tsoeˬ hawˇ-eu keu ka deuˬ lehˆ doˆ-euˬ meh. Kʼoeˇ naˇ, tsawˇ haˬ pyehˬ gʼeh-awˇ, uˬ duˬ hawˇ-eu keu ka kʼoeˇ deuˬ Piˇliˇtiˆ miˇ kʼahˬ doe ni bi baꞈ doe gʼeh-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ hawˇ-eu aˬ yawꞈ maꞈ-euˬ tsawˇ haˬ deuˬ gʼaˇ duˬ, laˬ kʼaˬ cehˇ-eu dawˬ bi tsaꞈ gaˬ doe-iˇ-euˬ meh.

1 Laˬsaˬbaˬ 10:9 ပူးပေါင်းရင်းမြစ်များ

2 Saˬmeuˬlaˆ 1:20

Gaˬ daˇ meuˬ-ahˇ taˬ ja gaˬ-iˇ. Aˬshaˇgaˬloˇ meuˬ-euˬ laꞈ kʼoeˇ, gaˇ ma doe ni taˬ dzawˇ gaˬ-iˇ. Kʼoeˇ loꞈ-ehˇ ja gaˬ dzawˇ gaˬ naˇ, Piˇliˇtiˆ lawˇ ciꞈ zaˬ deuˬ-euˬ, aˬ buˇ deuˬ laˬ kʼaˬ cehˇ tehꞈ-a.

1 Laˬsaˬbaˬ 10:10

Aˬ yawꞈ-euˬ guiˇ deuˆ-eu keu ka deuˬ-ahˇ aˬ yawꞈ maꞈ-euˬ uˬ duˬ tahˬ nymˇ tiˬ nymˇ laꞈ kʼoeˇ bi jaˆ-awˇ, aˬ yawꞈ-euˬ uˬ duˬ-ahˇ, aˬ yawꞈ maꞈ-euˬ Daˬgoˬ miˬ yehˇ-euˬ uˬ duˬ tahˬ nymˇ laꞈ kʼoeˇ bi ceuˬ-euˬ meh.

1 Laˬsaˬbaˬ 10:4

Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ-ahˇ, “Miˬyehˇ maˬ baw-eu Piˇliˇtiˆ tsawˇ haˬ heu deuˬ neh ngaˬ-ahˇ kʼaˇ gʼeh mawꞈ-eu gʼeh-awˇ maˬ bi sehꞈ mawꞈ nya. Nawˬ-euˬ mi cehˇ gʼeu doˆ-awˇ ngaˬ-ahˇ sehꞈ-awˬ” lehˇ ehˇ nehˬ-euˬ meh. Ehˇ kʼawꞈ, zaˬ guˬ kʼoeˇ gʼaˬ aˬ yawꞈ-ahˇ maˬ sehꞈ peuˬ-a. Kʼoeˇ miˇ neh, Sawˇluˆ-aˬ, yawˬ haˇ yawˬ ha mi cehˇ gʼawˇ daˬ-awˇ, coˬ daˆ sehꞈ-euˬ meh.

1 Laˬsaˬbaˬ 10:8

Guiˇ deuˆ gʼaˬ-awˇ yawˬ nah yawˬ-ahˇ, shiˇ taˬ-euˬ tsawˇ haˬ deuˬ geuꞈ luꞈ dm luꞈ-eu mˇ myawˬ deuˬ poˆ geuꞈ laˇ-eu lehˇ Piˇliˇtiˆ tsawˇ haˬ deuˬ laˇ ngeh, Giˇlaˬbaoˬ gawˬ jawˬ kʼoeˇ taˆ Sawˇluˆ hawˇ-eu aˬ yawꞈ-euˬ aˬ li smˬ li shiˇ taˬ-awˇ ga gaˇ ya mawˇ-euˬ meh.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Maꞈtehˬ 14:11

Uˬ duˬ kʼoeˇ siˬ kʼmˬ maˬ sehˇ byehˇ-ahˇ dawˆ ahˇ-awˇ, aˬ buˇ kʼoeˇ buˇ-ahˇ ciˬ ha nehˬ laˇ-awˇ, aˬ buˇ kʼoeˇ buˇ neh aˬ yawꞈ-euˬ aˬ ma-ahˇ ciˬ nehˬ-euˬ meh.